ಅನುರ ಕುಮಾರ ದಿಸ್ಸನಾಯಕೆ; ಶ್ರೀಲಂಕಾದ ಆಡಳಿತವನ್ನು ಹಿಡಿದ ಕಟ್ಟರ್‌ ಮಾರ್ಕ್ಸ್‌ ವಾದಿ ನಾಯಕ

ಸಾಲ-ಸೋಲದ ಸುಳಿಯಲ್ಲಿ ಸಿಕ್ಕು ನರಳುತ್ತಿದ್ದ ಭಾರತದ ನೆರೆಯ ದ್ವೀಪ ರಾಷ್ಟ್ರ ಶ್ರೀಲಂಕಾದಲ್ಲಿ ಹಲವು ವರ್ಷಗಳ ನಂತರ ನಡೆದ ಸಾರ್ವತ್ರಿಕ ಚುನಾವಣೆಯಲ್ಲಿ 55 ವರ್ಷದ ರಾಷ್ಟ್ರೀಯ ಜನಶಕ್ತಿ ಒಕ್ಕೂಟದ ಅಭ್ಯರ್ಥಿಯಾಗಿ ಸ್ಪರ್ಧಿಸಿದ್ದ ಮಾರ್ಕ್ಸ್ ವಾದಿ ಜನತಾ ವಿಮುಕ್ತಿ ಪೆರಮುನಾ ಪಕ್ಷದ ನಾಯಕ ಅನುಋಆ ದಿಸ್ಸನಾಯಕೆ ಭಾರಿ ಜಯಗಳಿಸಿ, ಶ್ರೀಲಂಕಾದ ಅಧ್ಯಕ್ಷರಾಗಿ ಆಯ್ಕೆಯಾಗಿರುವುದು ಈಗಾಗಲೇ ಇತಿಹಾಸದ ಪುಟಗಳಲ್ಲಿ ಸೇರಿಹೋಗಿದೆ.

ಭಾರತದ ನೆರೆಯ ದ್ವೀಪರಾಷ್ಟ್ರ ಶ್ರೀಲಂಕಾ ಹೊಸ ಮನ್ವಂತರಕ್ಕೆ ಸಾಕ್ಷಿಯಾಗಿದೆ. ಸಾಲದಲ್ಲಿ ಮುಳುಗಿ ತತ್ತರಿಸಿರುವ ಶ್ರೀಲಂಕಾದಲ್ಲಿ ಹಲವು ವರ್ಷಗಳ ನಂತರ ಚುನಾವಣೆ ನಡೆದಿದ್ದು, 55 ವರ್ಷದ ನ್ಯಾಷನಲ್ ಪೀಪಲ್ಸ್ ಪವರ್ ಒಕ್ಕೂಟದ ಅಭ್ಯರ್ಥಿಯಾಗಿ, ಸ್ಪರ್ಧಿಸಿದ್ದ ಮಾರ್ಕ್ಸ್ವಾದಿ ಜನತಾ ವಿಮುಕ್ತಿ ಪೆರೆಮುನಾ ಪಕ್ಷದ ಅನುರ ಕುಮಾರ ದಿಸ್ಸನಾಯಕೆ (ಶೇ.42.31 % ಮತದೊಂದಿಗೆ ಭರ್ಜರಿ ಜಯ ದಾಖಲಿಸಿ ಶ್ರೀಲಂಕಾದ ಅಧ್ಯಕ್ಷರಾಗಿ ಆಯ್ಕೆಯಾಗಿದ್ಧಾರೆ. ಇದೇ ಸಂದರ್ಭದಲ್ಲಿ ದಿಸ್ಸನಾಯಕೆ ಅವರು ದೇಶದ ಸಿಂಹಳೀಯರು ತಮಿಳರು ಮತ್ತು ಮುಸ್ಲಿಮರ ಒಗಟ್ಟಿಗಾಗಿ ಕರೆ ನೀಡಿದ್ದು, ಅಧಿಕಾರ ವಹಿಸಿಕೊಂಡ 45 ದಿನಗಳಲ್ಲೆ ಸಂಸತ್ತು ವಿಸರ್ಜಿಸುವುದಾಗಿ ಘೋಷಿಸಿದ್ದಾರ

