ಭಾರತದೊಂದಿಗಿನ ಸಮಸ್ಯೆ ಪರಿಹಾರಕ್ಕೆ ‘ಶಾಂತಿಯುತ ಮಾತುಕತೆ’ ಉತ್ತಮ ಎಂದ ಪಾಕ್ ಪ್ರಧಾನಿ
ಶನಿವಾರ (ಮೇ 10) ಭಾರತ ಮತ್ತು ಪಾಕಿಸ್ತಾನ ಎಲ್ಲಾ ಗುಂಡಿನ ದಾಳಿ ಮತ್ತು ಸೈನಿಕ ಕಾರ್ಯಾಚರಣೆಗಳನ್ನು ತಕ್ಷಣದಿಂದ ನಿಲ್ಲಿಸಲು ಆ ಮಾಡಿದ ಒಪ್ಪಂದವನ್ನು ಪಾಕಿಸ್ತಾನವು ಪ್ರಾದೇಶಿಕ ಶಾಂತಿಯ ದೃಷ್ಟಿಯಿಂದ ಸಕಾರಾತ್ಮಕವಾಗಿ ಸ್ವಾಗತಿಸುತ್ತದೆ ಎಂದು ಶರೀಫ್ ಹೇಳಿದ್ದಾರೆ.;
ಪಾಕಿಸ್ತಾನದ ಪ್ರಧಾನಮಂತ್ರಿ ಶೆಹಬಾಜ್ ಶರೀಫ್ ಅವರು ಭಾನುವಾರ ರಾಷ್ಟ್ರವನ್ನುದ್ದೇಶಿಸಿ ಮಾತನಾಡಿ, ಭಾರತದೊಂದಿಗಿನ ದೀರ್ಘಕಾಲದ ಸಮಸ್ಯೆಗಳಾದ ಜಲ ವಿವಾದ ಮತ್ತು ಕಾಶ್ಮೀರ ವಿಷಯವನ್ನು ಬಗೆಹರಿಸಲು "ಶಾಂತಿಯುತ ಮಾತುಕತೆಯ ಮಾರ್ಗ"ವನ್ನು ಅನುಸರಿಸಬೇಕಾದ ಅಗತ್ಯವನ್ನು ಪ್ರತಿಪಾದಿಸಿದ್ದಾರೆ.
ಭಾರತ ಮತ್ತು ಪಾಕಿಸ್ತಾನದ ಪಡೆಗಳ ನಡುವೆ ಇತ್ತೀಚೆಗೆ ನಡೆದ ನಾಲ್ಕು ದಿನಗಳ ತೀವ್ರ ಸಂಘರ್ಷದ ಸಂದರ್ಭದಲ್ಲಿ ದೇಶದ ರಾಜಕೀಯ ನಾಯಕರು, ಒಕ್ಕೂಟದ ಪಾಲುದಾರರು ಮತ್ತು ವಿರೋಧ ಪಕ್ಷಗಳು ಪ್ರದರ್ಶಿಸಿದ "ಮಾದರಿಯಾದ ಏಕತೆ ಮತ್ತು ಸಮಗ್ರತೆ"ಗಾಗಿ ಶರೀಫ್ ಅವರು ಕೃತಜ್ಞತೆ ಸಲ್ಲಿಸಿದ್ದಾರೆ.
ಶನಿವಾರ (ಮೇ 10, 2025) ಭಾರತ ಮತ್ತು ಪಾಕಿಸ್ತಾನ ಎಲ್ಲಾ ಗುಂಡಿನ ದಾಳಿ ಮತ್ತು ಸೈನಿಕ ಕಾರ್ಯಾಚರಣೆಗಳನ್ನು ತಕ್ಷಣದಿಂದ ನಿಲ್ಲಿಸಲು ಆ ಮಾಡಿದ ಒಪ್ಪಂದವನ್ನು ಪಾಕಿಸ್ತಾನವು ಪ್ರಾದೇಶಿಕ ಶಾಂತಿಯ ದೃಷ್ಟಿಯಿಂದ ಸಕಾರಾತ್ಮಕವಾಗಿ ಸ್ವಾಗತಿಸುತ್ತದೆ ಎಂದು ಶರೀಫ್ ಹೇಳಿದ್ದಾರೆ.
