ಹಿರಿಯ ನಾಯಕ ಆಕಾಶ್ ಆನಂದ್ ಅವರನ್ನು ಬಿಎಸ್ಪಿಯ ಎಲ್ಲ ಹುದ್ದೆಗಳಿಂದ ವಜಾಗೊಳಿಸಿದ ಮಾಯಾವತಿ
ಅಶೋಕ್ ಸಿದ್ಧಾರ್ಥ್ ಅವರು ಬಿಎಸ್ಪಿಯ ಸಾಂಸ್ಥಿಕ ಶಕ್ತಿಯನ್ನು ದುರ್ಬಲಗೊಳಿಸುವ ಬಣಗಳನ್ನು ರಚಿಸುವ ಮೂಲಕ ಪಕ್ಷದೊಳಗೆ ವಿಭಜನೆಗೆ ಕಾರಣರಾಗಿದ್ದರು. ಹೀಗಾಗಿ ಅವರನ್ನು ಪಕ್ಷದಿಂದ ಉಚ್ಛಾಟನೆ ಮಾಡಲಾಗಿದೆ ಎಂದು ಮಾಯಾವತಿ ಹೇಳಿದರು.;
ಮಾಯಾವತಿ ಹಾಗೂ ಅಶೋಕ್ ಆನಂದ್.
ಬಹುಜನ ಸಮಾಜ ಪಕ್ಷ (ಬಿಎಸ್ಪಿ) ಭಾನುವಾರ ಆಕಾಶ್ ಆನಂದ್ ಅವರನ್ನು ಪಕ್ಷದ ಎಲ್ಲಾ ಹುದ್ದೆಗಳಿಂದ ವಜಾಗೊಳಿಸಿದ್ದು, ತನ್ನ ನಾಯಕತ್ವ ರಚನೆಯಲ್ಲಿ ಗಮನಾರ್ಹ ಬದಲಾವಣೆಯನ್ನು ತೋರಿಸಿದೆ. ಪಕ್ಷದ ನಿರ್ಣಾಯಕ ಸಭೆಯಲ್ಲಿ ಆಕಾಶ್ ಆನಂದ್ ಅವರ ತಂದೆಯಾಗಿರುವ ಪಕ್ಷದ ಪ್ರಧಾನ ಕಾರ್ಯದರ್ಶಿ ಆನಂದ್ ಕುಮಾರ್ ಮತ್ತು ರಾಜ್ಯಸಭಾ ಸಂಸದ ರಾಮ್ಜಿ ಗೌತಮ್ ಅವರನ್ನು ರಾಷ್ಟ್ರೀಯ ಸಂಯೋಜಕರನ್ನಾಗಿ ನೇಮಿಸಿದೆ. ಸಭೆಯ ಬಳಿಕ ಪಕ್ಷದ ಅಧ್ಯಕ್ಷೆ ಮಾಯಾವತಿ ಈ ಬಗ್ಗೆ ಮಾಹಿತಿ ನೀಡಿದ್ದಾರೆ.
ಕಾನ್ಶಿರಾಮ್ ಅವರ ತತ್ವಗಳಿಗೆ ಪೂರಕವಾಗಿ ಪಕ್ಷದಲ್ಲಿ ಕೆಲಸ ಮಾಡಬೇಕಾಗುತ್ತದೆ ಎಂದು ಹೇಳಿದ ಮಾಯಾವತಿ, ಪಕ್ಷದಲ್ಲಿ ಕುಟುಂಬ ಸದಸ್ಯರು ಕೆಲಸ ಮಾಡುವುದನ್ನು ಅವರು ಎಂದಿಗೂ ವಿರೋಧಿಸಲಿಲ್ಲವಾದರೂ, ಯಾರಾದರೂ ಪಕ್ಷ ಅಥವಾ ಚಳವಳಿಗೆ ಹಾನಿ ಮಾಡಲು ತಮ್ಮ ಹೆಸರನ್ನು ದುರುಪಯೋಗಪಡಿಸಿಕೊಂಡರೆ ತೆಗೆದು ಹಾಕುವ ನಿರ್ಧಾರ ಕೈಗೊಂಡಿದ್ದರು ಎಂದು ಹೇಳಿದರು.
ಕಾನ್ಶಿರಾಮ್ ಅವರ ತತ್ವಕ್ಕೆ ಅನುಗುಣವಾಗಿ ಪಕ್ಷದ ಹಿರಿಯ ಮುಖಂಡರಾಗಿದ್ದ ಅಶೋಕ್ ಸಿದ್ಧಾರ್ಥ್ ಅವರನ್ನು ಪಕ್ಷದಿಂದ ಹೊರಹಾಕಲಾಗಿದೆ. ಅಂತೆಯೇ ವಅವರ ಅಳಿಯ ಆಕಾಶ್ ಆನಂದ್ ಅವರನ್ನು ಪಕ್ಷದ ಎಲ್ಲಾ ಜವಾಬ್ದಾರಿಗಳಿಂದ ತೆಗೆದುಹಾಕಲಾಗಿದೆ ಎಂದು ಅವರು ಘೋಷಿಸಿದರು.
