The Taj Story| 'ದಿ ತಾಜ್ ಸ್ಟೋರಿ' ಚಿತ್ರದ ಪೋಸ್ಟರ್ ವಿವಾದ; ಸ್ಪಷ್ಟನೆ ನೀಡಿದ ನಿರ್ದೇಶಕ
ಮುಸ್ಲಿಂ ಸಹೋದರರ ಧಾರ್ಮಿಕ ಭಾವನೆಗಳಿಗೆ ಧಕ್ಕೆ ತಂದಿದೆ. ಅವರು ಪೋಸ್ಟರ್ ಬಗ್ಗೆ ವಿವಾದವನ್ನು ಸೃಷ್ಟಿಸಿದ್ದಾರೆ. ಯಾರ ಭಾವನೆಗಳಿಗೂ ನೋವುಂಟು ಮಾಡುವುದು ನಮ್ಮ ಉದ್ದೇಶವಲ್ಲ ಎಂದು ನಾನು ಹೇಳಲು ಬಯಸುತ್ತೇನೆ" ಎಂದು ತುಷಾರ್ ವಿಡಿಯೋದಲ್ಲಿ ಹೇಳಿದ್ದಾರೆ.
ʻದಿ ತಾಜ್ ಸ್ಟೋರಿʼ
ಹಿರಿಯ ನಟ ಪರೇಶ್ ರಾವಲ್ ಅವರ ಮುಂಬರುವ ಚಿತ್ರ 'ದಿ ತಾಜ್ ಸ್ಟೋರಿ' ಬಿಡುಗಡೆಗೂ ಮುನ್ನವೇ ವಿವಾದಕ್ಕೆ ಸಿಲುಕಿದೆ. ಇದು ಧಾರ್ಮಿಕ ಭಾವನೆಗಳಿಗೆ ಧಕ್ಕೆ ತರುತ್ತದೆ ಮತ್ತು ಇತಿಹಾಸವನ್ನು ತಿರುಚುತ್ತದೆ ಎಂಬ ಆರೋಪ ಕೇಳಿಬರುತ್ತಿದೆ. ಈ ಬಗ್ಗೆ ಪರೇಶ್ ರಾವಲ್ ಮತ್ತು ಈಗ ಚಿತ್ರದ ನಿರ್ದೇಶಕ ಮತ್ತು ಬರಹಗಾರ ತುಷಾರ್ ಅಮರೀಶ್ ಗೋಯಲ್ ಈ ವಿಷಯದ ಬಗ್ಗೆ ಸ್ಪಷ್ಟೀಕರಣಗಳನ್ನು ನೀಡಿದ್ದಾರೆ. ಸಿನಿಮಾ ಯಾವುದೇ ಧರ್ಮದ ವಿರುದ್ಧವಲ್ಲ ಎಂದು ಅವರು ಸ್ಪಷ್ಟಪಡಿಸಿದ್ದಾರೆ.
ಮಂಗಳವಾರ ಬಿಡುಗಡೆಯಾದ ಪೋಸ್ಟರ್ ಸಾಕಷ್ಟು ವಿವಾದವನ್ನು ಸೃಷ್ಟಿಸಿದೆ. ಪೋಸ್ಟರ್ ನಮ್ಮ ಕೆಲವು ಮುಸ್ಲಿಂ ಸಹೋದರರ ಧಾರ್ಮಿಕ ಭಾವನೆಗಳಿಗೆ ಧಕ್ಕೆ ತಂದಿದೆ. ಅವರು ಪೋಸ್ಟರ್ ಬಗ್ಗೆ ವಿವಾದವನ್ನು ಸೃಷ್ಟಿಸಿದ್ದಾರೆ. ಯಾರ ಭಾವನೆಗಳಿಗೂ ನೋವುಂಟು ಮಾಡುವುದು ನಮ್ಮ ಉದ್ದೇಶವಲ್ಲ ಎಂದು ನಾನು ಹೇಳಲು ಬಯಸುತ್ತೇನೆ" ಎಂದು ತುಷಾರ್ ವಿಡಿಯೋದಲ್ಲಿ ಹೇಳಿದ್ದಾರೆ.
