ರಾಜ್ಯ ಪೊಲೀಸ್ ಇಲಾಖೆಯಲ್ಲಿ ಮಹತ್ವದ ಸರ್ಜರಿ: 34 ಐಪಿಎಸ್ ಅಧಿಕಾರಿಗಳ ವರ್ಗಾವಣೆ

ರಾಜ್ಯದಲ್ಲಿ ಕಾನೂನು ಸುವ್ಯವಸ್ಥೆ ಮತ್ತು ಆಡಳಿತ ಸುಧಾರಣೆಯ ಭಾಗವಾಗಿ, ಕರ್ನಾಟಕ ಸರ್ಕಾರವು ಒಟ್ಟು 34 ಐಪಿಎಸ್ ಅಧಿಕಾರಿಗಳನ್ನು ವರ್ಗಾವಣೆಗೊಳಿಸಿ ಆದೇಶ ಹೊರಡಿಸಿದೆ. ಅಪರಾಧ, ಸಂಚಾರ ಸೇರಿದಂತೆ ಬೆಂಗಳೂರಿನ ವಿವಿಧ ವಿಭಾಗಗಳಲ್ಲಿಯೂ ವ್ಯಾಪಕ ಬದಲಾವಣೆಗಳು ನಡೆದಿವೆ. ಪ್ರತಿಪಕ್ಷಗಳಿಂದ ಕಾನೂನು ಸುವ್ಯವಸ್ಥೆಯ ಕುರಿತು ನಿರಂತರ ಆರೋಪಗಳು ಕೇಳಿಬರುತ್ತಿರುವ ಹಾಗೂ ರಾಜ್ಯದ ಜೈಲುಗಳಲ್ಲಿ ನಡೆಯುತ್ತಿರುವ ಅಕ್ರಮಗಳ ಸರಣಿ ವರದಿಗಳ ನಡುವೆಯೇ ಈ ಬೃಹತ್ ವರ್ಗಾವಣೆ ನಡೆದಿದ್ದು, ಪೊಲೀಸ್ ಇಲಾಖೆಯಲ್ಲಿ ಹೊಸ ಸಂಚಲನ ಮೂಡಿಸಿದೆ.

ಈ ವರ್ಗಾವಣೆಗಳು ಕೇವಲ ಆಡಳಿತಾತ್ಮಕ ಬದಲಾವಣೆಯಲ್ಲದೆ, ಇತ್ತೀಚಿನ ಸವಾಲುಗಳಿಗೆ ರಾಜ್ಯ ಸರ್ಕಾರ ನೀಡುತ್ತಿರುವ ಗಂಭೀರ ಪ್ರತಿಕ್ರಿಯೆ ಎಂದು ವಿಶ್ಲೇಷಿಸಲಾಗಿದೆ. ವಿಶೇಷವಾಗಿ, ಇತ್ತೀಚೆಗೆ ಬೆಂಗಳೂರಿನ ಚಿನ್ನಸ್ವಾಮಿ ಸ್ಟೇಡಿಯಂನಲ್ಲಿ ಆರ್‌ಸಿಬಿ ವಿಜಯೋತ್ಸವದ ವೇಳೆ ಸಂಭವಿಸಿದ್ದ ಕಾಲ್ತುಳಿತದ ಘಟನೆಯ ನಂತರ ಕೆಲವು ಐಪಿಎಸ್ ಅಧಿಕಾರಿಗಳನ್ನು ವರ್ಗಾವಣೆ ಮಾಡಲಾಗಿತ್ತು. ಆ ಘಟನೆಯ ಬೆನ್ನಲ್ಲೇ ಈಗ ಇಂತಹ ದೊಡ್ಡ ಮಟ್ಟದ ವರ್ಗಾವಣೆ ಮಾಡಲಾಗಿದೆ.

