Trump Visa Policy | ಭಾರತಕ್ಕೆ ಬರಲು ಹಿಂದೇಟು ಹಾಕುತ್ತಿರುವ ತೆಲುಗರು

ಅಮೆರಿಕಾದಲ್ಲಿ ವಲಸೆ ನೀತಿಗಳು ಚುನಾವಣಾ ರಾಜಕೀಯಗಳಿಗೆ ಒಂದು ಸಾಧನವಾಗಿ ಮಾರ್ಪಟ್ಟಿವೆ. ಟ್ರಂಪ್ ಆಡಳಿತವು ಜಾರಿಗೆ ತಂದಿರುವ ಕಠಿಣ ವೀಸಾ ನಿಯಮಗಳು, ಪೌರತ್ವದ ನಿಯಮಗಳು ಬದಲಾವಣೆ ಪ್ರಸ್ತಾಪಗಳು ಯಾವುದೇ ತಾಂತ್ರಿಕ ಆಧಾರಿತ ನಿರ್ಧಾರಗಳಲ್ಲ. ಇವು "ಅಮೆರಿಕನ್ನರಿಗೆ ಉದ್ಯೋಗ ಭದ್ರತೆ" ಹೆಸರಿನಲ್ಲಿ ವಲಸಿಗರ ವಿರುದ್ಧ ನಡೆಸುತ್ತಿರುವ ಯುದ್ಧವಷ್ಟೇ.

ಎಫ್-1, ಎಚ್-1ಬಿ ವೀಸಾ ಪಡೆದವರಲ್ಲಿ ಭಾರತೀಯರು ಬಹುಸಂಖ್ಯೆಯಲ್ಲಿದ್ದಾರೆ. ತೆಲುಗು ಜನರ ಕೌಶಲಗಳ ಮೇಲೆ ಐಟಿ ಕ್ಷೇತ್ರವು ಅವಲಂಬಿತವಾಗಿದ್ದರೂ, ರಾಜಕೀಯ ಸ್ವಾರ್ಥಕ್ಕಾಗಿ ಅವರೇ ಗುರಿಯಾಗಿದ್ದಾರೆ. ವಲಸಿಗರನ್ನು "ಇತರರೆಂದು" ಚಿತ್ರಿಸಿ, ರಾಷ್ಟ್ರೀಯ ಭದ್ರತೆಯ ಹೆಸರಿನಲ್ಲಿ ನಿಯಮಗಳನ್ನು ಕಠಿಣಗೊಳಿಸುವುದು ಮೂಲಭೂತ ಹಕ್ಕುಗಳ ಸಮಸ್ಯೆಯಾಗಿ ಮಾರ್ಪಟ್ಟಿದೆ. ವೀಸಾ ನಿರಾಕರಣೆ, ವೀಸಾ ಸ್ಟಾಂಪಿಂಗ್‌ನಲ್ಲಿ ವಿಳಂಬ, ನಾಗರಿಕತ್ವದ ಅನಿಶ್ಚಿತತೆ—ಇವೆಲ್ಲವೂ ಮಾನಸಿಕವಾಗಿ ತೊಂದರೆಗೊಳಗಾಗುವಂತಹ ವಿಷಯಗಳಾಗಿವೆ. ಅವರೆಲ್ಲರೂ ಜೀವನ ರಾಜಕೀಯ ಬೆಂಕಿಗೆ ಸಮಿಧೆಯಾಗುತ್ತಿದೆ. 

ಸುಧೀರ್ (ಹೆಸರು ಬದಲಾಯಿಸಲಾಗಿದೆ), ಅಮೆರಿಕಾಕ್ಕೆ ಹೋಗಿ 10 ವರ್ಷಗಳಾಗಿವೆ. ಎಂಎಸ್‌ಸಿ ಪೂರ್ಣಗೊಳಿಸಿ, ನ್ಯೂಯಾರ್ಕ್‌ನ ಒಂದು ಪ್ರತಿಷ್ಠಿತ ಕಂಪನಿಯಲ್ಲಿ ಎಚ್-1ಬಿ ವೀಸಾದ ಮೇಲೆ ಕೆಲಸ ಮಾಡುತ್ತಿದ್ದಾರೆ. ಇಷ್ಟು ವರ್ಷಗಳ ನಂತರ ತನ್ನ ಸ್ವರಾಷ್ಟ್ರವಾದ ಆಂಧ್ರಪ್ರದೇಶಕ್ಕೆ ಬರಲು ಟಿಕೆಟ್ ಕಾಯ್ದಿರಿಸಿದ್ದರು. ಮೇ 6ರಂದು ಬಂದು 3 ವಾರಗಳ ಕಾಲ ಇದ್ದು, ತಿಂಗಳ ಕೊನೆಗೆ ಹಿಂತಿರುಗಬೇಕೆಂಬುದು ಯೋಜನೆಯಾಗಿತ್ತು. ಆದರೆ, ತಾವು ಕೆಲಸ ಮಾಡುವ ಕಂಪನಿಯ ಎಚ್ಚರಿಕೆ ಪ್ರಕಾರ ಟಿಕೆಟ್ ರದ್ದುಗೊಳಿಸಿದರು.

