IPL 2025 | ಐಪಿಎಲ್ 2025ರ ಕೈಪಿಡಿ; ಇಲ್ಲಿದೆ ಟೂರ್ನಿಯ ಎಲ್ಲ ಮಾಹಿತಿ

ಐಪಿಎಲ್ 2025ರ ಉದ್ಘಾಟನಾ ಪಂದ್ಯದಲ್ಲಿ ರಾಯಲ್ ಚಾಲೆಂಜರ್ಸ್ ಬೆಂಗಳೂರು (RCB) ತಂಡ ಕೋಲ್ಕತ್ತಾ ನೈಟ್ ರೈಡರ್ಸ್ (KKR) ತಂಡವನ್ನು ಎದುರಿಸಲಿದೆ. ಕೋಲ್ಕತ್ತಾದ ಈಡನ್ ಗಾರ್ಡನ್ಸ್​ನಲ್ಲಿ ಮಾರ್ಚ್ 22ರಂದು ಪಂದ್ಯ ನಡೆಯಲಿದೆ. 2008ರಲ್ಲಿ ಪ್ರಾರಂಭವಾದ ಈ ಶ್ರೀಮಂತ ಟಿ20 ಟೂರ್ನಾಮೆಂಟ್ ಈಗ 18ನೇ ವರ್ಷಕ್ಕೆ ಪ್ರವೇಶಿಸಿದೆ. ಈ ವರ್ಷ, ಐಪಿಎಲ್ 2025 ಮಾರ್ಚ್ 22 ರಿಂದ ಮೇ 25ರವರೆಗೆ 13 ತಾಣಗಳಲ್ಲಿ 10 ತಂಡಗಳ ನಡುವಿನ ಜಿದ್ದಾಜಿದ್ದಿನ ಹೋರಾಟದೊಂದಿಗೆ ನಡೆಯಲಿದೆ.

ಐಪಿಎಲ್ 2025 ರಲ್ಲಿ ಹೊಸತೇನಿದೆ?

ಕಳೆದ ವರ್ಷ ಮೆಗಾ ಹರಾಜು ನಡೆದಿದ್ದರಿಂದ ಬಹುತೇಕ ಎಲ್ಲಾ ತಂಡಗಳು ಪ್ರಮುಖ ಬದಲಾವಣೆಗಳನ್ನು ಮಾಡಿಕೊಂಡಿವೆ. ಕಳೆದ ವರ್ಷ ಕೋಲ್ಕತ್ತಾ ನೈಟ್ ರೈಡರ್ಸ್ (KKR) ತಂಡವನ್ನು ಚಾಂಪಿಯನ್​ಶಿಪ್ ಕಡೆಗೆ ನಡೆಸಿದ ಶ್ರೇಯಸ್ ಅಯ್ಯರ್ ಈಗ ಪಂಜಾಬ್ ಕಿಂಗ್ಸ್ (PBKS) ನ ಕ್ಯಾಪ್ಟನ್ ಆಗಿದ್ದಾರೆ. ರಿಷಭ್ ಪಂತ್ ಡೆಲ್ಲಿ ಕ್ಯಾಪಿಟಲ್ಸ್ (DC) ನಿಂದ ಲಕ್ನೋ ಸೂಪರ್ ಜಯಂಟ್ಸ್ (LSG) ಗೆ ಸ್ಥಳಾಂತರಗೊಂಡಿದ್ದಾರೆ ಮತ್ತು ತಂಡದ ನಾಯಕರಾಗಿದ್ದಾರೆ. ಹೊಸ ಕ್ಯಾಪ್ಟನ್​​ಗಳ ಪಟ್ಟಿಯಲ್ಲಿ ಅಕ್ಷರ್ ಪಟೇಲ್ (DC), ರಜತ್ ಪಾಟಿದಾರ್ (RCB), ಅಜಿಂಕ್ಯಾ ರಹಾನೆ (KKR) ಇದ್ದಾರೆ. ಅದೇ ರೀತಿ, ಕೆ ಎಲ್​ ರಾಹುಲ್ ಎಲ್​​ಎಸ್​ಜಿಯಿಂದ ಡೆಲ್ಲಿಗೆ ಸ್ಥಳಾಂತರಗೊಂಡಿದ್ದಾರೆ. ಆರ್​ ಅಶ್ವಿನ್ ಈಗ ಸಿಎಸ್​ಕೆ ತಂಡದೊಂದಿಗೆ ಇದ್ದಾರೆ.