1.7 ಕೋಟಿ ಮತದಾರಿಂದ ಪೈಕಿ ಶೇ.75 ರಷ್ಟು ಮತದಾನ

ಶ್ರೀಲಾಂಕಾದ 22 ಜಿಲ್ಲೆಗಳಲ್ಲಿ 13 ಸಾವಿರ ಮತ ಕೇಂದ್ರಗಳಲ್ಲಿ 1.7 ಕೋಟಿ ಮತದಾರರ ಪೈಕಿ ಶೇ.75 ರಷ್ಟು ಜನರು ಮತದಾನ ಮಾಡಿದ್ದಾರೆ. 160 ಮತಗಟ್ಟೆಗಳಲ್ಲಿ ನಡೆದ ಮೊದಲ ಸುತ್ತಿನ ಮತ ಎಣಿಕೆಯ ಅಂತ್ಯಕ್ಕೆ 22 ಜಿಲ್ಲೆಗಳ ಪೈಕಿ 15ರಲ್ಲಿ ಅನುರ ಕುಮಾರ ದಿಸ್ಸಾನಾಯಕೆ ಗೆಲುವು ಸಾಧಿಸಿದ್ದಾರೆ. ದಿಸ್ಸನಾಯಕೆ ಶೇಕಡಾ 42.31 ಮತಗಳನ್ನು ಪಡೆದರು ಮತ್ತು 1.3 ಮಿಲಿಯನ್ ಮತಗಳಿಂದ ಮುನ್ನಡೆ ಸಾಧಿಸಿದರು, ಪ್ರಸಕ್ತ ವಿರೋಧ ಪಕ್ಷ ನಾಯಕರಾಗಿರುವ ಸಾಜಿತ್ ಪ್ರೇಮದಾಸ (57) ಅವರು ಮೊದಲ ಸುತ್ತಿನ ಮತ ಎಣಿಕೆಯ ನಂತರ ಶೇಕಡಾ 32.76 ಪಡೆದು ಏದುಸಿರು ಬಿಟ್ಟರು. 2022 ರ ಆರ್ಥಿಕ ಕುಸಿತದ ಸಂದರ್ಭದಲ್ಲಿ ಅಧಿಕಾರ ವಹಿಸಿಕೊಂಡ ಮತ್ತು IMF ಭಾಗವಾಗಿ ಕಠಿಣ ಕಠಿಣ ಕ್ರಮಗಳನ್ನು ವಿಧಿಸಿದ ವಿಕ್ರಮಸಿಂಘೆ (75), ಶೇಕಡಾ 17.27 ಮತ ಹಂಚಿಕೆಯೊಂದಿಗೆ ಮೂರನೇ ಸ್ಥಾನ ತಲುಪಿದರು.

ನೈಸರ್ಗಿಕವಾಗಿ ಸಂಪತ್ಭರಿತ ನಾಡು ಶ್ರೀಲಂಕಾ

ನೈಸರ್ಗಿಕವಾಗಿ ಸಂಪತ್ಭರಿತ ನಾಡಾಗಿರುವ ದ್ವೀಪರಾಷ್ಟ್ರ ಶ್ರೀಲಂಕಾ, ಬಡತನದೊಂದಿಗೆ ಹಲವಾರು ಸಮಸ್ಯೆಗಳ ಸುಳಿಯಲ್ಲಿ ಸಿಲುಕಿ ಈಗಲೂ ನರಳುತ್ತಿದೆ. 2022 ರಲ್ಲಿ ಅಲ್ಲಿನ ಜನರು ಸರ್ಕಾರದ ವಿರುದ್ಧ ರೊಚ್ಚಿಗೆದ್ದು ನಡೆಸಿದ ನಾಗರಿಕ ದಂಗೆಯ , ನಂತರ ತಕ್ಕ ಸದ್ಯದ ಮಟ್ಟಿಗೆ ಆ ದ್ವೀಪ ರಾಷ್ಟ್ರ ಸ್ವಲ್ಪ ಮಟ್ಟಿಗೆ ಶಾಂತವಾಗಿದೆಯೆಂದೇ ಹೇಳಬಹುದು. ನಾಗರಿಕ ದಂಗೆಯ ನಂತರ ನಡೆದ ಮೊದಲ ಚುನಾವಣೆಯು ಇದು. ಜೊತೆಗೆ ಭಾರತಕ್ಕೂ ಹಿಂದೂ ಮಹಾಸಾಗರದ ಮೇಲಿನ ಹಿಡಿತದ ಕಾರಣ ಈ ಚುನಾವಣೆಯು ಬಹುಮುಖ್ಯವಾಗಿತ್ತು ಎನ್ನುವುದನ್ನು ಮರೆಯಬಾರದು.