ಒಂದು ದಶಕದ ಬಳಿಕ ವಯಸ್ಸಾದ ತಂದೆ-ತಾಯಿಯನ್ನು ಭೇಟಿಯಾಗಬೇಕೆಂಬ ಕನಸು ಈಡೇರಲಿಲ್ಲ. ಭಾರತಕ್ಕೆ ಬಂದ ಬಳಿಕ ಮತ್ತೆ ಹಿಂತಿರುಗುವಾಗ ವೀಸಾ ಸಮಸ್ಯೆಗಳು ಬರಬಹುದೆಂಬ ಭಯ ಮತ್ತು ಆತಂಕದಿಂದಾಗಿ ತಮ್ಮ ಭಾರತ ಭೇಟಿಯನ್ನು ರದ್ದುಗೊಳಿಸಿದ್ದಾರೆ.

ವೀಸಾ ಭದ್ರತೆ ಮೇಲಿನ ಅನಿಶ್ಚಿತತೆ

ಮೇಘನಾ (ಹೆಸರು ಬದಲಾಯಿಸಲಾಗಿದೆ), ನಲ್ಗೊಂಡ ಜಿಲ್ಲೆಯ ವಿದ್ಯಾರ್ಥಿನಿ, ಚಿಕಾಗೋದಲ್ಲಿ ಉನ್ನತ ಶಿಕ್ಷಣ ಪಡೆಯಲು ನಾಲ್ಕು ವರ್ಷಗಳ ಹಿಂದೆ ತೆರಳಿದ್ದರು. ತಮ್ಮ ಸಹೋದರನ ವಿವಾಹಕ್ಕೆ ಬರಬೇಕೆಂಬ ನಿರ್ಧಾರವನ್ನು ಕೂಡ ವೀಸಾ ಅಭದ್ರತೆಯ ಕಾರಣಕ್ಕೆ ಬದಲಾಯಿಸಿದ್ದಾರೆ. ಸ್ನೇಹಿತರ ಸಲಹೆಯಂತೆ ಟಿಕೆಟ್‌ಗಳನ್ನು ರದ್ದು ಮಾಡಿದ್ದಾರೆ.

ರಮೇಶ್-ಸುನೀತ ದಂಪತಿಗಳು, ಅಮೆರಿಕಾದಲ್ಲೇ ಐಟಿ ಉದ್ಯೋಗಿಗಳು. ತಮ್ಮ ಸ್ವಗ್ರಾಮಕ್ಕೆ ಬಂದು ಮತ್ತೆ ಹಿಂತಿರುಗುವ ಯೋಜನೆಯಲ್ಲಿದ್ದರು. ಆದರೆ, ರಾಯಭಾರಿ ಕಚೇರಿಯಲ್ಲಿ ಅವರಿಗೆ ಆಘಾತ ಎದುರಾಯಿತು. ವೀಸಾ ವಿತರಣೆ ಚಾಲ್ತಿಯಲ್ಲಿಲ್ಲ ಹಾಗೂ "ಆಡಳಿತಾತ್ಮಕ ಅಡೆತಡೆ" ಎಂಬ ಅಸ್ಪಷ್ಟ ಮಾಹಿತಿ ದೊರಕಿತ್ತು.