ಪೋಸ್ಟರ್ ಬಗ್ಗೆ ವಿವಾದ
ಮಂಗಳವಾರ ನಟ ಪರೇಶ್ ರಾವಲ್ ಇನ್ಸ್ಟಾಗ್ರಾಮ್‌ನಲ್ಲಿ ಸಿನಿಮಾದ ಮೋಷನ್ ಪೋಸ್ಟರ್ ಬಿಡುಗಡೆ ಮಾಡಿದ್ದರು. ಅದರಲ್ಲಿ, ಅವರು ತಾಜ್ ಮಹಲ್‌ನ ಗುಮ್ಮಟವನ್ನು ಎತ್ತುತ್ತಿರುವುದನ್ನು ಕಾಣಬಹುದು. ಅವರು ಅದನ್ನು ಎತ್ತುತ್ತಿದ್ದಂತೆ, ಅದರಿಂದ ಶಿವನ ಪ್ರತಿಮೆ ಹೊರಹೊಮ್ಮುತ್ತದೆ. ಪರೇಶ್ ಅದಕ್ಕೆ "ನಿಮಗೆ ಕಲಿಸಿದ ಎಲ್ಲವೂ ಸುಳ್ಳಾಗಿ ಪರಿಣಮಿಸಿದರೆ ಏನು? ಸತ್ಯವನ್ನು ಮರೆಮಾಡಲಾಗಿಲ್ಲ, ಅದನ್ನು ನಿರ್ಣಯಿಸಲಾಗುತ್ತದೆʼʼ ಎಂದು ಶೀರ್ಷಿಕೆ ನೀಡಿದ್ದರು. ಈ ಪೋಸ್ಟರ್ ವಿವಾದವನ್ನು ಹುಟ್ಟುಹಾಕಿತ್ತು.
ಈ ಸಿನಿಮಾವನ್ನು ಮನರಂಜನಾ ಉದ್ದೇಶಿಕ್ಕಾಗಿ ನಿರ್ಮಿಸಲಾಗಿದೆ. ʻದಿ ತಾಜ್ ಸ್ಟೋರಿ’ ಸಂಪೂರ್ಣವಾಗಿ ಮನರಂಜನೆಯನ್ನು ಆಧರಿಸಿದೆ. ಇದು ಕೇವಲ ಮನರಂಜನೆಯ ಉದ್ದೇಶಗಳಿಗಾಗಿ ಮಾತ್ರ ನಿರ್ಮಿಸಲಾಗಿದೆ. ನೀವು ಜಾಲಿ ಎಲ್‌ಎಲ್‌ಬಿಯಲ್ಲಿ ಚರ್ಚೆಯನ್ನು ನೋಡಿರಬಹುದು, ಹಾಗೆಯೇ ತಾಜ್ ಸ್ಟೋರಿ ಕೂಡ ಇದೇ ರೀತಿಯ ಚರ್ಚೆಯನ್ನು ಚಿತ್ರಿಸುತ್ತದೆ. ತಾಜ್ ಮಹಲ್ ಕುರಿತ ಚರ್ಚೆ, ತಾಜ್ ಮಹಲ್ ಇತಿಹಾಸದ ಕುರಿತ ಚರ್ಚೆ ಈ ಸಿನಿಮಾದಲ್ಲಿ ಇರಲಿದೆ ಎಂದು ಅವರು ಸ್ಪಷ್ಟನೆ ನೀಡಿದ್ದಾರೆ.
