Union Budget 2025-26: 12 ಲಕ್ಷ ರೂಪಾಯಿ ತನಕ ಆದಾಯ ತೆರಿಗೆ ವಿನಾಯಿತಿ; ಬಜೆಟ್‌ ಮಂಡನೆ ಮುಕ್ತಾಯ

ಸೋಮವಾರಕ್ಕೆ ಕಲಾಪ ಮುಂದೂಡಿಕೆ

ಬಜೆಟ್ ಮಂಡನೆ ಮುಕ್ತಾಯ; ಸಂಸತ್ತಿನ ಅನುಮೋದನೆ; ಕಾರ್ಯಕಲಾಪ ಸೋಮವಾರಕ್ಕೆ ಮುಂದೂಡಿದ ಸ್ಪೀಕರ್ ಓಂ ಬಿರ್ಲಾ

ತೆರಿಗೆ ವಿನಾಯಿತಿ ಈ ರೀತಿ ಇದೆ

12:10. ಹಿರಿಯ ನಾಯಕರಿಗೆ ₹1ಲಕ್ಷ ವರೆಗೆ ಟಿಡಿಎಸ್ ವಿನಾಯಿತಿ.ಆದಾಯಮೂಲದಿಂದ ತೆರಿಗೆ ಸಂಗ್ರಹ ₹7 ಲಕ್ಷದಿಂದ ₹10 ಲಕ್ಷಕ್ಕೆ ಹೆಚ್ಚಳ. ವಿದೇಶದಿಂದ ರವಾನಿಸುವ ಹಣಕ್ಕೆ ಟಿಡಿಎಸ್‌. 

ಆದಾಯ ತೆರಿಗೆ ಮಿತಿ 12 ಲಕ್ಷಕ್ಕೆ ಏರಿಕೆ

 ಆದಾಯ ತೆರಿಗೆಯನ್ನು7 ಲಕ್ಷ ರೂಪಾಯಿಯಿಂದ 12 ಲಕ್ಷಕ್ಕೆ ಏರಿಸಿದ ವಿತ್ತ ಸಚಿವೆ ನಿರ್ಮಲಾ ಸೀತಾರಾಮನ್‌.

ಬಜೆಟ್ 2025: ತೆರಿಗೆ ಪ್ರಸ್ತಾಪಗಳನ್ನು ಪಟ್ಟಿ ಮಾಡಿದ ಸಚಿಗೆ ನಿರ್ಮಲಾ ಸೀತಾರಾಮನ್

ತೆರಿಗೆ ಪ್ರಸ್ತಾಪಗಳು ಇಲ್ಲಿವೆ

ಮಧ್ಯಮ ವರ್ಗದ ಮೇಲೆ ಗಮನ ಹರಿಸಿ ವೈಯಕ್ತಿಕ ಆದಾಯ ತೆರಿಗೆ ಸುಧಾರಣೆ

ಟಿಡಿಎಸ್ ಮತ್ತು ಟಿಸಿಎಸ್ ತರ್ಕಬದ್ಧಗೊಳಿಸುವಿಕೆ

ಹೊರೆಯನ್ನು ಕಡಿಮೆ ಮಾಡುವುದು

ವ್ಯಾಪಾರಕ್ಕೆ ಅನುಕೂಲ

ಉದ್ಯೋಗ ಮತ್ತು ಹೂಡಿಕೆಗೆ ಅನುಕೂಲ

ಮುಂದಿನ ವಾರದಲ್ಲಿ ಹೊಸ ಆದಾಯ ತೆರಿಗೆ ವಿಧೇಯಕ ಮಂಡನೆ

ಪ್ರಸಕ್ತ ಬಜೆಟ್ ಅಧಿವೇಶನದಲ್ಲಿ ಈ ಬಾರಿ ಹೊಸ ಆದಾಯ ತೆರಿಗೆ ವಿಧೇಯಕ ಮಂಡನೆ. ಆದಾಯ ತೆರಿಗೆ ವಿಚಾರದಲ್ಲಿ ಶುಭ ಸುದ್ದಿ ಕೊಡುವೆ ಎಂದು ಹೇಳಿದೆ ವಿತ್ತ ಸಚಿವೆ ನಿರ್ಮಲಾ ಸೀತಾರಾಮನ್‌.

