ಸಾಮಾನ್ಯ ಜ್ಞಾನ ಇರುವ ಅಧಿಕಾರಿಗಳಿಂದ ಮಾಧ್ಯಮಗಳ ಜತೆ 'ಕಣ್ಣಾಮುಚ್ಚಾಲೆ' ಆಟ

ಆಪರೇಷನ್ ಸಿಂದೂರ್ ತಾತ್ಕಾಲಿಕವಾಗಿ ಸ್ಥಗಿತಗೊಂಡಿದೆ, ಇದರ ಬೆನ್ನಿಗೆ ಭಾರತ ಮತ್ತು ಪಾಕಿಸ್ತಾನ ಒಬ್ಬರಿಗೊಬ್ಬರು ವಿರೋಧಿ ನೆಲದ ಮೇಲೆ ಜೋರು ದಾಳಿಗಳನ್ನು ನಡೆಸಿದ್ದೇವೆ ಎಂದು ಹೇಳಿಕೊಂಡಿವೆ.

ಮೇ 7ರಂದು ಸಂಘರ್ಷದ ಮೊದಲ ದಿನ. ಪಾಕಿಸ್ತಾನವು ಭಾರತದ ಕೆಲವುಯುದ್ಧ ವಿಮಾನಗಳನ್ನು ಹೊಡೆದುರುಳಿಸಿತು ಎಂಬುದಾಗಿ ವರದಿಯಾಯಿತು. ಈ ಬಗ್ಗೆ ನಿಖರತೆ ಇರಲಿಲ್ಲ ಹಾಗೂ ಯಾರಿಂದಲೂ ಸ್ಪಷ್ಟತೆ ಇರಲಿಲ್ಲ.

ನವದೆಹಲಿಯಲ್ಲಿ ಸಂಘರ್ಷದ ಮುಕ್ತಾಯಗೊಂಡ ಬಳಿಕ ನಡೆದ ಪತ್ರಿಕಾಗೋಷ್ಠಿಯೊಂದರಲ್ಲಿ ಮಾತನಾಡಿದ ಮಿಲಿಟರಿ ವಕ್ತಾರರೊಬ್ಬರು ಪ್ರಶ್ನೆಯೊಂದಕ್ಕೆ ಉತ್ತರಿಸುತ್ತಾ, ಯುದ್ಧ ಪರಿಸ್ಥಿತಿಯಲ್ಲಿ ನಷ್ಟಗಳು ಅನಿವಾರ್ಯ ಎಂದರು. ನಾವು ಯುದ್ಧ ಪರಿಸ್ಥಿತಿಯಲ್ಲಿದ್ದೇವೆ ಮತ್ತು ನಷ್ಟಗಳು ಯುದ್ಧದ ಆವಿಭಾಜ್ಯ ಅಂಗ,” ಎಂದು ಹೇಳಿದರು.

ಕ್ಲಿಷ್ಟಕರ ಪ್ರಶ್ನೆಗಳಿಗೆ ತಪ್ಪಿಸಿಕೊಳ್ಳುವುದು

ನಿರಾಕರಣೆಯ ಕೊರತೆ ಮತ್ತು ನಷ್ಟಗಳ ಸ್ವೀಕಾರ ಖಂಡಿತವಾಗಿಯೂ ಏನೋ ಸಂಭವಿಸಿದೆ ಎಂಬುದಕ್ಕೆ ಸ್ಪಷ್ಟ ನಿದರ್ಶನ. ಆದರೆ ವಿವರಗಳ ಕೊರತೆಯಿಂದ ಅದನ್ನು ಅವರವರ ವ್ಯಾಖ್ಯಾನಕ್ಕೆ ಬಿಡಲಾಯಿತು. ಈ ಮೂಲಕ ಕ್ಲಿಷ್ಟಕರ ಪ್ರಶ್ನೆಗೆ ವಿಶಿಷ್ಟ ರೀತಿಯ ಸರ್ಕಾರಿ ಉತ್ತರ ಲಭಿಸಿದೆ.