ದಂಗೆಗಳಲ್ಲಿ 80 ಸಾವಿರಕ್ಕೂ ಹೆಚ್ಚು ಜನ ಸಾವು

ರಾಜಕೀಯ ಅಸ್ತಿತ್ವಕ್ಕಾಗಿ ಹೋರಾಡಿದ್ದ ಅನುರ ಕುಮಾರ ದಿಸ್ಸಾನಾಯಕೆ ಅವರ ಮಾರ್ಕ್ಸ್ವಾದಿ ಪಕ್ಷವು 1970 ಮತ್ತು 1980ರ ದಶಕಗಳಲ್ಲಿ ನಡೆಸಿದ ದಂಗೆಗಳಲ್ಲಿ 80 ಸಾವಿರಕ್ಕೂ ಹೆಚ್ಚು ಜನ ಸಾವಿಗೀಡಾಗಿದ್ದರು. ಆಗಸ್ಟ್ 2020ರಲ್ಲಿ ನಡೆದ ಈ ಹಿಂದಿನ ಸಂಸದೀಯ ಚುನಾವಣೆಯಲ್ಲಿ ಈ ಪಕ್ಷವು ಶೇಕಡಾ 4ಕ್ಕಿಂತ ಕಡಿಮೆ ಮತಗಳನ್ನು ಗಳಿಸಿತ್ತು. ಆದರೆ ಈ ಭಾರಿಯ ಅಧ್ಯಕ್ಷಿಯ ಚುನಾವಣೆಯಲ್ಲಿ ಪ್ರಚಂಡ ಗೆಲುವು ದಾಖಲಿಸಿದೆ.

ಶ್ರೀಲಂಕಾದ ಹೊಸ ಅಧ್ಯಕ್ಷರಾಗಿ ಚುನಾಯಿತರಾದ ಅನುರ ಕುಮಾರ ದಿಸ್ಸನಾಯಕೆ ಅವರು ಕಟ್ಟರ್ ಮಾರ್ಕ್ಸ್ವಾದಿಯಾಗಿದ್ದು, ಅವರ ಪಕ್ಷವು ದ್ವೀಪ ರಾಷ್ಟ್ರದಲ್ಲಿ ಅಧಿಕಾರವನ್ನು ವಶಪಡಿಸಿಕೊಳ್ಳಲು ಎರಡು ಹಿಂಸಾತ್ಮಕ ಪ್ರಯತ್ನಗಳನ್ನು ಮಾಡಿ, ಹತ್ತಾರು ಜನರನ್ನು ಬಲಿತೆಗೆದುಕೊಂಡಿತು, ಆದರೆ ಇಂಥ ಕ್ರಾಂತಿ ರಾಜಕೀಯ ಶಕ್ತಿಯು ಬಂದೂಕಿನ ನಳಿಕೆಯಿಂದ.