ಲೀಥಿಯಮ್‌ ಬ್ಯಾಟರಿ ತಯಾರಿಗೆ ಉತ್ತೇಜನ

ಮೊಬೈಲ್ ಫೋನ್‌ಗಳಲ್ಲಿ ಬಳಸುವ ಲಿಥಿಯಂ ಅಯಾನ್ ಬ್ಯಾಟರಿ ತಯಾರಕರಿಗೆ ಹೆಚ್ಚಿನ ಉತ್ತೇಜ. ಇದರಿಂದ ಇವಿ ವಾಹನಗಳ ತಯಾರಿಗೆ ಹೆಚ್ಚಿನ ಪ್ರೇರಣೆ ಸಿಗಲಿದೆ.

ಸರ್ಕಾರಿ ಶಾಲೆಗಳಿಗೆ ಇಂಟರ್ನೆಟ್‌

ಎಲ್ಲಾ ಸರ್ಕಾರಿ ಶಾಲೆಗಳಿಗೂ ಬ್ರಾಂಡ್‌ಬ್ಯಾಂಡ್‌ ಸಂಪರ್ಕ. ಜಲಜೀವನ ಮಿಷನ್ ಯೋಜನೆ ಇನ್ನಷ್ಟು ವಿಸ್ತರಣೆ.

ಪ್ರಮುಖ ಔಷಧಗಳ ಮೇಲಿನ ಆಮದು ಸುಂಕ ವಿನಾಯಿತಿ

ಕ್ಯಾನ್ಸರ್ ಹಾಗೂ ಇತರೆ ಅಪರೂಪದ ಕಾಯಿಲೆಗಳಿಗೆ ಸಂಬಂಧಿಸಿದ 30 ಔಷಧಗಳಿಗೆ ಆಮದು ಮೇಲಿನ ಅಬಕಾರಿ ಸುಂಕ ವಿನಾಯಿತಿ

ಡೇ ಕೇರ್ ಕ್ಯಾನ್ಸರ್ ಕೇಂದ್ರಗಳೆಂದರೆ ಏನು?

ಅಲ್ಪಾವಧಿಯ ಚಿಕಿತ್ಸೆ ಅಥವಾ ಕೀಮೋಥೆರಪಿಯಂತಹ ಚಿಕಿತ್ಸೆಗೆ ವೈದ್ಯರು ಸೂಚಿಸಿದ್ದರೆ, ಅಂತಹ ಕ್ಯಾನ್ಸರ್ ರೋಗಿಗಳು ಡೇ ಕೇರ್ ಕ್ಯಾನ್ಸರ್ ಕೇಂದ್ರಗಳಿಗೆ ತೆರಳಿ, ಹಗಲು ಹೊತ್ತಲ್ಲೇ ಚಿಕಿತ್ಸೆ ಪಡೆದು ಮನೆಗೆ ಮರಳಬಹುದು. ಅವರು ರಾತ್ರಿ ಆಸ್ಪತ್ರೆಯಲ್ಲೇ ಉಳಿಯಬೇಕಾಗಿಲ್ಲ ಅಥವಾ ದಾಖಲಾಗಬೇಕಾಗಿಲ್ಲ.

ವಿಮಾ ವಲಯದಲ್ಲಿ ೧೦೦ ಶೇಕಡಾ ವಿದೇಶಿ ಹೂಡಿಕೆ

ವಿಮಾ ಕ್ಷೇತ್ರದಲ್ಲಿ ಶೇ 100ರಷ್ಟು ವಿದೇಶಿ ಹೂಡಿಕೆಗೆ ಅವಕಾಶ. ಸಾರ್ವಜನಿಕ ಬ್ಯಾಂಕ್‌ಗಳ ಮೂಲಕ ಗ್ರಾಮೀಣ ಭಾಗಗಳಲ್ಲಿ ಸೌಲಭ್ಯಗಳ ವಿಸ್ತರಣೆ