2014ರಲ್ಲಿ ನರೇಂದ್ರ ಮೋದಿ ಸರ್ಕಾರ ಅಧಿಕಾರಕ್ಕೆ ಬಂದಾಗಿನಿಂದ ಭಾರತದಲ್ಲಿ ಸ್ಕ್ರಿಪ್ಟ್‌ರಹಿತ ಮಾಧ್ಯಮ ಗೋಷ್ಠಿಗಳು ವಿರಳ. ಕಡಿಮೆ ಒತ್ತಡದ ಪರಿಸ್ಥಿತಿಯಿಂದಾಗಿ. ಪತ್ರಕರ್ತರೊಂದಿಗಿನ ಸೇನಾ ಸಂಸ್ಥೆಗಳ ಮುಕ್ತ ಸಂವಾದವೂ ಅಪರೂಪವಾಗಿದೆ.

ಯುಎಸ್ ಮತ್ತು ಇಸ್ರೇಲ್‌ನಲ್ಲಿ ಇವು ನೇರವಾಗಿ ಅಥವಾ ಪರೋಕ್ಷವಾಗಿ ಸಂಘರ್ಷಗಳಲ್ಲಿ ಹಲವಾರು ಸಂಘರ್ಷಗಳಲ್ಲಿ ತೊಡಗಿರುವ ಹೊರತಾಗಿಯೂ ಮಾಧ್ಯಮಗಳ ಮುಂದೆ ಮುಕ್ತವಾಗಿರುತ್ತಾರೆ. ಆದರೆ ಪ್ರಮುಖ ವಿಷಯಗಳ ಕುರಿತು ಬದ್ಧತೆ ತೋರಿಸುವ ಜತೆಗೆ ಸರ್ಕಾರಿ ಭಾಷೆಯನ್ನು ಅತ್ಯಂತ ಚಾತುರ್ಯದಿಂದ ಬಳಸುತ್ತಾರೆ.

ಅವರು ಮಾಧ್ಯಮದಿಂದ ಬರುವ ಪ್ರಶ್ನೆಗಳನ್ನು ಚತುರವಾಗಿ ತಪ್ಪಿಸುವ ಕಲೆಯನ್ನು ಕರಗತ ಮಾಡಿಕೊಂಡಂತೆ ಕಾಣುತ್ತಾರೆ, ಇದು ಬಾಕ್ಸರ್ ಮುಹಮ್ಮದ್ ಅಲಿಯ ಬಗ್ಗೆ ಒಂದು ಪ್ರಸಿದ್ಧ ಗೀತೆಯ ಸಾಲನ್ನು ನೆನಪಿಸುತ್ತದೆ: “ನಿನಗೆ ಸಾಧ್ಯವಾದರೆ ನನ್ನನ್ನು ಹಿಡಿ.”

ವೃತ್ತಿಪರ ಪ್ರಮಾದಗಳು

ಗಾಜಾದ ಮೇಲಿನ ಇಸ್ರೇಲ್‌ ನಡೆಸುತ್ತಿರುವ ದಾಳಿಯ ಇತ್ತೀಚಿನ ಭಯಾನಕ ಘಟನೆಯನ್ನು ಗಮನಿಸಿ. ಮಾರ್ಚ್ 23ರಂದು, 15 ಪ್ಯಾಲೆಸ್ತೀನ್​ನ ಪ್ಯಾರಾಮೆಡಿಕ್‌ಗಳನ್ನು ಹೊತ್ತ ಆಂಬುಲೆನ್ಸ್ ಇಸ್ರೇಲ್‌ನ ದಾಳಿಯಲ್ಲಿ ಚೂರಾಗಿ ಅಷ್ಟೂ ಜನರು ಮೃತಪಟ್ಟರು. ವರದಿಗಳ ಪ್ರಕಾರ, ಇಸ್ರೇಲ್ ಸೈನಿಕರು ಆಂಬುಲೆನ್ಸ್‌ನ ಜೊತೆಗೆ ಸತ್ತ ಪ್ಯಾರಾಮೆಡಿಕ್‌ಗಳ ದೇಹಗಳನ್ನು ಮರಳಿನಲ್ಲಿ ಹೂತುಹಾಕಿದ್ದರು. ಕೊನೆಗೆ ವಿಷಯ ಬಯಲಿಗೆ ಬಂದು, ಘಟನೆ ಇಡೀ ವಿಶ್ವಕ್ಕೆ ಗೊತ್ತಾಯಿತು.