ಪ್ರಮುಖ ವರ್ಗಾವಣೆಗಳು. ಹೊಸ ಜವಾಬ್ದಾರಿಗಳು:

ಈ ವರ್ಗಾವಣೆಯಲ್ಲಿ ಯುವ ಮತ್ತು ಅನುಭವಿ ಅಧಿಕಾರಿಗಳಿಗೆ ಮಹತ್ವದ ಜವಾಬ್ದಾರಿಗಳನ್ನು ವಹಿಸಲಾಗಿದೆ. ಅಕ್ಷಯ್ ಮಚೀಂದ್ರ ಅವರನ್ನು ಬೆಂಗಳೂರು ಕೇಂದ್ರ ವಿಭಾಗದ ಡಿಸಿಪಿಯನ್ನಾಗಿ ನೇಮಿಸಲಾಗಿದ್ದು, ಅಜಯ್ ಹಿಲೋರಿ ಅವರು ಅಪರಾಧ ವಿಭಾಗದ ಜಂಟಿ ಪೊಲೀಸ್ ಆಯುಕ್ತರಾಗಿ ಅಧಿಕಾರ ವಹಿಸಿಕೊಳ್ಳಲಿದ್ದಾರೆ. ವೈಟ್‌ಫೀಲ್ಡ್ ವಿಭಾಗಕ್ಕೆ ಪರಶುರಾಮ್ ಡಿಸಿಪಿಯಾಗಿ ನಿಯುಕ್ತರಾಗಿದ್ದರೆ, ಕಾರ್ತಿಕ್ ರೆಡ್ಡಿ ಬೆಂಗಳೂರು ಸಂಚಾರ ವಿಭಾಗದ ಜಂಟಿ ಪೊಲೀಸ್ ಆಯುಕ್ತರಾಗಿದ್ದಾರೆ. ಅನೂಪ್ ಶೆಟ್ಟಿ ಅವರಿಗೆ ಬೆಂಗಳೂರು ಪಶ್ಚಿಮ ವಿಭಾಗದ ಸಂಚಾರ ಡಿಸಿಪಿ ಜವಾಬ್ದಾರಿ ವಹಿಸಲಾಗಿದೆ.

ಲೋಕಾಯುಕ್ತ ಎಸ್‌ಪಿಯಾಗಿ ಶಿವಪ್ರಕಾಶ್ ದೇವರಾಜು ನೇಮಕಗೊಂಡರೆ, ಜಯಪ್ರಕಾಶ್ ಬೆಂಗಳೂರು ಉತ್ತರ ಸಂಚಾರ ವಿಭಾಗದ ಡಿಸಿಪಿಯಾಗಿ, ಎಂ. ನಾರಾಯಣ್ ಎಲೆಕ್ಟ್ರಾನಿಕ್ ಸಿಟಿ ವಿಭಾಗದ ಡಿಸಿಪಿಯಾಗಿ ಕಾರ್ಯನಿರ್ವಹಿಸಲಿದ್ದಾರೆ. ಅನಿತಾ. ಬಿ ಹದ್ದಣ್ಣನವರ್ ಬೆಂಗಳೂರು ಆಗ್ನೇಯ ವಿಭಾಗದ ಡಿಸಿಪಿಯಾಗಿದ್ದಾರೆ. ಸಿಐಡಿ ಎಸ್‌ಪಿಯಾಗಿ ಸೈದಲು ಅಡಾವತ್ ಅವರನ್ನು ವರ್ಗಾವಣೆ ಮಾಡಲಾಗಿದ್ದು, ಬೆಂಗಳೂರು ಉತ್ತರ ವಿಭಾಗದ ಡಿಸಿಪಿಯಾಗಿ ಬಾಬಾ ಸಾಬ್ ನ್ಯಾಮಗೌಡ ಬಂದಿದ್ದಾರೆ. ನಾಗೇಶ್ ಅವರು ಬೆಂಗಳೂರು ವಾಯುವ್ಯ ವಿಭಾಗದ ಡಿಸಿಪಿ ಜವಾಬ್ದಾರಿ ವಹಿಸಿಕೊಂಡರೆ, ಬೆಂಗಳೂರು ಸಿಸಿಬಿ ಡಿಸಿಪಿಯಾಗಿ ಶ್ರೀಹರಿ ಬಾಬು ನೇಮಕಗೊಂಡಿದ್ದಾರೆ. ಸಿಎಆರ್ ಹೆಡ್‌ಕ್ವಾರ್ಟರ್ಸ್ ಡಿಸಿಪಿಯಾಗಿ ಸೌಮ್ಯಲತಾ, ನೇಮಕಾತಿ ವಿಭಾಗದ ಡಿಐಜಿಯಾಗಿ ಎಂ.ಎನ್. ಅನುಚೇತ್ ಅವರನ್ನು ವರ್ಗಾಯಿಸಲಾಗಿದೆ.