ಬೆಳೆಯುತ್ತದೆ ಎಂಬ ಮಾವೋ ವಾದವನ್ನು ಅವರು ನಂಬುವುದಿಲ್ಲ. 1980 ರ ದಶಕದಲ್ಲಿ ಶ್ರೀಲಂಕಾವು ದ್ವಿಪಕ್ಷೀಯ ಒಪ್ಪಂದದ ಬಗ್ಗೆ ಒಲವು ತೋರಿಸಿದಾಗ, ಆ ಕಾಲದ ಶ್ರೀಲಂಕಾ ದೇಶದ ಉತ್ತರ ಮತ್ತು ಪೂರ್ವದಲ್ಲಿ ತನ್ನ ಸೈನ್ಯವನ್ನು ನಿಯೋಜಿಸಲು ಭಾರತಕ್ಕೆ ಅವಕಾಶ ಮಾಡಿಕೊಟ್ಟಾಗ ಎಡಪಂಥೀಯ ಆ ದ್ವೀಪದಲ್ಲಿ ರಾಜಕೀಯಕ್ಕೆ ಧುಮುಕಿದಾಗಿನಿಂದ ಈಗ 55 ರ ಹರೆಯದ ಡಿಸ್ಸಾನಾಯಕೆ ಅವರು ಮಾಡಿದ ಏಕೈಕ ಪಥ ಬದಲಾವಣೆ ಇದಲ್ಲ ಎಂಬುದನ್ನು ಸ್ಪಷ್ಟಪಡಿಸಬೇಕು. ತಮಿಳು ಪ್ರತ್ಯೇಕವಾದವನ್ನು ತಡೆಗಟ್ಟಲು ನಡೆದ ಕೊನೆ ಪ್ರಯತ್ನಕ್ಕೆ ಭಾರತದ ಸೈನ್ಯ ನಿಯೋಜನೆಯಾದದ್ದು, ಇದನ್ನು ಅವಮಾನವೆಂದು ಪರಿಗಣಿಸಿದ ಜನತಾ ವಿಮುಕ್ತಿ ಪೆರಮುನಾ (ಜೆವಿಪಿ) ದಿಸಾನಾಯಕೆ ಭಾರತೀಯ ಉಪಸ್ಥಿತಿಯ ವಿರುದ್ಧ ರಕ್ತಸಿಕ್ತ ಅಭಿಯಾನವನ್ನು ಆರಂಭಿಸಿದರು. ಮತ್ತು ಶ್ರೀಲಂಕಾದೊಂದಿಗೇ ಸೆಣಸಾಟಕ್ಕೆ ಇಳಿದರು. ಇದು ಭೀಕರ ಹಿಂಸಾಚಾರವನ್ನು ಪ್ರಚೋದಿಸಿತು ಮತ್ತು ದೇಶವನ್ನು ಬೆಚ್ಚಿಬೀಳಿಸಿತು ಮತ್ತು ಎರಡೂ ಕಡೆದಯ ಸಾವಿರಾರು ಜನರ ಮಾರಣಹೋಮಕ್ಕೆ ಕಾರಣವಾಯಿತು.

ಆ ಸಂದರ್ಭದಲ್ಲಿಯೇ ದಿಸ್ಸಾನಾಯಕೆ ಸ್ವಲ್ಪದರಲ್ಲೇ ಪ್ರಾಣಾಪಾಯದಿಂದ ಪಾರಾಗಿದ್ದರು. ಶ್ರೀಲಂಕಾ ಸರ್ಕಾರ ನಂತರದ ದಿನಗಳಲ್ಲಿ JVP ಶಂಕಿತರನ್ನು ತನ್ನಿಚ್ಛೆಯಂತೆ ನಡೆಸಿಕೊಂಡು, ರಾಜ್ಯ ಬೆಂಬಲಿತ ಸಾವಿನ ಪಡೆಗಳಿಗೆ ಒಂದಷ್ಟು ಬಿಡುವು ನೀಡಿತು. ನೂರಾರು ಜನರು ಕುರುಹು ಇಲ್ಲದೆ ಕಣ್ಮರೆಯಾದರು. ಕುಣಿಕೆ ತನ್ನ ಸುತ್ತ ಬಿಗಿಯಾಗುತ್ತಿದೆ ಎಂದು ತಿಳಿದಾಗ, ದಿಸ್ಸನಾಯಿಕೆ ಅಪಾಯದ ಸಾಧ್ಯತೆ ಕಡಿಮೆಯಾಗುವವರೆಗೆ ತನ್ನ ಶಾಲೆಯ ಶಿಕ್ಷಕರೊಬ್ಬರ ಮನೆಯಲ್ಲಿ ಒಂದು ತಿಂಗಳು ಅಡಗಿ ಕುಳಿತಿದ್ದರು.