ವಲಸೆಯಲ್ಲಿ ತೆಲುಗು ಮಂದಿನ ಸಿಂಹಪಾಲು

ಕೋವಿಡ್ ನಂತರ ತೆಲುಗು ರಾಷ್ಟ್ರಗಳಿಂದ ಅಮೆರಿಕಾಕ್ಕೆ ತೆರಳಿದ ವಿದ್ಯಾರ್ಥಿಗಳ ಸಂಖ್ಯೆ ಭಾರೀ ಪ್ರಮಾಣದಲ್ಲಿ ಏರಿಕೆಯಾಗಿದೆ. 2023-24ರ ವೇಳೆಗೆ ಅಮೆರಿಕಾದ 3,31,602 ಭಾರತೀಯ ವಿದ್ಯಾರ್ಥಿಗಳಲ್ಲಿ ಅರ್ಧಕ್ಕಿಂತಲೂ ಹೆಚ್ಚು ತೆಲುಗು ಭಾಷಿಕರು. ಅಂದರೆ ಸುಮಾರು 1.6 ಲಕ್ಷ ಜನ. ಇವರಲ್ಲಿ ಹೆಚ್ಚಿನವರು STEM ಕೋರ್ಸ್‌ಗಳನ್ನು ಆಯ್ಕೆ ಮಾಡಿಕೊಂಡವರೇ. ಆದರೆ, ಎಫ್-1 ವೀಸಾದ ಅವಧಿ ಮುಗಿಯುವ ಹಂತದಲ್ಲಿರುವ ಈ ವಿದ್ಯಾರ್ಥಿಗಳಿಗೆ ಈಗ ಭಾರತಕ್ಕೆ ಬರುವುದೇ ಅಪಾಯದಂತಾಗಿದೆ. ಹೊಸ ವೀಸಾ ಸ್ಟಾಂಪಿಂಗ್, OPT ಸಮಸ್ಯೆಗಳು, SEVIS ಸ್ಥಿತಿಯನ್ನು ಕಟ್ಟುನಿಟ್ಟಾಗಿ ಪಾಲಿಸಬೇಕಾದ ಒತ್ತಡ ಅವರಿಗೆ ಮಾನಸಿಕವಾಗಿ ಕಾಡುತ್ತಿವೆ.

ರಾಹುಲ್ (ಹೆಸರು ಬದಲಾಯಿಸಲಾಗಿದೆ) ಎಂಬ ವಿದ್ಯಾರ್ಥಿಯೊಬ್ಬ ಮಾಸ್ಟರ್ಸ್ ಪೂರ್ಣಗೊಳಿಸಿದ ಬಳಿಕ CPT ತರಬೇತಿಯ ಸಮಯದಲ್ಲಿ ಭಾರತಕ್ಕೆ ಬಂದು, ಮತ್ತೆ ಹಿಂತಿರುಗಲು ಪ್ರಯತ್ನಿಸಿದಾಗ ನ್ಯೂಯಾರ್ಕ್ ವಿಮಾನ ನಿಲ್ದಾಣದಲ್ಲೇ ತಡೆಯಲಾಗಿದೆ, ವೀಸಾ ತಿರಸ್ಕೃತಗೊಂಡಿತ್ತು. ಇಂತಹ ಘಟನೆಗಳು ದೊಡ್ಡ ಪ್ರಮಾಣದಲ್ಲಿ ಆಗುತ್ತಿವೆ.

ಗೊಂದಲದ ನಡುವೆ ಜೀವನ...

ರಮ್ಯ (ಹೆಸರು ಬದಲಾಯಿಸಲಾಗಿದೆ), ಟೆಕ್ಸಾಸ್‌ನಲ್ಲಿ ಐಟಿ ಉದ್ಯೋಗಿ. ಎಚ್-1ಬಿ ವೀಸಾದ ಅವಧಿ ಮುಗಿಯುತ್ತಿರುವುದರಿಂದ ವೀಸಾ ವಿಸ್ತರಣೆಗಾಗಿ ಭಾರತಕ್ಕೆ ಬರಬೇಕಾದ ಅಗತ್ಯವಿದೆ. ಆದರೆ, ಮತ್ತೆ ಹಿಂತಿರುಗಲು ಸಾಧ್ಯವಾಗದಿರಬಹುದೆಂಬ ಭಯವು ಆಕೆಯ ಪ್ರವಾಸ ಮೊಟಕುಗೊಳಿಸಿದೆ. ಕುಟುಂಬ ಮತ್ತು ಉದ್ಯೋಗ ಭದ್ರತೆಯ ನಡುವೆ ಆಕೆಯ ಜೀವನ ಗೊಂದಲದಲ್ಲಿದೆ. . ಗೂಗಲ್, ಮೈಕ್ರೋಸಾಫ್ಟ್, ಅಮೆಜಾನ್‌ನಂತಹ ಸಂಸ್ಥೆಗಳು ತಮ್ಮ ಎಚ್-1ಬಿ ಉದ್ಯೋಗಿಗಳಿಗೆ ಊರಿಗೆ ಹೋಗದಂತೆ ರಹಸ್ಯವಾಗಿ ಸೂಚನೆ ನೀಡಿದೆ.