ಇಸ್ರೇಲ್​ನ ಮಿಲಿಟರಿ ವಕ್ತಾರರು ಈ ಕುರಿತು ಎದುರದಾರ ಮಾಧ್ಯಮಗಳ ಪ್ರಶ್ನೆಗಳಿಗೆ ಉತ್ತರಿಸುತ್ತಾ, ಸರ್ಕಾರವು ಈ ಘಟನೆಯನ್ನು ತನಿಖೆ ಮಾಡುತ್ತದೆ ಎಂದು ಮೊದಲು ಹೇಳಿದರು. ಸ್ವಲ್ಪ ಸಮಯದ ನಂತರ ಇದು “ವೃತ್ತಿಪರ ಪ್ರಮಾದ'' ಎಂದು ಹೇಳಿದರು.

ಮೃತಪಟ್ಟ ಪ್ಯಾರಾಮೆಡಿಕ್‌ಗಳ ಜೊತೆ ಆಂಬುಲೆನ್ಸ್‌ನ್ನು ಏಕೆ ಹೂತುಹಾಕಲಾಯಿತು ಎಂದು ಪ್ರಶ್ನಿಸಿದ್ದಕ್ಕೆ, ಇಸ್ರೇಲ್ ಅಧಿಕಾರಿಗಳು, ದೇಹಗಳನ್ನು ರಕ್ಷಿಸಲು ಮತ್ತು ದೇಹವನ್ನು ಮರಳಿ ಪಡೆಯಲು ಅನುಕೂಲವಾಗುವಂತೆ ಈ ರೀತಿ ಮಾಡಲಾಯಿತು ಎಂದು ಹೇಳಿದರು. ಈ ಪ್ರದೇಶವನ್ನು ತೆರೆಯುವ ಮೊದಲು ಇಸ್ರೇಲ್ ಕೆಲವು ದಿನಗಳ ಕಾಲ ಅದನ್ನು ಸೀಲ್ ಮಾಡಿತ್ತು. ಆದರೆ ಈ ಕ್ರಿಯೆಗೆ ಯಾವುದೇ ಸ್ಪಷ್ಟ ವಿವರಣೆ ಕೊಡಲಿಲ್ಲ.

ಈ ಅಮಾನವೀಯ ಘಟನೆಯು ಜಾಗತಿಕವಾಗಿರುವ ಎಲ್ಲರಿಗೂ ಆಘಾತವನ್ನುಂಟುಮಾಡಿತ್ತು. ಆದರೆ ಬೆಂಜಮಿನ್ ನೆತನ್ಯಾಹು ಆಡಳಿತವು ಇದನ್ನು ಚತುರವಾಗಿ ನಿರ್ವಹಿಸಿತು.

ಗಾಜಾದ ಕೊಲೆಗಳ ಬಗ್ಗೆ ಇಸ್ರೇಲ್‌ನ ಜಾಣ ಉತ್ತರ

ಮಿಲಿಟರಿ ದಾಳಿ ಆರಂಭವಾದ ದಿನದಿಂದ ಇಸ್ರೇಲ್ ವಕ್ತಾರರು ಕಿರಿಕಿರಿಯ ವಿಷಯಗಳಿಗೆ ಉತ್ತರಿಸುವ ಕಲೆ ಕರಗತ ಮಾಡಿಕೊಂಡಿದ್ದಾರೆ, ಉತ್ತರಗಳು ನಂಬಲಸಾಧ್ಯವೆನಿಸಿದರೂ ಮತ್ತಷ್ಟು ಪ್ರಶ್ನೆಗಳಿಗೆ ಅವರು ಅವಕಾಶ ನೀಡುತ್ತಿಲ್ಲ. ಉದಾಹರಣೆಗೆ, ಮಾಧ್ಯಮದ ದೊಡ್ಡ ವರ್ಗವು ಇಸ್ರೇಲ್ ತನ್ನ ಕೃತ್ಯ ಮರೆಮಾಚಲು ಪ್ಯಾಲೆಸ್ತೀನ್​ ಪ್ಯಾರಾಮೆಡಿಕ್‌ಗಳನ್ನು ಮತ್ತು ಆಂಬುಲೆನ್ಸ್‌ನ್ನು ಹೂತುಹಾಕಿತು ಎಂದು ಹೇಳಿದರೂ. ಇಸ್ರೇಲ್‌ನ ಉತ್ತರವು ಇದನ್ನು ಸತ್ತವರ ಬಗ್ಗೆ ಕಾಳಜಿಯಾಗಿ ಎಂಬಂತೆ ತೋರಿಸಿತು. ಇದಕ್ಕೆ ಪರಿಣಾಮಕಾರಿಯಾಗಿ ಪ್ರತಿರೋಧಿಸಲು ಸಾಧ್ಯವಾಗಲಿಲ್ಲ. ಇಸ್ರೇಲ್‌ನ 18 ತಿಂಗಳ ಗಾಜಾದ ಮೇಲಿನ ದಾಳಿಯಲ್ಲಿ ಸುಮಾರು 55,000 ಜನರು ಹತ್ಯೆಯಾಗಿದ್ದಾರೆ. ಇದರಲ್ಲಿ ಮಹಿಳೆಯರು ಮತ್ತು ಮಕ್ಕಳು ಸೇರಿದಂತೆ ಜನ ಸಾಮಾನ್ಯರೇ ಹೆಚ್ಚಿದ್ದಾರೆ.