ಜೆವಿಪಿ ಮತ್ತು ಭಾರತ

ದೀರ್ಘಕಾಲದವರೆಗೆ, JVP ದಕ್ಷಿಣ ಏಷ್ಯಾದ ದೈತ್ಯ ಮತ್ತು ನೆರೆಯ ಭಾರತದ ಕಟುವಾದ ಟೀಕಾಕಾರ ಪಕ್ಷವಗಿತ್ತು. ಸೈದ್ಧಾಂತಿಕ ತರಗತಿಗಳಲ್ಲಿ JVP ಕಾರ್ಯಕರ್ತರಿಗೆ "ಐದು ಪಾಠಗಳನ್ನು" ಕಲಿಸಲಾಯಿತು; ಐದನೆಯದು "ಭಾರತೀಯ ವಸಾಹತುಶಾಹಿ ವಿಸ್ತರಣೆ" ಧೋರಣೆ. ಆದರೆ ಈ ವರ್ಷದ ಫೆಬ್ರುವರಿಯಲ್ಲಿ, ದಿಸ್ಸಾನಾಯಕೆ ಅವರು ಜೆವಿಪಿ ನಿಯೋಗದ ಆಹ್ವಾನದ ಮೇರೆಗೆ ಹೊಸದಿಲ್ಲಿಗೆ ಬಂದಿಳಿದಾಗ ಅಲ್ಲಿ ಅವರು ಭಾರತೀಯ ಉನ್ನತ ಅಧಿಕಾರಿಗಳು ಮತ್ತು ನೀತಿ ನಿರೂಪಕರನ್ನು ಭೇಟಿಯಾದಾಗ, ಶ್ರೀಲಂಕಾದ ಮಾರ್ಕ್ಸ್ವಾದಿಗಳು ರಾಜಕೀಯವಾಗಿ ಬೆಳೆಯುತ್ತಿದ್ದಾರೆ ಎಂಬುದು ಸ್ಪಷ್ಟವಾಯಿತು. ಈ ಸಂಕ್ಷಿಪ್ತ ಭೇಟಿಯು ಆ ನಂಬಿಕೆಯನ್ನು ಮತ್ತಷ್ಟು ಬಲಪಡಿಸಿತು, ಶನಿವಾರದಂದು ನಡೆದ ದೇಶದ ಅತ್ಯಂತ ತೀವ್ರ-ಸ್ಪರ್ಧಾತ್ಮಕ ಅಧ್ಯಕ್ಷೀಯ ಕದನದ JVP ಯ ನಿಲುವು ಮತ್ತು ವಿಶ್ವಾಸವನ್ನು ಹೆಚ್ಚಿಸಿದೆ.

ಬೆಂಬಲದ ಸಜ್ಜು

ಕಳೆದ ಅಧ್ಯಕ್ಷೀಯ ಕದನದಲ್ಲಿ ಕೇವಲ 3 ಪ್ರತಿಶತ ಮತಗಳನ್ನು ಪಡೆದಿದ್ದ ಮತ್ತು 225-ಸ್ಥಾನಗಳ ಶ್ರೀಲಂಕಾ ಸಂಸತ್ತಿನಲ್ಲಿ JVP ಕೇವಲ ಮೂರು ಸದಸ್ಯರನ್ನು ಹೊಂದಿದ್ದು ದಿಸಾನಾಯಕೆಗೆ ಸಂಭವನೀಯ ಗೆಲುವನ್ನು ಕೆಲವರು ಈ ಮುಂಚೆಯೇ ಊಹಿಸಿದ್ದರು. ನಡೆದ ಚುನಾವಣಾ ಪೂರ್ನ ಸಮೀಕ್ಷೆಗಳು, ಮಾರ್ಕ್ಸ್ವಾದಿ ಬೌದ್ಧ, ಹಿಂದೂ, ಕ್ರಿಶ್ಚಿಯನ್ ಮತ್ತು ಇಸ್ಲಾಮಿಕ್ ಧಾರ್ಮಿಕ ಮುಖಂಡರು ಜೆವಿಪಿ ಗೆಲ್ಲಿಸಲು ಎಷ್ಟು ಸಾಧ್ಯವೋ ಅಷ್ಟು ಪ್ರಯತ್ನ ನಡೆಸಿರುವುದು ಫಲ ನೀಡಲಿದೆ ಎಂದು ಭವಿಷ್ಟ ನುಡಿದಿದ್ದರು.