ಹೊಸ ನಿಯಮಗಳು

ಬೌಲರ್​ಗಳು ಈ ಬಾರಿ ಚೆಂಡನ್ನು ಹೊಳಪು ಮಾಡಿ ಪರಿಣಾಮಕಾರಿ ಸ್ವಿಂಗ್ ಎಸೆಯಲು ಎಂಜಲು ಬಳಸಬಹುದು. ಕೋವಿಡ್​-19 ನಂತರ ಅದರ ಬಳಕೆ ನಿಷೇಧಿಸಲಾಗಿತ್ತು.  ಅಂತೆಯೇ ಹಾಕ್-ಐ ತಾಂತ್ರಿಕತೆಯನ್ನು ಆಫ್-ಸೈಡ್ ಮತ್ತು ತಲೆ-ಎತ್ತರದ ವೈಡ್​ಗಳ ನಿರ್ಧಾರಕ್ಕೆ ಮತ್ತು ಸೊಂಟಕ್ಕಿಂತ ಎತ್ತರದ ನೋ-ಬಾಲ್​ಗಳನ್ನು ಗುರುತಿಸಲು ಬಳಸಲಾಗುತ್ತದೆ. ಈ ಸೀಸನ್​ನಲ್ಲಿ ನಿಧಾನಗತಿಯ ಓವರ್​ ರೇಟ್ ತಪ್ಪುಗಳಿಗೆ ನಾಯಕರಿಗೆ ಪಂದ್ಯ ನಿಷೇಧ ಇರುವುದಿಲ್ಲ.

ರಾತ್ರಿ ಪಂದ್ಯದ (7:30 PM) ಎರಡನೇ ಇನ್ನಿಂಗ್ಸ್ ಸಮಯದಲ್ಲಿ ಒಂದು ಇನಿಂಗ್ಸ್​ನಲ್ಲಿ ಎರಡು ಚೆಂಡುಗಳನ್ನು ಬಳಸಲಾಗುತ್ತದೆ. 11ನೇ ಓವರ್​ನಿಂದ ಬದಲಾವಣೆ ಜಾರಿಯಲ್ಲಿರುತ್ತದೆ. ನಿರ್ಧಾರ ಅಂಪೈರ್​ಗೆ ಬಿಟ್ಟಿತ್ತು. ಇದು ದ್ವಿತೀಯ ಇನ್ನಿಂಗ್ಸ್​ನಲ್ಲಿ ಬೌಲಿಂಗ್ ಮಾಡುವ ತಂಡಗಳಿಗೆ ಅನನುಕೂಲವಾಗುವ ಇಬ್ಬನಿ ಪರಿಸ್ಥಿತಿ ನಿಭಾಯಿಸಲು ಜಾರಿಗೆ ತರಲಾಗಿದೆ.

ಐಪಿಎಲ್ 2025ರ ಪಂದ್ಯದ ದಿನಾಂಕಗಳು

ಐಪಿಎಲ್ 2025 ಮಾರ್ಚ್ 22ರಂದು ಕೋಲ್ಕತ್ತಾದ ಈಡನ್ ಗಾರ್ಡನ್ಸ್​​ನಲ್ಲಿ ಕೆಕೆಆರ್​ ಮತ್ತು ಆರ್​ಸಿಬಿ ನಡುವಿನ ಆರಂಭಿಕ ಪಂದ್ಯದೊಂದಿಗೆ ಪ್ರಾರಂಭವಾಗುತ್ತದೆ. ಮೇ 25 ರಂದು ಅದೇ ತಾಣದಲ್ಲಿ ಫೈನಲ್ ನಡೆಯಲಿದೆ.

ಒಟ್ಟು ಪಂದ್ಯಗಳು, ದಿನಗಳು – 65 ದಿನಗಳಲ್ಲಿ 74 ಪಂದ್ಯಗಳು.