ಹಮಾಸ್‌ನ ಮೇಲೆ ಆರೋಪ

ಇಸ್ರೇಲ್‌ನ ದಾಳಿಯನ್ನು ಕೆಲವರು “ಜನಾಂಗೀಯ ನಾಶ ” ಎಂದು ಕರೆದಿದ್ದಾರೆ, ಇದು ಈಗ ಅಂತಾರಾಷ್ಟ್ರೀಯ ನ್ಯಾಯಾಲಯದಲ್ಲಿ ವಿಚಾರಣೆಯಲ್ಲಿದೆ. ಪ್ರತಿಬಾರಿ ಈ ವಿಷಯದ ಬಗ್ಗೆ ಇಸ್ರೇಲ್‌ಗೆ ಪ್ರಶ್ನೆ ಕೇಳಿದಾಗ, ವಕ್ತಾರರು ದೇಶವು “ಸ್ವ-ರಕ್ಷಣೆಯ ಹಕ್ಕು ” ಚಲಾಯಿಸುತ್ತಿದೆ ಎಂದು ವಾದಿಸಲಾಗುತ್ತದೆ. ಈ ವಾದವು ವಿವಾದಾತ್ಮಕವಾದರೂ, ಇಸ್ರೇಲ್ ತನ್ನ ಹೇಳಿಕೆಯನ್ನು ಹೆಚ್ಚು ಪ್ರಭಾವಶಾಲಿ ಮಾಡಿದೆ. ಆ ಕ್ಷಣಕ್ಕೆ ಏನೇ ಹೇಳಿದರೂ ಮತ್ತು ಅದು ವಿಶ್ವಾಸಾರ್ಹ ಅಲ್ಲದೇ ಹೋದರೂ ಪ್ರಶ್ನೆಗೆ ಉತ್ತರಿಸುವ ಉದ್ದೇಶ ಹೊಂದಿರುತ್ತಾರೆ.

ಅಮೆರಿಕದ ತಪ್ಪು

ಅಮೆರಿಕವ ಕೂಡ ಹಲವು ವರ್ಷಗಳಿಂದ ವಿವಾದಾತ್ಮಕ ಸಂದರ್ಭಗಳಲ್ಲಿ ವಿಶೇಷವಾಗಿ ಮಾಧ್ಯಮ ಗೋಷ್ಠಿಗಳನ್ನು ಎದುರಿಸುವ ಕಲೆ ಕರಗತ ಮಾಡಿಕೊಂಡಿದೆ. ಯುಎಸ್ ಸರ್ಕಾರದ ಅಥವಾ ಅದರ ಸಂಸ್ಥೆಗಳ ವಿಶೇಷವಾಗಿ ಮಿಲಿಟರಿಯ ವಿವಾದಾತ್ಮಕ ಕೃತ್ಯಗಳ ಬಗ್ಗೆ ಪತ್ರಕರ್ತರು ಪ್ರಶ್ನೆಗಳನ್ನು ಎತ್ತಿದಾಗ ವಕ್ತಾರರು ಚಾತುರ್ಯದಿಂದ ನಿರ್ವಹಿಸಿದ್ದಾರೆ. ವಾಸ್ತವವಾಗಿ ಅಮೆರಿಕ ಈ ಕ್ಷೇತ್ರದಲ್ಲಿ ಮುಂಚೂಣಿಯಲ್ಲಿದೆ. ಇರಾಕ್ ಆಕ್ರಮಣಕ್ಕೆ ಒಂದು ತಿಂಗಳ ಮೊದಲು ಅಂದರೆ 2003ರ ಫೆಬ್ರವರಿ 5ರಂದು ಯುನೈಟೆಡ್ ನೇಷನ್ಸ್ ಸೆಕ್ಯುರಿಟಿ ಕೌನ್ಸಿಲ್‌ ನಡೆಸಿದ ಮಾಧ್ಯಮ ಗೋಷ್ಠಿಯನ್ನು ಸ್ಮರಿಸಿಕೊಳ್ಳಬಹುದು. ಆಗಿನ ರಾಜ್ಯ ಕಾರ್ಯದರ್ಶಿ ಕಾಲಿನ್ ಪೊವೆಲ್. ಇರಾಕ್ ಅಧ್ಯಕ್ಷ ಸದ್ದಾಂ ಹುಸೇನ್ ಸಾಮೂಹಿಕ ವಿನಾಶಕಾರಿ ಶಸ್ತ್ರಾಸ್ತ್ರಗಳನ್ನು ಸಂಗ್ರಹಿಸುತ್ತಿದ್ದಾರೆ ಎಂದು ವಿವರಣೆ ನೀಡಿದರು.