ಪ್ರಾದೇಶಿಕವಾಗಿಯೂ ಹಲವು ಬದಲಾವಣೆಗಳಾಗಿವೆ. ಬಳ್ಳಾರಿ ವಲಯದ ಡಿಐಜಿಯಾಗಿ ವರ್ತಿಕಾ ಕಟೀಯಾರ್, ಗುಪ್ತಚರ ಇಲಾಖೆಯ ಎಸ್‌ಪಿಯಾಗಿ ಶಾಂತರಾಜು, ರಾಜ್ಯ ಅಪರಾಧ ದಾಖಲೆ ವಿಭಾಗದ ಎಸ್‌ಪಿಯಾಗಿ ಸಿರಿಗೌರಿ ನಿಯುಕ್ತರಾಗಿದ್ದಾರೆ. ಇಂಟಲಿಜೆನ್ಸ್ ಡಿಸಿಪಿಯಾಗಿ ಸುಮನ್.ಡಿ ಪೆನ್ನೆಕರ್, ದಕ್ಷಿಣ ವಿಭಾಗ ಸಂಚಾರ ಡಿಸಿಪಿಯಾಗಿ ಸಿಮಿ ಮರೀಯ ಜಾರ್ಜ್‌ ಬಂದಿದ್ದಾರೆ. ಕೆಎಸ್‌ಆರ್‌ಪಿ ಫಸ್ಟ್ ಬೆಟಾಲಿಯನ್ ಕಮಾಂಡೆಂಟ್ ಆಗಿ ವೈ. ಅಮರನಾಥ್, ಹಾವೇರಿ ಎಸ್‌ಪಿಯಾಗಿ ಯಶೋಧ ವಟ್ಟಗೋಡಿ, ಧಾರವಾಡ ಎಸ್‌ಪಿಯಾಗಿ ಗುಂಜನ್ ಅರ್ಯಾ ವರ್ಗಾವಣೆಗೊಂಡಿದ್ದಾರೆ.

ಎಫ್‌ಎಸ್‌ಎಲ್ ಬೆಂಗಳೂರಿನ ಜಂಟಿ ನಿರ್ದೇಶಕರಾಗಿ ಎಂ. ಗೋಪಾಲ್, ಬಾಗಲಕೋಟೆ ಎಸ್‌ಪಿಯಾಗಿ ಸಿದ್ಧಾರ್ಥ ಗೋಯಲ್, ಗದಗ ಎಸ್‌ಪಿಯಾಗಿ ರೋಹನ್ ಜಗದೀಶ್, ಕೆಜಿಎಫ್ ಎಸ್‌ಪಿಯಾಗಿ ಶಿವಾಂಶು ರಜಪೂತ ನೇಮಕವಾಗಿದ್ದಾರೆ. ಮಂಗಳೂರು ನಗರದ ಕಾನೂನು ಸುವ್ಯವಸ್ಥೆ ಡಿಸಿಪಿಯಾಗಿ ಜಿತೇಂದ್ರ ಕುಮಾರ್, ಉತ್ತರ ಕನ್ನಡ ಎಸ್‌ಪಿಯಾಗಿ ಎಂ.ಎನ್. ದೀಪನ್, ವಿಜಯನಗರ ಎಸ್‌ಪಿಯಾಗಿ ಎಸ್. ಜಾನವಿ ಅಧಿಕಾರ ವಹಿಸಿಕೊಳ್ಳಲಿದ್ದಾರೆ. ಕೊನೆಯದಾಗಿ, ಈಶಾನ್ಯ ಕಲಬುರಗಿಯ ಐಜಿಪಿಯಾಗಿ ಚಂದ್ರಗುಪ್ತ ಮತ್ತು ಬೆಂಗಳೂರು ಪೊಲೀಸ್ ಹೆಡ್‌ಕ್ವಾರ್ಟರ್ಸ್‌ನ ಡಿಐಜಿಯಾಗಿ ಇಡಾ ಮಾರ್ಟಿನ್ ಮಾರ್ಬಾನಿಯಾಂಗ್ ಅವರನ್ನು ವರ್ಗಾಯಿಸಲಾಗಿದೆ.