ವಿನಮ್ರ ಹಿನ್ನೆಲೆ

ನವೆಂಬರ್ 24, 1968 ರಂದು ಅನುರಧಪುರ ಜಿಲ್ಲೆಯ ಹಳ್ಳಿಯೊಂದರಲ್ಲಿ ಜನಿಸಿದ ದಿಸ್ಸಾನಾಯಕೆ ಅವರ ತಂದೆ ಕೂಲಿ ಕಾರ್ಮಿಕರಾಗಿದ್ದರು ಮತ್ತು ತಾಯಿ ಗೃಹಿಣಿಯಾಗಿದ್ದರು. ಶ್ರೀಲಂಕಾದಲ್ಲಿ ಅಧಿಕಾರವನ್ನು ವಶಪಡಿಸಿಕೊಳ್ಳುವ ಪ್ರಯತ್ನದಲ್ಲಿ JVP ತನ್ನ ಮೊದಲ ಸಶಸ್ತ್ರ ದಂಗೆಯನ್ನು ನಡೆಸಿದಾಗ ದಿಸ್ಸನಾಯಕೆಗೆ ಕೇವಲ ಮೂರು ವರ್ಷ. ಉತ್ತರ ಕೊರಿಯಾದ ಬೆಂಬಲದೊಂದಿಗೆ, ಜೆವಿಪಿ ಬಂಡಾಯವು ಭಾರತವನ್ನು ಒಳಗೊಂಡಂತೆ ಸ್ನೇಹಪರ ದೇಶಗಳ ಸಹಾಯದಿಂದ ಹಿಂಸಾತ್ಮಕವಾಗಿ ನಡೆದುಕೊಂಡ ರೀತಿ ಶ್ರೀಲಂಕೆಯನ್ನು ಬೆಚ್ಚಿಬೀಳಿಸಿತು. ಇಂಥ ಕ್ಷೋಭೆಯುಕ್ತ ಪ್ರದೇಶದಲ್ಲಿ ಆರಂಭಿಕ ಶಿಕ್ಷಣವನ್ನು ಪಡೆದ ನಂತರ, ದಿಸ್ಸನಾಯಕೆ ಅವರು 1995 ರಲ್ಲಿ ಕೆಲನಿಯಾ ವಿಶ್ವವಿದ್ಯಾನಿಲಯದಿಂದ ಭೌತಿಕ ವಿಜ್ಞಾನದಲ್ಲಿ ಪದವಿ ಪಡೆದರು. ಅವರು 1987 ರಲ್ಲಿ (ಭಾರತೀಯ ಪಡೆಗಳು ಶ್ರೀಲಂಕಾಕ್ಕೆ ಬಂದಿಳಿದ ವರ್ಷ) JVP ಗೆ ಸೇರಿದರು ಮತ್ತು ಅದರ ರಾಜಕೀಯ ವಿಭಾಗದಲ್ಲಿ ದುಡಿದರು. 1995 ರಲ್ಲಿ ಅವರು ಸಮಾಜವಾದಿ ವಿದ್ಯಾರ್ಥಿಗಳ ಸಂಘದ ರಾಷ್ಟ್ರೀಯ ಸಂಘಟಕರಾದರು ಮತ್ತು ಜೆವಿಪಿ ಕೇಂದ್ರ ಸಮಿತಿಗೆ ಪ್ರವೇಶಿಸಿದರು. ಅವರು 1998 ರಲ್ಲಿ ಪಕ್ಷದ ಅತ್ಯುನ್ನತ ನಿರ್ಧಾರ ತೆಗೆದುಕೊಳ್ಳುವ ಸಂಸ್ಥೆಯಾದ ಪಾಲಿಟ್ಬ್ಯೂರೋಗೆ ಸೇರಿದರು. ಆಗ, JVP ಔಪಚಾರಿಕವಾಗಿ ಸಂಸದೀಯ ರಾಜಕೀಯವನ್ನು ಪ್ರವೇಶಿಸಿತ್ತು.