ಪೊವೆಲ್‌ನ ವಿವರಣೆ

ಪೊವೆಲ್ ತಮ್ಮ ವಿವರಣೆಯಲ್ಲಿ “ನನ್ನ ಸಹೋದ್ಯೋಗಿಗಳೇ, ನಾನು ಇಂದು ಮಾಡುವ ಪ್ರತಿಯೊಂದು ಹೇಳಿಕೆಯನ್ನು ನಂಬಿಕಾರ್ಹ ಮೂಲಗಳಿಂದ ಪಡೆಯಲಾಗಿದೆ. ಇವು ಕೇವಲ ವಾದಗಳಲ್ಲ, ನಾವು ನಿಮಗೆ ನೀಡುತ್ತಿರುವುದು ಬಲಿಷ್ಠ ಗುಪ್ತಚರ ಮಾಹಿತಿಯ ಆಧಾರದ ಮೇಲಿನ ಸತ್ಯಗಳು ಮತ್ತು ತೀರ್ಮಾನಗಳು.” ಎಂದು ಹೇಳಿದ್ದರು.

ದಾಳಿಯ ಸಂದರ್ಭದಲ್ಲಿ, ಪೊವೆಲ್‌ ಹೇಳಿದ ಕಥೆ ಸಂಪೂರ್ಣವಾಗಿ ಕಾಲ್ಪನಿಕ ಎಂದು ತಿಳಿಯಿತು. ವಿಷಯ ಬಯಲಾದ ಬಳಿಕ ಪೊವೆಲ್​, ಗುಪ್ತಚರ ಅಧಿಕಾರಿಗಳನ್ನು ದೂಷಿಸಿದರು ಮತ್ತು ಅವರು ತಮಗೆ ಮಾಹಿತಿಯ ಮೂಲಗಳನ್ನು ತಿಳಿಸಲಿಲ್ಲ ಎಂದು ಆರೋಪಿಸಿದರು. .

ಪೊವೆಲ್‌ನಿಂದಾಗಿ ಸದ್ದಾಂ ಹುಸೇನ್‌ನ ವಿಶ್ವಾಸಾರ್ಹತೆಗೆ ಭಾರೀ ಹಾನಿಯಾಯಿತು ಮತ್ತು ಯುಎಸ್‌ಗೆ ಆಕ್ರಮಣಕ್ಕೆ ಹೋಗಲು ನಿರ್ಣಾಯಕ ಶಸ್ತ್ರಾಸ್ತ್ರ ಲಭಿಸುವಂತೆ ಮಾಡಿತು. ಸಂಪೂರ್ಣವಾಗಿ ಹಾನಿಯಾಯಿತು, ಯುಎಸ್ ಈ ಘಟನೆಯನ್ನು ಗುಪ್ತಚರ ಅಧಿಕಾರಿಗಳ ತಪ್ಪು ವರದಿಗಳಿಂದ ಉಂಟಾದ ಪ್ರಮಾದ ಎಂದು ಹೇಳಿದರ ಹೊರತಾಗಿಯೂ ನಿರ್ದಿಷ್ಟವಾಗಿ ಜವಾಬ್ದಾರರನ್ನಾಗಿ ಮಾಡಲಿಲ್ಲ.