'ಅತ್ಯಗತ್ಯವಿಲ್ಲದಿದ್ದರೆ ಪ್ರಯಾಣಿಸಬೇಡಿ' 'ವಿದೇಶದಲ್ಲಿ ವೀಸಾ ಸ್ಟಾಂಪಿಂಗ್ ಮಾಡದಿರಿ ಎಂದೆಲ್ಲ ಸೂಚನೆಗಳು ಸಿಗುತ್ತಿವೆ.

ಅಮೆರಿಕಾದಲ್ಲಿಯೇ ಅವಿಶ್ವಾಸ

ವಿಜಯವಾಡದ ರಮೇಶ್ (ಹೆಸರು ಬದಲಾಯಿಸಲಾಗಿದೆ) ವರ್ಜೀನಿಯಾದಲ್ಲಿ ಕೆಲಸ ಮಾಡುತ್ತಿದ್ದಾರೆ. "ಇತ್ತೀಚಿನ ದಿನಗಳಲ್ಲಿ ರಸ್ತೆಯಲ್ಲಿ ತಡೆದು ದಾಖಲೆಗಳನ್ನು ಅವರಿಗೆ ತೋರಿಸಲು ಕೇಳುತ್ತಿದ್ದಾರೆ. ವೀಸಾ, ಪಾಸ್‌ಪೋರ್ಟ್ ಜೊತೆಗೆ ಒಯ್ಯಬೇಕಾದ ಸ್ಥಿತಿ ಬಂದಿದೆ" ಎಂದು ತಮ್ಮ ಆತಂಕ ವ್ಯಕ್ತಪಡಿಸಿದ್ದಾರೆ.

ಈ ಪರಿಸ್ಥಿತಿಗಳು ಉದ್ಯೋಗ ಭದ್ರತೆಯ ಮೇಲೂ ಪರಿಣಾಮ ಬೀರುತ್ತಿವೆ. ವೀಸಾ ರೀ-ಸ್ಟಾಂಪಿಂಗ್ ವಿಳಂಬವಾದರೆ ಕಂಪನಿಗೆ ವರದಿ ಮಾಡಲಾಗದಿರುವುದು, ರಿಮೋಟ್ ಕೆಲಸಕ್ಕೆ ಅನುಮತಿ ಸಿಗದಿರುವುದು. ಇವೆಲ್ಲವೂ ಉದ್ಯೋಗ ನಷ್ಟಕ್ಕೆ ಕಾರಣವಾಗುತ್ತಿವೆ,.

ಗೂಗಲ್, ಅಮೆಜಾನ್, ಮೈಕ್ರೋಸಾಫ್ಟ್ ಎಚ್ಚರಿಕೆಗಳು ಏಕೆ?

ಪ್ರಮುಖ ಕಂಪನಿಗಳಾದ ಗೂಗಲ್, ಅಮೆಜಾನ್, ಮೈಕ್ರೋಸಾಫ್ಟ್ ತಮ್ಮ ಎಚ್-1ಬಿ ಉದ್ಯೋಗಿಗಳಿಗೆ ರಹಸ್ಯವಾಗಿ ಕೆಲವು ಸೂಚನೆಗಳನ್ನು ಕಳುಹಿಸುತ್ತಿವೆ ಎಂದು ತಿಳಿದುಬಂದಿದೆ. ಎಚ್-1ಬಿ ವೀಸಾದ ಮೇಲೆ ಅಮೆರಿಕಾದಲ್ಲಿ ಕೆಲಸ ಮಾಡುತ್ತಿರುವ ಉದ್ಯೋಗಿಗಳು ದೇಶವನ್ನು ತೊರೆಯಬಾರದು, ಮತ್ತೆ ಪ್ರವೇಶಿಸುವಾಗ ಸಮಸ್ಯೆಗಳು ಎದುರಾಗಬಹುದು ಎಂದು ಯುಎಸ್ ಟೆಕ್ ಕಂಪನಿಗಳು ಎಚ್ಚರಿಕೆ ನೀಡುತ್ತಿವೆ ಎಂದು ವಾಷಿಂಗ್ಟನ್ ಪೋಸ್ಟ್ ತಿಳಿಸಿದೆ.