ಪಕ್ಷ ದುರ್ಬಲಗೊಳಿಸವ ಕೆಲಸ
ಅಶೋಕ್ ಸಿದ್ಧಾರ್ಥ್ ಅವರು ಬಿಎಸ್ಪಿಯ ಸಾಂಸ್ಥಿಕ ಶಕ್ತಿಯನ್ನು ದುರ್ಬಲಗೊಳಿಸುವ ಬಣಗಳನ್ನು ರಚಿಸುವ ಮೂಲಕ ಪಕ್ಷದೊಳಗೆ ವಿಭಜನೆಗೆ ಕಾರಣರಾಗಿದ್ದರು. ಹೀಗಾಗಿ ಅವರನ್ನು ಪಕ್ಷದಿಂದ ಉಚ್ಛಾಟನೆ ಮಾಡಲಾಗಿದೆ. ಅದೇ ರೀತಿ ಅವರ ಅಳಿಯನಾಗಿರುವ ಅಶೋಕ್ ಆನಂದ್ ಅವರನ್ನು ಎಲ್ಲ ಹುದ್ದೆಗಳಿಂದ ಮುಕ್ತಿಗೊಳಿಸಲಾಗಿದೆ. ಅವರು ಪಕ್ಷದ ನೀತಿಗಳಿಗೆ ವಿರೋಧವಾಗಿ ಕೆಲಸ ಮಾಡಿದ್ದರು. ಅದು ಸ್ವೀಕಾರಾರ್ಹವಲ್ಲ ಮತ್ತು ಅವನನ್ನು ಹೊರಹಾಕಲು ಕಾರಣವಾಯಿತು ಎಂದು ಮಾಯಾವತಿ ಅವರು ಹೇಳಿದರು.
ಅಶೋಕ್ ಸಿದ್ಧಾರ್ಥ್ ತಮ್ಮ ಅಳಿಯನಾಗಿರುವ ಆನಂದ್ ವಿರುದ್ಧ ಪ್ರಭಾವ ಬೀರುವ ಸಾಧ್ಯತೆಗಳು ಇದ್ದವು. ಸಿದ್ಧಾರ್ಥ್ ಅವರ ಉಚ್ಛಾಟನೆ ಈಗಾಗಲೇ ಆನಂದ್ ಅವರ ರಾಜಕೀಯ ವಿಧಾನದ ಮೇಲೆ ಪ್ರಭಾವ ಬೀರಿದ್ದವು. ಹೀಗಾಗಿ ಸಿದ್ಧಾರ್ಥ್ ಅವರು ಎಲ್ಲದ್ದಕ್ಕೂ ಹೊಣೆ ಎಂದು ಹೇಳಿದ ಅವರು ಆಕಾಶ್ ಆನಂದ್, ಅವರ ರಾಜಕೀಯ ಜೀವನವನ್ನು ಹಳಿ ತಪ್ಪಿಸಿದ್ದಾರೆ ಎಂದು ಮಾಯವತಿ ಆರೋಪಿಸಿದರು.
ಪಕ್ಷದ ನಾಯಕತ್ವವನ್ನು ಸ್ಥಿರಗೊಳಿಸಲು, ಬಿಎಸ್ಪಿಯ ರಾಷ್ಟ್ರೀಯ ಉಪಾಧ್ಯಕ್ಷರಾಗಿ ಸೇವೆ ಸಲ್ಲಿಸುತ್ತಿರುವ ಆನಂದ್ ಕುಮಾರ್. ಈಗ ರಾಷ್ಟ್ರೀಯ ಸಂಯೋಜಕರ ಪಾತ್ರವನ್ನು ಹೆಗಲೇರಿಸಿಕೊಳ್ಳಲಿದ್ದಾರೆ ಎಂದು ಮಾಯಾವತಿ ಘೋಷಿಸಿದ್ದಾರೆ. ಹೆಚ್ಚುವರಿಯಾಗಿ, ರಾಜ್ಯಸಭಾ ಸಂಸದ ರಾಮ್ಜಿ ಗೌತಮ್ ಅವರನ್ನು ಪಕ್ಷದ ಸಾಂಸ್ಥಿಕ ರಚನೆಯನ್ನು ಮತ್ತಷ್ಟು ಬಲಪಡಿಸಲು ರಾಷ್ಟ್ರೀಯ ಸಂಯೋಜಕರಾಗಿ ನೇಮಿಸಲಾಗಿದೆ.
ಪಕ್ಷದ ವ್ಯವಹಾರಗಳನ್ನು ನಿರ್ವಹಿಸುವ ಆನಂದ್ ಕುಮಾರ್ ಅವರ ಸಾಮರ್ಥ್ಯದ ಬಗ್ಗೆ ವಿಶ್ವಾಸ ವ್ಯಕ್ತಪಡಿಸಿದ ಮಾಯಾವತಿ, ಅವರು ಎಂದಿಗೂ ಪಕ್ಷವನ್ನು ನಿರಾಶೆಗೊಳಿಸಿಲ್ಲ ಮತ್ತು ಬಿಎಸ್ಪಿಯ ಧ್ಯೇಯಕ್ಕೆ ನಿಷ್ಠರಾಗಿ ಉಳಿದಿದ್ದಾರೆ ಎಂದು ಹೇಳಿದರು.