ಭಾರತ ಮತ್ತು ಪಾಕಿಸ್ತಾನದ ನಡುವಿನ ಉದ್ವಿಗ್ನತೆಯನ್ನು ಕಡಿಮೆ ಮಾಡಲು ಸಹಾಯ ಮಾಡಿದ ಅಂತಾರಾಷ್ಟ್ರೀಯ ರಾಜತಾಂತ್ರಿಕ ಪ್ರಯತ್ನಗಳಿಗಾಗಿ ಅವರು ಯುಎಸ್, ಯುಕೆ, ಟರ್ಕಿಯೆ, ಸೌದಿ ಅರೇಬಿಯಾ, ಕತಾರ್, ಯುಎಇ, ಮತ್ತು ಯುಎನ್ ಮಹಾಕಾರ್ಯದರ್ಶಿ ಆಂಟೋನಿಯೊ ಗುಟೆರಸ್ ಸೇರಿದಂತೆ ಎಲ್ಲಾ ಸ್ನೇಹಪರ ದೇಶಗಳಿಗೆ ಕೃತಜ್ಞತೆ ಸಲ್ಲಿಸಿದರು. ವಿಶೇಷವಾಗಿ, ಈ "ಅಶಾಂತಿಯ ಸಮಯದಲ್ಲಿ " ಪಾಕಿಸ್ತಾನದ ಜೊತೆ ನಿಂತ ತನ್ನ ಸ್ನೇಹಿತ ಚೀನಾದ ಪ್ರಯತ್ನಗಳು ಮತ್ತು ಬೆಂಬಲವನ್ನು ಶರೀಫ್ ಉಲ್ಲೇಖಿಸಿದರು.
ಭಾರತದೊಂದಿಗಿನ ಈ ಒಪ್ಪಂದವನ್ನು ರಾಷ್ಟ್ರ ಮತ್ತು ಪಾಕಿಸ್ತಾನದ ಸೈನ್ಯದ "ಯಶಸ್ಸು" ಎಂದು ಶರೀಫ್ ವರ್ಣಿಸಿದರು. ಪಾಕಿಸ್ತಾನದ ಸೈನ್ಯದ "ಆಪರೇಷನ್ ಬುನಿಯಾನ್-ಉನ್-ಮಾರ್ಸೂಸ್" ಯಶಸ್ವಿಯಾಗಿದೆ ಮತ್ತು ಭಾರತದ ಕ್ರಮಗಳಿಗೆ ವೃತ್ತಿಪರ ರೀತಿಯಲ್ಲಿ ಪ್ರತಿಕ್ರಿಯಿಸಲಾಗಿದೆ ಎಂದು ರೇಡಿಯೊ ಪಾಕಿಸ್ತಾನದ ವರದಿಯನ್ನು ಉಲ್ಲೇಖಿಸಿ ಅವರು ಹೇಳಿದರು.
ಪಾಹಲ್ಗಾಮ್ ದಾಳಿಯ ಬಗ್ಗೆ ವಿಶ್ವಾಸಾರ್ಹ ಮತ್ತು ಪಾರದರ್ಶಕ ತನಿಖೆಗೆ ಸೇರಲು ಪಾಕಿಸ್ತಾನ ಸಿದ್ಧವಿತ್ತು, ಆದರೆ ದೆಹಲಿಯಿಂದ ಸಕಾರಾತ್ಮಕ ಪ್ರತಿಕ್ರಿಯೆ ಬಂದಿಲ್ಲ ಎಂದು ಶರೀಫ್ ಪ್ರಸ್ತಾಪಿಸಿದರು.
ಈ ಒಪ್ಪಂದವನ್ನು "ವಿಜಯ" ಎಂದು ಕರೆದು, ಇಡೀ ರಾಷ್ಟ್ರ ಮತ್ತು ಸೈನ್ಯವನ್ನು ಅಭಿನಂದಿಸಿದ ಪ್ರಧಾನಮಂತ್ರಿ ಶರೀಫ್, ಭಾರತದ ಕ್ರಮಗಳಿಗೆ "ಸೂಕ್ತ ಪ್ರತಿಕ್ರಿಯೆ" ನೀಡಿದ್ದಕ್ಕಾಗಿ ಭಾನುವಾರ (ಮೇ 11, 2025) ಅನ್ನು ಪಾಕಿಸ್ತಾನದಲ್ಲಿ "ಯೌಮ್-ಎ-ತಶಕ್ಕುರ್" (ಕೃತಜ್ಞತೆಯ ದಿನ) ಎಂದು ಆಚರಿಸಲಾಗುವುದು ಎಂದು ಘೋಷಿಸಿದರು. ಈ ಯಶಸ್ಸಿಗಾಗಿ ಅಲ್ಲಾಹನಿಗೆ ಕೃತಜ್ಞತೆ ಸಲ್ಲಿಸುತ್ತೇವೆ ಎಂದು ಹೇಳಿದ ಅವರು, ಈ ದಿನವು ಪಾಕಿಸ್ತಾನ ಸೈನ್ಯದ ಶೌರ್ಯಕ್ಕೆ ಗೌರವ ಸಲ್ಲಿಸುವ ದಿನವಾಗಿದೆ ಎಂದರು. "ಆಪರೇಷನ್ ಬನಿಯಾನ್ ಮಾರ್ಸೂಸ್" ಅಡಿಯಲ್ಲಿ ಪಾಕಿಸ್ತಾನದ ಸೈನ್ಯವು ಭಾರತದ ಸೈನಿಕ ಕ್ರಮಗಳಿಗೆ "ಸಂಪೂರ್ಣ ಪ್ರತಿಕ್ರಿಯೆ" ನೀಡಿದೆ ಎಂದು ಅವರು ಪುನರುಚ್ಚರಿಸಿದರು.