ಶಿವರಾಜ್ ಕುಮಾರ್ ನಟನೆಯ ʻಭೈರತಿ ರಣಗಲ್’ ಟ್ರೈಲರ್ ಬಿಡುಗಡೆ
2017 ರಲ್ಲಿ ಬಿಡುಗಡೆ ಆಗಿದ್ದ ‘ಮಫ್ತಿ’ ಸಿನಿಮಾದ ಪಾತ್ರವಾದ ಭೈರತಿ ರಣಗಲ್ ಪಾತ್ರವನ್ನು ಪ್ರಧಾನವಾಗಿಟ್ಟುಕೊಂಡು ಈ ಸಿನಿಮಾ ನಿರ್ಮಿಸಲಾಗಿದ್ದು, ಈ ಸಿನಿಮಾದಲ್ಲಿ ಶಿವರಾಜ್ ಕುಮಾರ್ ಬೇರೆ ಬೇರೆ ಶೇಡ್ಗಳಲ್ಲಿ ಕಾಣಿಸಿಕೊಂಡಿದ್ದಾರೆ.
ನಟ ಶಿವರಾಜ್ ಕುಮಾರ್ ನಟನೆಯ ‘ಭೈರತಿ ರಣಗಲ್’ ಸಿನಿಮಾದ ಟ್ರೈಲರ್ ಮಂಗಳವಾರ (ನ.5) ಬಿಡುಗಡೆಯಾಗಿದೆ. 2017 ರಲ್ಲಿ ಬಿಡುಗಡೆ ಆಗಿದ್ದ ‘ಮಫ್ತಿ’ ಸಿನಿಮಾದ ಭೈರತಿ ರಣಗಲ್ ಪಾತ್ರವನ್ನು ಪ್ರಧಾನವಾಗಿಟ್ಟುಕೊಂಡು ಈ ಸಿನಿಮಾ ನಿರ್ಮಿಸಲಾಗಿದ್ದು, ಸಿನಿಮಾದಲ್ಲಿ ಶಿವರಾಜ್ ಕುಮಾರ್ ಬೇರೆ ಬೇರೆ ಶೇಡ್ಗಳಲ್ಲಿ ಕಾಣಿಸಿಕೊಂಡಿದ್ದಾರೆ.
ಟ್ರೇಲರ್‌ನಲ್ಲಿ ಶಿವರಾಜ್ ಕುಮಾರ್ ಭೈರತಿ ರಣಗಲ್ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದು, ಭೈರತಿ ರಣಗಲ್ನ ಬಾಲ್ಯ, ಬಾಲ್ಯದಲ್ಲಿ ಆತ ಎದುರಿಸಿದ ಸಮಸ್ಯೆ, ಅದರಿಂದ ಆತನಲ್ಲಿ ಹುಟ್ಟಿದ ಪ್ರಶ್ನೆಗಳು, ಅವಕ್ಕೆ ಉತ್ತರ ಕಂಡುಕೊಳ್ಳಲು ಮಾಡಿಕೊಂಡ ಆಯ್ಕೆ. ಕಾನೂನಾತ್ಮಕ ಹೋರಾಟ, ಅದೂ ಕೈಗೂಡದೇ ಇದ್ದಾಗ ಕೈಗೆ ಎತ್ತಿಕೊಂಡ ಆಯುಧ,.. ಇನ್ನಿತರೆ ವಿಷಯಗಳ ಸಣ್ಣ ಝಲಕ್ಗಳು ಕಾಣುತ್ತವೆ. ಟ್ರೈಲರ್ನಲ್ಲಿ ಶಿವಣ್ಣ ರಗಡ್‌ ಲುಕ್‌ನಲ್ಲಿ ಕಾಣಿಸಿಕೊಂಡಿದ್ದಾರೆ. ಮಚ್ಚು ಹಿಡಿದು ದುಷ್ಟ ಸಂಹಾರ ಮಾಡುತ್ತಿರುವ ಕೆಲ ದೃಶ್ಯಗಳು ಟ್ರೈಲರ್ನಲ್ಲಿ ಕಾಣಬಹುದಾಗಿದೆ.
ಭೈರತಿ ರಣಗಲ್ ಚಿತ್ರ ಇದೇ ತಿಂಗಳು 15 ರಂದು ರಿಲೀಸ್ ಆಗುತ್ತಿದೆ. ಈ ಚಿತ್ರದಲ್ಲಿ ಶಿವರಾಜ್ ಕುಮಾರ್ ಗೆ ರುಕ್ಮಿಣಿ ವಸಂತ್ ಜೋಡಿ ಆಗಿದ್ದಾರೆ. ರವಿ ಬಸ್ರೂರು ಸಂಗೀತ ನೀಡಿದ್ದಾರೆ. ನವೀನ್ ಕುಮಾರ್ ಛಾಯಾಗ್ರಹಣ ಮಾಡಿದ್ದು, ಭೈರತಿ ರಣಗಲ್ ಸಿನಿಮಾವನ್ನು ನರ್ತನ್ ನಿರ್ದೇಶನ ಮಾಡಿದ್ದು, ಸಿನಿಮಾವನ್ನು ಶಿವರಾಜ್ ಕುಮಾರ್ ಹಾಗೂ ಗೀತ ನಿರ್ಮಾಣ ಮಾಡಿದ್ದಾರೆ.