ನನಗೆ ಸಾಮಾನ್ಯ ಜ್ಞಾನವಿದೆ

ಇತ್ತೀಚೆಗೆ, 2025ರ ಜನವರಿ 29ರಂದು ಅಮೆರಿಕದ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್. ಅಮೆರಿಕದ ಮಿಲಿಟರಿ ಹೆಲಿಕಾಪ್ಟರ್ ಮತ್ತು ನಾಗರಿಕ ವಿಮಾನದ ನಡುವಿನ ಅಪಘಾತವನ್ನು ಹಿಂದಿನ ಜೋ ಬೈಡೆನ್​ ಆಡಳಿತದ “ ಅನೇಕ ನೀತಿಗಳ” ತಪ್ಪು ಎಂಬುದಾಗಿ ದೂಷಿಸಿದರು.

ಈ ತೀರ್ಮಾನಕ್ಕೆ ಹೇಗೆ ಬರಲು ಸಾಧ್ಯವಾಯಿತು ಎಂದು ಕೇಳಿದ ಪ್ರಶ್ನೆಗೆ ಟ್ರಂಪ್, “ಏಕೆಂದರೆ ನನಗೆ ಸಾಮಾನ್ಯ ಜ್ಞಾನವಿದೆ, ಸರಿ?” ಎಂದು ಉತ್ತರಿಸಿದರು. ಈ ವಿಚಿತ್ರ ಟೀಕೆಯಿಂದಾಗಿ ಮೂಲ ಸಮಸ್ಯೆ ಮರೆಯಾಯಿತು. ಅವರ ಆಡಳಿತವು ದೊಡ್ಡ ಪ್ರಮಾಣದಲ್ಲಿ ಫೆಡರಲ್ ವಿಮಾನಯಾನ ಸಂಸ್ಥೆಯ ನೌಕರರನ್ನು ವಜಾಗೊಳಿಸಿದ್ದೇ ಅವಘಡಕ್ಕೆ ಕಾರಣ ಮತ್ತು ವಿಮಾನಯಾನ ಸಂಸ್ಥೆಯ ಕಾರ್ಯಾಚರಣೆ ಮೇಲೆ ಪ್ರಭಾವ ಬೀರಿತು ಎಂಬ ವಿಷಯ ಮರೆಯಾಯಿತು.

ಮಾಧ್ಯಮ ಗೋಷ್ಠಿಗಳಲ್ಲಿ ಟ್ರಂಪ್ ನೀಡುವ ಉತ್ತರಗಳು, ಸರ್ಕಾರ ಮತ್ತು ಮಾಧ್ಯಮಗಳ ನಡುವಿನ ಸಂವಾದವನ್ನು ಸಂಪೂರ್ಣ ಹೊಸ ಮಟ್ಟಕ್ಕೆ ಕೊಂಡೊಯ್ದಿವೆ, ಇದನ್ನು ಒಳನೋಟದ ಅಥವಾ ಅಸಂಬದ್ಧವೆಂದು ಕರೆದರೂ, ಯುಎಸ್ ಅಧ್ಯಕ್ಷರನ್ನು ನೀವು ಹೇಗೆ ನೋಡುತ್ತೀರಿ ಎಂಬುದರ ಮೇಲೆ ಅವಲಂಬಿತವಾಗಿದೆ.

ಟ್ರಂಪ್‌ ಜಾಣ ಹೇಳಿಕೆ

ಭಾರತ-ಪಾಕಿಸ್ತಾನ ಸಂಘರ್ಷ ಕೊನೆಗೊಳಿಸಲು ವಾಣಿಜ್ಯ ಒಪ್ಪಂದವನ್ನು ಆಮಿಷವಾಗಿ ತಂದ ಡೊನಾಲ್ಡ್​ ಟ್ರಂಪ್‌ ಹೇಳಿಕೆ ಎಲ್ಲರನ್ನೂ ಅವರು ಏನು ಉದ್ದೇಶಿಸಿದ್ದಾರೆ ಎಂದು ತಿಳಿಯುವಂತೆ ಮಾಡಿತು. ಆದರೆ ಇದು ಟ್ರಂಪಿಸಂ, ಮಾತಿನ ಒಂದು ಹೊಸ ರೀತಿಯ ತಂತ್ರ, ಇದು ಇನ್ನೊಂದು ಕಥೆ.