ಸಂಸದೀಯ ಅವಧಿ

2000 ರಲ್ಲಿ ದಿಸ್ಸನಾಯಕೆ ಶ್ರೀಲಂಕಾ ಸಂಸತ್ತನ್ನು ಮೊದಲ ಬಾರಿಗೆ ಪ್ರವೇಶಿಸಿದರು. ಕೆಲವು ಬಾರಿ ಸಚಿವ ಖಾತೆಗಳನ್ನು ಹೊಂದಿದ್ದರೂ (2004-05ರಲ್ಲಿ ದಿಸ್ಸನಾಯಕೆ ಕೃಷಿ ಸಚಿವರಾಗಿದ್ದರು), ಮುಖ್ಯವಾಹಿನಿಯ ಪಕ್ಷಗಳು ಹೆಚ್ಚು ಸೂಕ್ತವೆಂದು ತೋರುವ ಸಂಸದೀಯ ರಾಜಕೀಯದ ಅಂಚಿನಲ್ಲಿ JVP ಉಳಿಯಿತು. ಒಮ್ಮೆ ಮಾತ್ರ, 2004 ರಲ್ಲಿ, JVP 39 ಸಂಸತ್ತಿನ ಸ್ಥಾನಗಳನ್ನು ಗೆದ್ದುಕೊಂಡಿತು, ಆದರೆ ನಂತರ ಆ ಫಲಿತಾಂಶವನ್ನು ಕಾಣಲು ಸಾಧ್ಯವಾಗಲಿಲ್ಲ. ಫೆಬ್ರವರಿ 2014 ರಲ್ಲಿ, ಸೋಮವಂಶ ಅಮರಸಿಂಗ್ ಅವರ ಉತ್ತರಾಧಿಕಾರಿಯಾಗಿ ದಿಸ್ಸನಾಯಕೆ ಅವರನ್ನು JVP ಯ ಹೊಸ ನಾಯಕರಾಗಿ ಹೆಸರಿಸಲಾಯಿತು.

ಆರ್ಥಿಕ ಕುಸಿತ

ದೇಶದ ಅಭೂತಪೂರ್ವ ಆರ್ಥಿಕ ಕುಸಿತವು ಬೃಹತ್ ಬೀದಿ ಪ್ರತಿಭಟನೆಗಳನ್ನು ನಡೆಸುವವರೆಗೂ ದಿಸ್ಸನಾಯಕೆ ಎಂಟು ವರ್ಷಗಳ ಕಾಲ ಶ್ರೀಲಂಕಾದ ರಾಜಕೀಯದಲ್ಲಿ ಉಳಿದುಕೊಂಡರು ಮತ್ತು ಅಂದಿನ ಅಧ್ಯಕ್ಷ ಗೋಟಾಬಯ ರಾಜಪಕ್ಸೆ ಅವರನ್ನು ದೇಶಭ್ರಷ್ಟರನ್ನಾಗಿಸುವಲ್ಲಿ ಯಶಸ್ವಿಯಾದರು. ಮುಖ್ಯವಾಹಿನಿಯ ರಾಜಕಾರಣಿ ಅನುಭವಿ ರಣಿಲ್ ವಿಕ್ರಮಸಿಂಘೆ ಅವರು ಅಧಿಕಾರಕ್ಕೆ ಬಂದರೂ, ಶ್ರೀಲಂಕಾ ಅಗತ್ಯ ವಸ್ತುಗಳನ್ನು ಖರೀದಿಸಲು ಹಣದ ಕೊರತೆಯೊಂದಿಗೆ ವ್ಯಾಪಕವಾದ ಬಳಕೆ ವಸ್ತುವಿನ ಕೊರತೆ ಎದುರಿಸಿತು. ಈ ಆರ್ಥಿಕ ಹಿಂಜರಿತ ವಿರುದ್ಧದ ಪ್ರತಿಭಟನೆಗಳ ಹಿಂದಿನ ನಿಜವಾದ ಮೆದುಳಾಗಿ ಜೆವಿಪಿ ಭಾರಿ ಹೋರಾಟ ನಡೆಸಿತು ಮತ್ತು ಅಗಾಧವಾದ ಪ್ರತಿಷ್ಠೆಯನ್ನು ಗಳಿಸಿತು. ಸಿಂಹಳೀಯರಲ್ಲಿ "ಅರಗಳಯ" (ಹೋರಾಟ) ಎಂದು ಕರೆಯಲ್ಪಡುವ ಬೀದಿ ಹೋರಾಟ ಆ ತಿಂಗಳುಗಳಲ್ಲಿ, JVP ತನ್ನ ರಾಜಕೀಯ ಬೇರುಗಳನ್ನು ವಿಸ್ತರಿಸಲು ಕಾರಣವಾಯಿತು. ತಮಿಳರು ಬಹುಸಂಖ್ಯಾತರಾಗಿರುವ ಉತ್ತರ ಮತ್ತು ಪೂರ್ವದ ಭಾಗಗಳನ್ನು ಹೊರತುಪಡಿಸಿ. ಆರ್ಥಿಕ ಸಮಾನತೆಯನ್ನು ಸಾಧಿಸಬೇಕು ಮತ್ತು ದೇಶದ ಸ್ಥಳೀಯ ಭ್ರಷ್ಟಾಚಾರ ಮತ್ತು ಭ್ರಷ್ಟ ರಾಜಕೀಯ ಆಟಗಾರರು ಹೋಗಬೇಕು ಎಂದು ಅದು ಒತ್ತಿ ಒತ್ತಿ ಹೇಳಿದ್ದು ಪರಿಣಾಮ ಬೀರಿತ್ತು.