ಅಮೆರಿಕಾದಲ್ಲಿ ಎಚ್-1ಬಿ ವೀಸಾದ ಬಹುಸಂಖ್ಯಾತರಾದ ಭಾರತೀಯ ತಾಂತ್ರಿಕ ತಜ್ಞರು ಈಗಾಗಲೇ ಟ್ರಂಪ್ ಸರ್ಕಾರವು ಜಾರಿಗೆ ತರುತ್ತಿರುವ ವಲಸೆ ನೀತಿಗಳ ಹಿನ್ನೆಲೆಯಲ್ಲಿ ಅಭದ್ರತೆ ಎದುರಿಸುತ್ತಿದ್ದಾರೆ. ಇಬ್ಬರು ಎಚ್-1ಬಿ ವಲಸಿಗರು ಇತ್ತೀಚೆಗೆ ವಾಷಿಂಗ್ಟನ್ ಪೋಸ್ಟ್‌ಗೆ ನೀಡಿದ ಸಂದರ್ಶನದಲ್ಲಿ ಹೇಳಿದ್ದೇನೆಂದರೆ "ನಾವು ಭಾರತದ ಪ್ರವಾಸ ರದ್ದುಗೊಳಿಸಿದ್ದೇವೆ, ಏಕೆಂದರೆ ಮತ್ತೆ ಪ್ರವೇಶಿಸಲು ಅನುಮತಿ ಸಿಗುತ್ತದೆಯೇ ಎಂಬ ಖಾತರಿಯಿಲ್ಲ.

ಭಯದಲ್ಲಿ ಮುಂದೂಡಿಕೆ

"ಎಚ್-1ಬಿ ವೀಸಾದಾರರು ಕೂಡ ತಮ್ಮ ಭಾರತ ಪ್ರವಾಸ ರದ್ದುಗೊಳಿಸುತ್ತಿದ್ದಾರೆ" ಎಂದು ಟೆಕ್ಸಾಸ್ ರಾಜಧಾನಿ ಆಸ್ಟಿನ್‌ನಲ್ಲಿರುವ ಕರೀಂನಗರ ಜಿಲ್ಲೆಯ ವಾಸಿ ರವೀಂದ್ರ (ಹೆಸರು ಬದಲಾಯಿಸಲಾಗಿದೆ) ತಿಳಿಸಿದರು. ಮತ್ತೆ ಅಮೆರಿಕಾಕ್ಕೆ ಹಿಂತಿರುಗಲು ಸಾಧ್ಯವಾಗದಿರಬಹುದೆಂಬ ಭಯದಿಂದ ಅವರು ಈ ನಿರ್ಧಾರ ತೆಗೆದುಕೊಂಡಿದ್ದಾರೆ.

ಟ್ರಂಪ್ ಸರ್ಕಾರವು ಪೌರತ್ವ ಹಕ್ಕಿನಲ್ಲಿ ಬದಲಾವಣೆಗಳನ್ನು ತರಲಿದೆ ಎಂಬ ಅನುಮಾನದಿಂದಲೂ ತಮ್ಮ ಊರಿಗೆ ಬರಲು ತಡವರಿಸುತ್ತಿದ್ದಾರೆ.

ನೂರಾರು ಟಿಕೆಟ್‌ಗಳು ರದ್ದು

ಪರಿಸ್ಥಿತಿಗಳಿಂದಾಗಿ ಟೆಕ್ಸಾಸ್ ರಾಷ್ಟ್ರದಿಂದಲೇ ಭಾರತಕ್ಕೆ ವಿವಿಧ ಟ್ರಾವೆಲ್ ಏಜೆನ್ಸಿಗಳ ಮೂಲಕ ಕಾಯ್ದಿರಿಸಲಾದ ನೂರಾರು ಮುಂಗಡ ಟಿಕೆಟ್‌ಗಳು ರದ್ದಾಗುತ್ತಿವೆ ಎಂದು ಹೆಸರನ್ನು ಬಹಿರಂಗಪಡಿಸಲು ಇಷ್ಟಪಡದ ಒಬ್ಬ ಟ್ರಾವೆಲ್ ಏಜೆಂಟ್ ತಿಳಿಸಿದ್ದಾರೆ.