ವರ್ಗಾವಣೆಯ ಹಿಂದಿನ ಲೆಕ್ಕಾಚಾರ: ಭದ್ರತೆ ಮತ್ತು ಸುಧಾರಣೆ

ಈ ಬೃಹತ್ ವರ್ಗಾವಣೆಯು ರಾಜ್ಯದಲ್ಲಿ ಕಾನೂನು ಸುವ್ಯವಸ್ಥೆಯನ್ನು ಇನ್ನಷ್ಟು ಬಲಪಡಿಸುವ ಸರ್ಕಾರದ ಆಶಯವಿದೆ ಎನ್ನಲಾಗಿದೆ. ಪ್ರತಿಪಕ್ಷಗಳು ಮತ್ತು ಸಾರ್ವಜನಿಕ ವಲಯದಿಂದ ವ್ಯಕ್ತವಾಗಿದ್ದ ಟೀಕೆಗಳನ್ನು ಸರ್ಕಾರ ಗಂಭೀರವಾಗಿ ಪರಿಗಣಿಸಿದೆ. ಜೈಲುಗಳಲ್ಲಿನ ಅಕ್ರಮಗಳು, ಅಪರಾಧ ನಿಯಂತ್ರಣದಲ್ಲಿನ ಸವಾಲುಗಳು ಮತ್ತು ರಾಜಧಾನಿಯಲ್ಲಿನ ಸಂಚಾರ ದಟ್ಟಣೆಯ ಪರಿಣಾಮಕಾರಿ ನಿರ್ವಹಣೆಯತ್ತ ಸರ್ಕಾರ ಗಮನ ಸೆಳೆದಿದೆ ಎನ್ನಲಾಗಿದೆ. 

ಈ ವರ್ಗಾವಣೆಗಳು ಕೇವಲ ಆಡಳಿತಾತ್ಮಕ ಬದಲಾವಣೆಯಲ್ಲದೆ, ಇತ್ತೀಚಿನ ಸವಾಲುಗಳಿಗೆ ರಾಜ್ಯ ಸರ್ಕಾರ ನೀಡುತ್ತಿರುವ ಗಂಭೀರ ಪ್ರತಿಕ್ರಿಯೆ ಎಂದು ವಿಶ್ಲೇಷಿಸಲಾಗಿದೆ. ವಿಶೇಷವಾಗಿ, ಇತ್ತೀಚೆಗೆ ಬೆಂಗಳೂರಿನ ಚಿನ್ನಸ್ವಾಮಿ ಸ್ಟೇಡಿಯಂನಲ್ಲಿ ಆರ್‌ಸಿಬಿ ವಿಜಯೋತ್ಸವದ ವೇಳೆ ಸಂಭವಿಸಿದ್ದ ಕಾಲ್ತುಳಿತದ ಘಟನೆಯ ನಂತರ ಕೆಲವು ಐಪಿಎಸ್ ಅಧಿಕಾರಿಗಳನ್ನು ವರ್ಗಾವಣೆ ಮಾಡಲಾಗಿತ್ತು. ಆ ಘಟನೆಯ ಬೆನ್ನಲ್ಲೇ ಈಗ ಇಂತಹ ದೊಡ್ಡ ಮಟ್ಟದ ವರ್ಗಾವಣೆ ಮಾಡಲಾಗಿದೆ.