ಐಪಿಎಲ್ 2025 ಲೀಗ್ ಹಂತ – ಮಾರ್ಚ್ 22 ರಿಂದ ಮೇ 18 (70 ಗ್ರೂಪ್ ಪಂದ್ಯಗಳು)

ಐಪಿಎಲ್ 2025 ಪ್ಲೇಆಫ್​ಗಳು ಯಾವಾಗ?

ಮೇ 20: ಕ್ವಾಲಿಫೈಯರ್ 1 (1 vs 2) ಹೈದರಾಬಾದ್; ಮೇ 21: ಎಲಿಮಿನೇಟರ್ (3 vs 4) ಹೈದರಾಬಾದ್; ಮೇ 23: ಕ್ವಾಲಿಫೈಯರ್ 2 (ಕ್ವಾಲಿಫೈಯರ್ 1ನ ಸೋತವರು vs ಎಲಿಮಿನೇಟರ್ ನ ವಿಜೇತರು) ಕೋಲ್ಕತ್ತಾ; ಮೇ 25: ಫೈನಲ್ ಕೋಲ್ಕತ್ತಾ.

ಐಪಿಎಲ್ 2025 ರಲ್ಲಿ ಎಷ್ಟು ಡಬಲ್ ಹೆಡರ್​ಗಳಿಗೆ?

12 ಡಬಲ್ ಹೆಡರ್​ಗಳು (ಮಾರ್ಚ್ 23, ಮಾರ್ಚ್ 30, ಏಪ್ರಿಲ್ 5, 6, 12, 13, 19, 20, 27, ಮೇ 4, 11, 18).

ಐಪಿಎಲ್ 2025ರಲ್ಲಿ ಭಾಗವಹಿಸುವ ತಂಡಗಳು :10

ಚೆನ್ನೈ ಸೂಪರ್ ಕಿಂಗ್ಸ್ (CSK), ಡೆಲ್ಲಿ ಕ್ಯಾಪಿಟಲ್ಸ್ (DC), ಗುಜರಾತ್ ಟೈಟಾನ್ಸ್ (GT), ಕೋಲ್ಕತ್ತಾ ನೈಟ್ ರೈಡರ್ಸ್ (KKR), ಲಕ್ನೋ ಸೂಪರ್ ಜಯಂಟ್ಸ್ (LSG), ಮುಂಬೈ ಇಂಡಿಯನ್ಸ್ (MI), ಪಂಜಾಬ್ ಕಿಂಗ್ಸ್ (PBKS), ರಾಜಸ್ಥಾನ್ ರಾಯಲ್ಸ್ (RR), ರಾಯಲ್ ಚಾಲೆಂಜರ್ಸ್ ಬೆಂಗಳೂರು (RCB), ಸನ್​ರೈಸರ್ಸ್​ ಹೈದರಾಬಾದ್ (SRH).

10 ನಾಯಕರು ಯಾರು?

ಒಂಬತ್ತು ಭಾರತೀಯ ನಾಯಕರು ಮತ್ತು ಒಬ್ಬ ವಿದೇಶಿ ನಾಯಕ. ರುತುರಾಜ್ ಗಾಯಕ್ವಾಡ್​ (CSK), ಅಕ್ಷರ್ ಪಟೇಲ್ (DC), ಶುಬ್ಮನ್ ಗಿಲ್ (GT), ಅಜಿಂಕ್ಯ ರಹಾನೆ (KKR), ರಿಷಭ್ ಪಂತ್ (LSG), ಹಾರ್ದಿಕ್​ ಪಾಂಡ್ಯ (MI), ಶ್ರೇಯಸ್ ಐಯರ್ (PBKS), ಸಂಜು ಸ್ಯಾಮ್ಸನ್ (RR), ರಜತ್ ಪಾಟಿದಾರ್ (RCB), ಪ್ಯಾಟ್ ಕಮಿನ್ಸ್ (SRH).

10 ಕೋಚ್​​ಗಳು ಯಾರು?

