ಕಾರು ಅಡ್ಡಗಟ್ಟಿ 3.5 ಕೆ.ಜಿ ಚಿನ್ನ ದರೋಡೆ : ಕೋಲಾರ ನಗರಸಭೆ ಕಾಂಗ್ರೆಸ್ ಸದಸ್ಯ ಅರೆಸ್ಟ್

ತಮಿಳುನಾಡಿನಿಂದ ಕೆಜಿಎಫ್‌ಗೆ ಚಿನ್ನ ಸಾಗಿಸುತ್ತಿದ್ದ ವ್ಯಾಪಾರಿಯೊಬ್ಬರ ಕಾರನ್ನು ಅಡ್ಡಗಟ್ಟಿ 3.5 ಕೆ.ಜಿ ಚಿನ್ನವನ್ನು ದರೋಡೆ ಮಾಡಿದ ಪ್ರಕರಣದಲ್ಲಿ ಕೋಲಾರ ನಗರಸಭೆಯ ಕಾಂಗ್ರೆಸ್ ಸದಸ್ಯನೊಬ್ಬರೊಬ್ಬರನ್ನು ಆಂಧ್ರ ಪ್ರದೇಶ ಪೊಲೀಸರು ಬಂಧಿಸಿದ್ದಾರೆ. ಈ ಘಟನೆ ಏಪ್ರಿಲ್ 6ರಂದು ಬೆಳಕಿಗೆ ಬಂದಿದೆ.

ತಮಿಳುನಾಡಿನ ಚೆನ್ನೈನಿಂದ ಕೆಜಿಎಫ್‌ಗೆ ಚಿನ್ನ ಸಾಗಿಸುತ್ತಿದ್ದ ವ್ಯಾಪಾರಿ ಚೇತನ್ ಜೈನ್ ಎಂಬುವವರ ಕಾರನ್ನು ದರೋಡೆಕೋರರು ಆಂಧ್ರ ಪ್ರದೇಶದ ಗಡಿಭಾಗದಲ್ಲಿ ಅಡ್ಡಗಟ್ಟಿದ್ದರು. ದುಷ್ಕರ್ಮಿಗಳು 3.5 ಕಿಲೋಗ್ರಾಂ ಚಿನ್ನವನ್ನು ಲೂಟಿ ಮಾಡಿ ಪರಾರಿಯಾಗಿದ್ದರು. ಪ್ರಕರಣ ದಾಖಲಿಸಿಕೊಂಡಿದ್ದ , ಆಂಧ್ರ ಪೊಲೀಸರು ತನಿಖೆ ನಡೆಸಿ. ಕೆಜಿಎಫ್‌ನ ಕಾಂಗ್ರೆಸ್ ಮುಖಂಡ ಹಾಗೂ ಕೋಲಾರ ನಗರಸಭೆಯ ಹಾಲಿ ಸದಸ್ಯ ಜಯಪಾಲ್ ಎಂಬುವವನನ್ನು ಬಂಧಿಸಿದ್ದಾರೆ. ಜಯಪಾಲ್ ಈ ದರೋಡೆಯ ಪ್ರಮುಖ ಆರೋಪಿಗಳಲ್ಲಿ ಒಬ್ಬನಾಗಿದ್ದಾನೆ.

ಪೊಲೀಸರು ತನಿಖೆಯ ಸಂದರ್ಭದಲ್ಲಿ ದರೋಡೆಯಲ್ಲಿ ಲೂಟಿಯಾದ ಚಿನ್ನವನ್ನು ವಶಪಡಿಸಿಕೊಂಡಿದ್ದಾರೆ.

ತನಿಖೆ ಮತ್ತು ಬಂಧನ

ಆಂಧ್ರ ಪೊಲೀಸರು ಈ ದರೋಡೆ ಪ್ರಕರಣದ ಬಗ್ಗೆ ತನಿಖೆ ನಡೆಸಲು ಸಿಸಿಟಿವಿ ದೃಶ್ಯಾವಳಿಗಳು ಮತ್ತು ಇತರ ತಾಂತ್ರಿಕ ಸಾಕ್ಷ್ಯಗಳನ್ನು ಬಳಸಿದ್ದರು. ತನಿಖೆ ವೇಳೆ ಜಯಪಾಲ್ ಈ ದರೋಡೆಯ ಸೂತ್ರಧಾರ ಎಂಬುದು ಬಹಿರಂಗವಾಯಿತು.

ಆರೋಪಿಗಳು ಚೇತನ್ ಜೈನ್ ಅವರ ಚಲನವಲನಗಳನ್ನು ಮೊದಲೇ ಗಮನಿಸಿ, ಯೋಜನೆಯಂತೆ ದರೋಡೆ ಮಾಡಿದ್ದರು ಪೊಲೀಸರು ತಿಳಿಸಿದ್ದಾರೆ. ಜಯಪಾಲ್‌ನ ಬಂಧನದ ನಂತರ, ಪೊಲೀಸರು ಈ ಪ್ರಕರಣದಲ್ಲಿ ಭಾಗಿಯಾಗಿರಬಹುದಾದ ಇತರ ಆರೋಪಿಗಳನ್ನು ಪತ್ತೆಹಚ್ಚಲು ತನಿಖೆಯನ್ನು ತೀವ್ರಗೊಳಿಸಿದ್ದಾರೆ.

ದರೋಡೆಯಲ್ಲಿ ಒಟ್ಟು ಎಷ್ಟು ಜನ ಭಾಗಿಯಾಗಿದ್ದರು ಎಂಬುದು ಇನ್ನೂ ಸ್ಪಷ್ಟವಾಗಿಲ್ಲ, ಆದರೆ ಜಯಪಾಲ್‌ನ ಬಂಧನವು ತನಿಖೆಗೆ ಪ್ರಮುಖ ಮುನ್ನಡೆಯನ್ನು ಒದಗಿಸಿದೆ.

ಈ ಘಟನೆಯು ಕರ್ನಾಟಕದಲ್ಲಿ ರಾಜಕೀಯ ಚರ್ಚೆಗೆ ಕಾರಣವಾಗಿದೆ. ಜಯಪಾಲ್ ಕಾಂಗ್ರೆಸ್ ಪಕ್ಷದ ಸಕ್ರಿಯ ಸದಸ್ಯ ಮತ್ತು ಕೋಲಾರ ನಗರಸಭೆಯಲ್ಲಿ ಪ್ರತಿನಿಧಿಯಾಗಿರುವುದರಿಂದ, ವಿರೋಧ ಪಕ್ಷಗಳು ಈ ಬಂಧನವನ್ನು ಕಾಂಗ್ರೆಸ್ ಸರ್ಕಾರದ ವಿರುದ್ಧ ಟೀಕೆಗೆ ಬಳಸಿಕೊಳ್ಳುವ ಸಾಧ್ಯತೆ ಇದೆ. ಆದರೆ, ಕಾಂಗ್ರೆಸ್ ಪಕ್ಷದ ಮುಖಂಡರು ಈ ಘಟನೆಗೆ ತಮ್ಮ ಪಕ್ಷದ ಯಾವುದೇ ಸಂಬಂಧವಿಲ್ಲ ಎಂದು ಸ್ಪಷ್ಟಪಡಿಸಿದ್ದಾರೆ.