ಸತ್ಯಗಳನ್ನು ಆಧರಿಸಿದ ಸಿನಿಮಾ
ಚಿತ್ರದಲ್ಲಿ ತೋರಿಸಿರುವ ಪ್ರತಿಯೊಂದು ಚರ್ಚೆಯೂ ಸಂಪೂರ್ಣವಾಗಿ ಸತ್ಯಗಳನ್ನು ಆಧರಿಸಿದೆ. ಯಾವುದೂ ಕಾಲ್ಪನಿಕ ಅಥವಾ ಕಟ್ಟುಕಥೆಯಲ್ಲ. ನಮ್ಮ ಚಿತ್ರವು ತಾಜ್ ಮಹಲ್ ಒಂದು ದೇವಾಲಯ, ಅದರ ಕೆಳಗೆ ಶಿವ ದೇವಾಲಯವಿದೆ ಅಥವಾ ತೇಜುಮಹಾಲಯವಿದೆ ಎಂದು ಹೇಳಿಕೊಳ್ಳುವುದಿಲ್ಲ. ಈ ಚಿತ್ರವು ಸಂಪೂರ್ಣವಾಗಿ ಮನರಂಜನಾ ಉದ್ದೇಶಗಳಿಗಾಗಿ ಮಾಡಲಾಗಿದೆ. ಇದು ಯಾವುದೇ ಪಕ್ಷ ಅಥವಾ ಯಾವುದೇ ನಿರ್ದಿಷ್ಟ ವ್ಯಕ್ತಿಯನ್ನು ಬೆಂಬಲಿಸುವ ಪ್ರಚಾರ ಚಿತ್ರವಲ್ಲ. ಆದ್ದರಿಂದ, ದಯವಿಟ್ಟು ಅಕ್ಟೋಬರ್ 31 ರಂದು ಬಂದು ಈ ಚಿತ್ರವನ್ನು ವೀಕ್ಷಿಸಿ ಎಂದು ಅವರು ತಿಳಿಸಿದ್ದಾರೆ.
ಮೊಘಲ್ ಚಕ್ರವರ್ತಿ ಷಹಜಹಾನ್ ನಿರ್ಮಿಸಿದ ತಾಜ್ ಮಹಲ್ ಈ ಹಿಂದೆಯೂ ವಿವಾದದಲ್ಲಿ ಸಿಲುಕಿತ್ತು. ಅದರ ಬಗ್ಗೆ ಹಲವಾರು ವಿವಾದಗಳು ಹರಡಿತ್ತು. ಅದು ಶಿವ ದೇವಾಲಯದ ಮೇಲೆ ನಿರ್ಮಿಸಲ್ಪಟ್ಟಿದೆ ಎಂಬ ವಾದವಿತ್ತು. ಆದರೂ, ಯಾವುದೇ ಪ್ರಸಿದ್ಧ ಇತಿಹಾಸಕಾರರು ಈ ಹೇಳಿಕೆಯನ್ನು ಬೆಂಬಲಿಸಿಲ್ಲ, ಅಥವಾ ಅದು ಇನ್ನೂ ಸಾಬೀತಾಗಿಲ್ಲ.
ತುಷಾರ್ ಅಮರೀಶ್ ಗೋಯಲ್ ನಿರ್ದೇಶನದ "ದಿ ತಾಜ್ ಸ್ಟೋರಿ" ಅಕ್ಟೋಬರ್ 31 ರಂದು ಚಿತ್ರಮಂದಿರಗಳಲ್ಲಿ ಬಿಡುಗಡೆಯಾಗಲಿದೆ. ಜಾಕಿರ್ ಹುಸೇನ್, ಅಮೃತಾ ಖಾನ್ವಿಲ್ಕರ್, ಸ್ನೇಹಾ ವಾಘ್ ಮತ್ತು ನಮಿತ್ ದಾಸ್ ಕೂಡ ಪ್ರಮುಖ ಪಾತ್ರಗಳನ್ನು ನಿರ್ವಹಿಸುತ್ತಿದ್ದಾರೆ.