ಆರು ವಿದೇಶಿ ಕೋಚ್​ಗಳು ಮತ್ತು ನಾಲ್ಕು ಭಾರತೀಯರು. ಸ್ಟೀಫನ್ ಫ್ಲೆಮಿಂಗ್ (CSK), ಹೇಮಂಗ್ ಬದಾನಿ (DC), ಆಶಿಷ್ ನೆಹ್ರಾ (GT), ಚಂದ್ರಕಾಂತ್ ಪಂಡಿತ್ (KKR), ಜಸ್ಟಿನ್ ಲ್ಯಾಂಗರ್ (LSG), ಮಹೇಲಾ ಜಯವರ್ಧನೆ (MI), ರಿಕಿ ಪಾಂಟಿಂಗ್ (PBKS), ರಾಹುಲ್ ದ್ರಾವಿಡ್ (RR), ಆಂಡಿ ಫ್ಲವರ್ (RCB), ಡೇನಿಯಲ್ ವೆಟ್ಟೋರಿ (SRH).

ಐಪಿಎಲ್ 2025 ರಲ್ಲಿ ಅತ್ಯಂತ ದುಬಾರಿ ಆಟಗಾರರು ಯಾರು?

ರಿಷಭ್ ಪಂತ್ (Rs 27 ಕೋಟಿ – LSG), ಶ್ರೇಯಸ್ ಐಯರ್ (Rs 26.75 ಕೋಟಿ – PBKS), ವೆಂಕಟೇಶ್ ಐಯರ್ (Rs 23.75 ಕೋಟಿ – KKR), ಹೆನ್ರಿಕ್ ಕ್ಲಾಸೆನ್ (Rs 23 ಕೋಟಿ – SRH), ವಿರಾಟ್ ಕೊಹ್ಲಿ (Rs 21 ಕೋಟಿ – RCB), ನಿಕೋಲಸ್ ಪೂರನ್ (Rs 21 ಕೋಟಿ – LSG).

ಹಾಲಿ ಚಾಂಪಿಯನ್​ ತಂಡ?

ಕೋಲ್ಕತ್ತಾ ನೈಟ್ ರೈಡರ್ಸ್ (KKR), ಶ್ರೇಯಸ್ ಅಯ್ಯ ನಾಯಕತ್ವದಲ್ಲಿ, ಕಳೆದ ವರ್ಷ ಸನ್ರೈಸರ್ಸ್ ಹೈದರಾಬಾದ್ (SRH) ಅನ್ನು ಫೈನಲ್​ನಲ್ಲಿ ಸೋಲಿಸಿ ಐಪಿಎಲ್ 2024 ಅನ್ನು ಗೆದ್ದಿತ್ತು.

ಐಪಿಎಲ್ 2025 ಗುಂಪುಗಳು

ಗ್ರೂಪ್ A: ಚೆನ್ನೈ ಸೂಪರ್ ಕಿಂಗ್ಸ್ (CSK), ಕೊಲ್ಕತ್ತಾ ನೈಟ್ ರೈಡರ್ಸ್ (KKR), ರಾಜಸ್ಥಾನ್ ರಾಯಲ್ಸ್ (RR), ರಾಯಲ್ ಚಾಲೆಂಜರ್ಸ್ ಬೆಂಗಳೂರು (RCB), ಪಂಜಾಬ್ ಕಿಂಗ್ಸ್ (PBKS).

ಗ್ರೂಪ್ B: ಮುಂಬೈ ಇಂಡಿಯನ್ಸ್ (MI), ಸನ್‌ರೈಸರ್ಸ್ ಹೈದ್ರಾಬಾದ್ (SRH), ಗುಜರಾತ್ ಟೈಟನ್ಸ್ (GT), ಡೆಲ್ಲಿ ಕ್ಯಾಪಿಟಲ್ಸ್ (DC), ಲಕ್ನೋ ಸೂಪರ್ ಜೈಂಟ್ಸ್ (LSG).