ಟ್ರಂಪ್ ಅಧಿಕಾರಕ್ಕೆ ಬಂದ 5 ತಿಂಗಳ ಅವಧಿಯಲ್ಲೇ ವೀಸಾ ರದ್ದತಿಯ ಪ್ರಮಾಣ ಏರಿಕೆಯಾಗಿದೆ. ಎಚ್-1ಬಿ ವೀಸಾಗಳ ಬಗ್ಗೆ ಅಮೆರಿಕಾದ ಅಧ್ಯಕ್ಷರು ಸಕಾರಾತ್ಮಕವಾಗಿ ಮಾತನಾಡಿದ್ದರೂ, ವಲಸೆಯ ಬಗ್ಗೆ ಸರ್ಕಾರದ ನೀತಿಗಳು ಆತಂಕವನ್ನುಂಟುಮಾಡುತ್ತಿವೆ. ಕೌಶಲ್ಯ ಆಧಾರಿತ ವೀಸಾಗಳ ರದ್ದತಿಯ ದರವು 15% ವರೆಗೆ ಏರಿಕೆಯಾಗಿದೆ. ಮುಂದಿನ ದಿನಗಳಲ್ಲಿ ಇದು ಇನ್ನಷ್ಟು ಹೆಚ್ಚಾಗಬಹುದು ಎಂದು ವಲಸೆ ಕಾನೂನು ಕಂಪನಿಗಳು ಎಚ್ಚರಿಕೆ ನೀಡುತ್ತಿವೆ.

ಅಮೆರಿಕಾದಲ್ಲಿ ಜನಿಸಿದ ಮಕ್ಕಳಿಗೆ ಪೌರತ್ವ ನೀಡುವ ಬಗ್ಗೆ ತನಿಖೆಗಳು ನಡೆಯುತ್ತಿವೆ. ಇದು ವಲಸಿಗರಲ್ಲಿ ಮತ್ತಷ್ಟು ಭಯ ಮೂಡಿಸಿದೆ.

ಇತ್ತೀಚೆಗೆ ಜಾರಿಗೆ ತರಲಾದ ಹೊಸ ಬಿಲ್‌ಗಳೊಂದಿಗೆ USCIS ಅಧಿಕಾರಿಗಳು ಪ್ರತಿಯೊಂದು ವಿಷಯವನ್ನೂ ಸೂಕ್ಷ್ಮವಾಗಿ ಪರಿಶೀಲಿಸುತ್ತಿದ್ದಾರೆ. ಅನುಮಾನ ಬಂದವರನ್ನು ಮತ್ತೆ ಅವರ ದೇಶಕ್ಕೆ ಕಳುಹಿಸುತ್ತಿದ್ದಾರೆ. ತವರಿಗೆ ಹೋದ ಬಳಿಕ ಮತ್ತೆ ಅಮೆರಿಕಾಕ್ಕೆ ಬಂದಾಗ ವಲಸೆ ಅಧಿಕಾರಿಗಳು ಅನುಮತಿ ನೀಡದಿರಬಹುದೆಂಬ ಭಯ ಅವರಿಗೆ ಇದೆ. ಟ್ವಿಟರ್, ರೆಡ್ಡಿಟ್, ಲಿಂಕ್ಡ್‌ಇನ್‌ನಂತಹ ಸಾಮಾಜಿಕ ಜಾಲತಾಣಗಳಲ್ಲಿ ಸಾವಿರಾರು ತೆಲುಗು ವಿದ್ಯಾರ್ಥಿಗಳು ತಮ್ಮ ಅನುಭವಗಳನ್ನು ಹಂಚಿಕೊಳ್ಳುತ್ತಿರುವುದು ಇದಕ್ಕೆ ಸಾಕ್ಷಿಯಾಗಿದೆ.

ಉದ್ಯೋಗ ಭದ್ರತೆಯ ಮೇಲಿನ ಪರಿಣಾಮ.