ಕ್ರಾಂತಿಕಾರಿ ನಾಯಕ

ಸೆಪ್ಟೆಂಬರ್ 21 ಬೆಳಗಿನ ವೇಳೆಗೆ, ಜೆವಿಪಿ ದ ಪ್ರಭಾವ ಸಂದೇಶವು ಗ್ರಾಮ ಮತ್ತು ನಗರಗಳ ನಡುವಿನ ಅಂತರವನ್ನು ಕಡಿತಗೊಳಿಸುವುದರ ಮೂಲಕ ವಾಸ್ತವಿಕವಾಗಿ ಪ್ರತಿ ಹಳ್ಳಿ ಮತ್ತು ಪಟ್ಟಣವನ್ನು ತಲುಪಿತ್ತು. ಶಾಂತಿಯುತ ಕ್ರಾಂತಿಯನ್ನು ತರಬಲ್ಲ ಏಕೈಕ ವ್ಯಕ್ತಿ ತನ್ನ ನಾಯಕ ದಿಸ್ಸನಾಯಕೆ ಎಂದು ಜೆವಿಪಿ ಸಾಬೀತುಪಡಿಸಿತು.

“ನಿಮ್ಮ ಅಚ್ಚುಮೆಚ್ಚಿನ ಗುರುಗಳು ಯಾರು ?ಎಂದು ಒಮ್ಮೆ ಕೇಳಿದಾಗ, ತಮ್ಮ ಖಾಸಗಿ ಬದುಕನ್ನು ಬಿಚ್ಚಿಡಲು ಸಂಕೋಚ ಪಡುವ ಎರಡು ಮಕ್ಕಳ ತಂದೆಯಾದ ದಿಸ್ಸನಾಯಕೆ ಅವರು ಐದು ಹೆಸರುಗಳನ್ನು ತೆಗೆದುಕೊಳ್ಳುತ್ತಾರೆ;. ಮಾರ್ಕ್ಸ್, ಎಂಗೆಲ್ಸ್, ಲೆನಿನ್, ಫಿಡೆಲ್ ಕ್ಯಾಸ್ಟ್ರೋ ಮತ್ತು ಚೆ ಗುವೇರಾ. ಒಂದು ರೀತಿಯಲ್ಲಿ ದಿಸ್ಸನಾಯಕೆ ಅವರೆಲ್ಲರ ಮಿಶ್ರಣ ವ್ಯಕ್ತಿತ್ವ. ಶ್ರೀಲಂಕಾದಲ್ಲಿ ಕ್ರಾಂತಿಯ ಹಾದಿಯು ಮತಪೆಟ್ಟಿಗೆಯ ಮೂಲಕ ಹಾದುಹೋಗುತ್ತದೆ ಎಂಬುದು ಅವರ ಮನಸ್ಸಿನಲ್ಲಿ ಎಂದೋ ಸ್ಪಷ್ಟವಾಗಿದ್ದು, ಇಂದು ನಿಜವಾಗಿದೆ.

ಕೆಳಗಿನ ಪಟ್ಟಿಯಲ್ಲಿ ಅಧ್ಯಕ್ಷೀಯ ಅಭ್ಯರ್ಥಿಗಳು ಪಡೆದ ಶೇಕಡಾವಾರು ಮತಗಳ ವಿವರವಿದೆ. ಇದು, ಓದುಗರ ಸಹಾಯಕ್ಕಾಗಿ.