ಪ್ರತಿ ತಂಡವು ತಮ್ಮ ಗ್ರೂಪ್​ನಲ್ಲಿ ಇತರ ನಾಲ್ಕು ತಂಡಗಳೊಂದಿಗೆ ಎರಡು ಬಾರಿ ಆಡುತ್ತದೆ. ಅಲ್ಲದೆ, ನ ಒಂದು ತಂಡದೊಂದಿಗೆ ಎರಡು ಬಾರಿ (ಶ್ರೇಯಾಂಕದ ಆಧಾರದ ಮೇಲೆ ನಿರ್ಧಾರ) ಮತ್ತು ಇತರ ನಾಲ್ಕು ತಂಡಗಳೊಂದಿಗೆ ಒಮ್ಮೆ ಆಡುತ್ತಾರೆ. ಎಲ್ಲಾ ತಂಡಗಳು ಲೀಗ್ ಹಂತದಲ್ಲಿ 14 ಪಂದ್ಯಗಳನ್ನು ಆಡುತ್ತವೆ, ಅದರಲ್ಲಿ 7 ಪಂದ್ಯಗಳು ತವರು ಮೈದಾನ ಮತ್ತು 7 ಪಂದ್ಯಗಳು ಬೇರೆ ತಂಡಗಳ ತವರಿನಲ್ಲಿ ಆಡಲಿದೆ. ಅಂತಿಮವಾಗಿ ಮೊದಲ ನಾಲ್ಕು ತಂಡಗಳು ಪ್ಲೇಆಫ್ಗಳಿಗೆ ಅರ್ಹತೆ ಪಡೆಯುತ್ತವೆ.

ಐಪಿಎಲ್ 2025ರ ಸ್ಟೇಡಿಯಮ್​ಗಳು

ಈಡನ್ ಗಾರ್ಡನ್ಸ್, ಕೋಲ್ಕತ್ತಾ; ರಾಜೀವ್ ಗಾಂಧಿ ಇಂಟರ್​ನ್ಯಾಷನಲ್ ಸ್ಟೇಡಿಯಂ, ಹೈದರಾಬಾದ್; ಎಂಎ ಚಿದಂಬರಂ ಸ್ಟೇಡಿಯಂ, ಚೆನ್ನೈ; ಡಾ. ವೈಎಸ್ ರಾಜಶೇಖರ ರೆಡ್ಡಿ ಎಸಿಎ-ವಿಡಿಸಿಎ ಕ್ರಿಕೆಟ್ ಸ್ಟೇಡಿಯಂ, ವಿಶಾಖಪಟ್ಟಣಂ; ನರೇಂದ್ರ ಮೋದಿ ಸ್ಟೇಡಿಯಂ, ಅಹಮದಾಬಾದ್; ಬಾರಸಾಪಾರಾ ಕ್ರಿಕೆಟ್ ಸ್ಟೇಡಿಯಂ, ಗುವಾಹಟಿ; ವಾಂಖೇಡೆ ಸ್ಟೇಡಿಯಂ, ಮುಂಬೈ; ಭಾರತ ರತ್ನ ಶ್ರೀ ಅಟಲ್ ಬಿಹಾರಿ ವಾಜಪೇಯಿ ಏಕಾನಾ ಕ್ರಿಕೆಟ್ ಸ್ಟೇಡಿಯಂ, ಲಕ್ನೋ; ಎಂ ಚಿನ್ನಸ್ವಾಮಿ ಸ್ಟೇಡಿಯಂ, ಬೆಂಗಳೂರು; ನ್ಯೂ ಪಿಸಿಎ ಸ್ಟೇಡಿಯಂ, ನ್ಯೂ ಚಂಡೀಗಢ; ಸವಾಯ್ ಮಾನ್ಸಿಂಗ್ ಸ್ಟೇಡಿಯಂ, ಜೈಪುರ; ಅರುಣ್ ಜೆಟ್ಲಿ ಸ್ಟೇಡಿಯಂ, ದೆಹಲಿ; ಹಿಮಾಚಲ ಪ್ರದೇಶ ಕ್ರಿಕೆಟ್ ಅಸೋಸಿಯೇಷನ್ ಸ್ಟೇಡಿಯಂ, ಧರ್ಮಶಾಲಾ.

ಪಂದ್ಯದ ಸಮಯಗಳು ಯಾವುವು?

ಐಪಿಎಲ್ 2025 ರಲ್ಲಿ ಪಂದ್ಯಗಳಿಗೆ ಎರಡು ಪ್ರಾರಂಭ ಸಮಯಗಳಿವೆ – 3:30 PM IST/ಸ್ಥಳೀಯ (10 AM GMT) ಮತ್ತು 7:30 PM IST/ಸ್ಥಳೀಯ (2 PM GMT).