ವೀಸಾ ಅನುಮತಿಗಳು ವಿಳಂಬವಾದರೆ ಕಂಪನಿಗೆ ರಿಪೋರ್ಟ್​ ಮಾಡಲಾಗದು, ರಿಮೋಟ್‌ನಿಂದಲೂ ಕೆಲಸ ಮಾಡಲಾಗದು. ಈ ಪರಿಸ್ಥಿತಿಗಳಲ್ಲಿ ಕೆಲವು ಕಂಪನಿಗಳು ಉದ್ಯೋಗಿಗಳನ್ನು ತೆಗೆದುಹಾಕುವ ಸಾಧ್ಯತೆಯೂ ಏರಿಕೆಯಾಗಿದೆ. ಒಮ್ಮೆ ಭಾರತಕ್ಕೆ ಹೋಗಿ ಮತ್ತೆ ಬರಲಾಗದ ಸ್ಥಿತಿ ಒದಗಿದರೆ ಗ್ರೀನ್ ಕಾರ್ಡ್ ಪ್ರಕ್ರಿಯೆ ಸಂಪೂರ್ಣವಾಗಿ ರದ್ದಾಗಬಹುದೆಂಬ ಭಯವೂ ಅವರನ್ನು ಕಾಡುತ್ತಿದೆ.

ಈ ಭಯಕ್ಕೆ ಯಾವಾಗ ಅಂತ್ಯ?

ಇದು ಇಷ್ಟಕ್ಕೆ ನಿಲ್ಲುವುದಿಲ್ಲ. ಮಕ್ಕಳ ಪೌರತ್ವ ಭದ್ರತೆ, ಗ್ರೀನ್ ಕಾರ್ಡ್ ಪ್ರಕ್ರಿಯೆಯನ್ನು ನಿಲ್ಲಿಸಬಹುದೆಂಬ ಭೀತಿ, ಉದ್ಯೋಗ ಕಳೆದುಕೊಳ್ಳಬಹುದೆಂಬ ಆತಂಕ—ಇವೆಲ್ಲವೂ ಒಟ್ಟಾಗಿ ತೆಲುಗು ವಿದ್ಯಾರ್ಥಿಗಳು ಮತ್ತು ಉದ್ಯೋಗಿಗಳ ಮಾನಸಿಕ ಸ್ಥಿತಿ ಹಾಳುಮಾಡುತ್ತಿವೆ.

ವೀಸಾ, ವಲಸೆ, ನಾಗರಿಕತ್ವ ವ್ಯವಸ್ಥೆಗಳ ಬಗ್ಗೆ ವಲಸಿಗರು ವಿಶ್ವಾಸ ಕಳೆದುಕೊಳ್ಳುತ್ತಿದ್ದಾರೆ. ಈಗ ಒಂದೇ ಒಂದು ಪ್ರಶ್ನೆ ಅವರನ್ನು ಕಾಡುತ್ತಿದೆ: "ಭಾರತಕ್ಕೆ ಹೋದರೆ... ಮತ್ತೆ ಬರಬಹುದೇ?" ವಲಸಿಗರು ಭಯಪಡುವಂತಹ ಪರಿಸ್ಥಿತಿಯನ್ನು ಸಾಮಾನ್ಯ ಸಮಸ್ಯೆಯೆಂದು ನೋಡಬಾರದು. ವಿದ್ಯಾರ್ಥಿಗಳು, ಉದ್ಯೋಗಿಗಳಷ್ಟೇ ಅಲ್ಲ. ಈ ಸಾಲಿನಲ್ಲಿ ಭವಿಷ್ಯದ ವಿಜ್ಞಾನಿಗಳು, ಸಾಮಾಜಿಕ ಬದಲಾವಣೆಯನ್ನು ತರುವ ನಾಯಕರು ಇರಬಹುದು.

ಇದು ವೀಸಾಗಳ ಕಥೆಯಲ್ಲ. ಇದು ಕನಸುಗಳ ಕಥೆ. ಆ ಕನಸುಗಳನ್ನು ಉಳಿಸಿಕೊಳ್ಳಬೇಕು ಎಂದು ಅಮೆರಿಕಾದ ಬೆಳವಣಿಗೆಗಳನ್ನು ಗಮನವಿಟ್ಟು ವೀಕ್ಷಿಸುತ್ತಿರುವ ವಿಶ್ಲೇಷಕರು ಹೇಳುತ್ತಿದ್ದಾರೆ.