ಕಿರಿಯ ಮತ್ತು ಹಿರಿಯ ಆಟಗಾರರು

ವೈಭವ್ ಸೂರ್ಯವಂಶಿ (RR) ಕಿರಿಯವರು, 13 ವರ್ಷ. ಎಂಎಸ್ ಧೋನಿ (CSK) ಹಿರಿಯವರು, 43 ವರ್ಷ.

ಹೆಚ್ಚು ಪ್ರಶಸ್ತಿಗಳನ್ನು ಗೆದ್ದ ತಂಡಗಳು

ಚೆನ್ನೈ ಸೂಪರ್ ಕಿಂಗ್ಸ್ (2010, 2011, 2018, 2021, 2023) ಮತ್ತು ಮುಂಬೈ ಇಂಡಿಯನ್ಸ್ (2013, 2015, 2017, 2019, 2020) ಎರಡೂ ತಂಡಗಳು ತಲಾ 5 ಪ್ರಶಸ್ತಿ ಗೆದ್ದಿವೆ.

ಗರಿಷ್ಠ ಸ್ಕೋರರ್ ಮತ್ತು ವಿಕೆಟ್ ಟೇಕರ್

ವಿರಾಟ್ ಕೋಹ್ಲಿ– 8,004 ರನ್​​ಗಳು (252 ಪಂದ್ಯಗಳು, 244 ಇನ್ನಿಂಗ್ಸ್, 8 ಸೆಂಚುರಿಗಳು, 55 ಅರ್ಧ-ಶತಕ , ಸ್ಟ್ರೈಕ್ ರೇಟ್ 131.97, ಸರಾಸರಿ 38.67).

ಯುಜ್ವೇಂದ್ರ ಚಹಲ್– 205 ವಿಕೆಟ್​​ (160 ಪಂದ್ಯಗಳು, 159 ಇನ್ನಿಂಗ್ಸ್, ಎಕಾನಮಿ 7.84, ಸರಾಸರಿ 22.45, ಸ್ಟ್ರೈಕ್ ರೇಟ್ 17.18, ನಾಲ್ಕು ವಿಕೆಟ್ ಗೊಂಚಲು 6 ಬಾರಿ, ಐದು ವಿಕೆಟ್ ಗೊಂಚಲು 1, ಅತ್ಯುತ್ತಮ 40 ರನ್​ಗೆ 5 ವಿಕೆಟ್​ ).

ಲೈವ್ ಸ್ಟ್ರೀಮಿಂಗ್ ಮತ್ತು ಲೈವ್ ಟಿವಿ ಮಾಹಿತಿ

ಭಾರತದಲ್ಲಿ, ಸ್ಟಾರ್ ಸ್ಪೋರ್ಟ್ಸ್ ನೆಟ್ವರ್ಕ್ ಐಪಿಎಲ್ 2025 ನ ಎಲ್ಲಾ ಪಂದ್ಯಗಳನ್ನು ಲೈವ್ ಟಿವಿಯಲ್ಲಿ ಪ್ರಸಾರ ಮಾಡುತ್ತದೆ. ಐಪಿಎಲ್ 2025 ಲೈವ್ ಸ್ಟ್ರೀಮಿಂಗ್ ಜಿಯೋಹಾಟ್​ಸ್ಟಾರ್​ನಲ್ಲಿಯೂ ಲಭ್ಯವಿದೆ.

ಐಪಿಎಲ್ 2025 ಫ್ಯಾನ್ ಪಾರ್ಕ್​ಗಳು

ಭಾರತೀಯ ಕ್ರಿಕೆಟ್ ನಿಯಂತ್ರಣ ಮಂಡಳಿ (BCCI) ಐಪಿಎಲ್ ಫ್ಯಾನ್ ಪಾರ್ಕ್​ಗಳನ್ನು ಸಿದ್ಧಪಡಿಸಿದೆ. ಇದು 23 ರಾಜ್ಯಗಳು ಮತ್ತು ಒಕ್ಕೂಟ ಪ್ರದೇಶದ 50 ನಗರಗಳಲ್ಲಿ ನಡೆಯಲಿದೆ. ಈ ಲಿಂಕ್​ ಮೂಲಕ ನೋಡಬಹುದು (https://www.iplt20.com/fan-parks)