ಪ್ರಮುಖ ವರ್ಗಾವಣೆಗಳು. ಹೊಸ ಜವಾಬ್ದಾರಿಗಳು

ಈ ವರ್ಗಾವಣೆಯಲ್ಲಿ ಯುವ ಮತ್ತು ಅನುಭವಿ ಅಧಿಕಾರಿಗಳಿಗೆ ಮಹತ್ವದ ಜವಾಬ್ದಾರಿಗಳನ್ನು ವಹಿಸಲಾಗಿದೆ. ಅಕ್ಷಯ್ ಮಚೀಂದ್ರ ಅವರನ್ನು ಬೆಂಗಳೂರು ಕೇಂದ್ರ ವಿಭಾಗದ ಡಿಸಿಪಿಯನ್ನಾಗಿ ನೇಮಿಸಲಾಗಿದ್ದು, ಅಜಯ್ ಹಿಲೋರಿ ಅವರು ಅಪರಾಧ ವಿಭಾಗದ ಜಂಟಿ ಪೊಲೀಸ್ ಆಯುಕ್ತರಾಗಿ ಅಧಿಕಾರ ವಹಿಸಿಕೊಳ್ಳಲಿದ್ದಾರೆ. ವೈಟ್‌ಫೀಲ್ಡ್ ವಿಭಾಗಕ್ಕೆ ಪರಶುರಾಮ್ ಡಿಸಿಪಿಯಾಗಿ ನಿಯುಕ್ತರಾಗಿದ್ದರೆ, ಕಾರ್ತಿಕ್ ರೆಡ್ಡಿ ಬೆಂಗಳೂರು ಸಂಚಾರ ವಿಭಾಗದ ಜಂಟಿ ಪೊಲೀಸ್ ಆಯುಕ್ತರಾಗಿದ್ದಾರೆ. ಅನೂಪ್ ಶೆಟ್ಟಿ ಅವರಿಗೆ ಬೆಂಗಳೂರು ಪಶ್ಚಿಮ ವಿಭಾಗದ ಸಂಚಾರ ಡಿಸಿಪಿ ಜವಾಬ್ದಾರಿ ವಹಿಸಲಾಗಿದೆ.

ಲೋಕಾಯುಕ್ತ ಎಸ್‌ಪಿಯಾಗಿ ಶಿವಪ್ರಕಾಶ್ ದೇವರಾಜು ನೇಮಕಗೊಂಡರೆ, ಜಯಪ್ರಕಾಶ್ ಬೆಂಗಳೂರು ಉತ್ತರ ಸಂಚಾರ ವಿಭಾಗದ ಡಿಸಿಪಿಯಾಗಿ, ಎಂ. ನಾರಾಯಣ್ ಎಲೆಕ್ಟ್ರಾನಿಕ್ ಸಿಟಿ ವಿಭಾಗದ ಡಿಸಿಪಿಯಾಗಿ ಕಾರ್ಯನಿರ್ವಹಿಸಲಿದ್ದಾರೆ. ಅನಿತಾ. ಬಿ ಹದ್ದಣ್ಣನವರ್ ಬೆಂಗಳೂರು ಆಗ್ನೇಯ ವಿಭಾಗದ ಡಿಸಿಪಿಯಾಗಿದ್ದಾರೆ. ಸಿಐಡಿ ಎಸ್‌ಪಿಯಾಗಿ ಸೈದಲು ಅಡಾವತ್ ಅವರನ್ನು ವರ್ಗಾವಣೆ ಮಾಡಲಾಗಿದ್ದು, ಬೆಂಗಳೂರು ಉತ್ತರ ವಿಭಾಗದ ಡಿಸಿಪಿಯಾಗಿ ಬಾಬಾ ಸಾಬ್ ನ್ಯಾಮಗೌಡ ಬಂದಿದ್ದಾರೆ. ನಾಗೇಶ್ ಅವರು ಬೆಂಗಳೂರು ವಾಯುವ್ಯ ವಿಭಾಗದ ಡಿಸಿಪಿ ಜವಾಬ್ದಾರಿ ವಹಿಸಿಕೊಂಡರೆ, ಬೆಂಗಳೂರು ಸಿಸಿಬಿ ಡಿಸಿಪಿಯಾಗಿ ಶ್ರೀಹರಿ ಬಾಬು ನೇಮಕಗೊಂಡಿದ್ದಾರೆ. ಸಿಎಆರ್ ಹೆಡ್‌ಕ್ವಾರ್ಟರ್ಸ್ ಡಿಸಿಪಿಯಾಗಿ ಸೌಮ್ಯಲತಾ, ನೇಮಕಾತಿ ವಿಭಾಗದ ಡಿಐಜಿಯಾಗಿ ಎಂ.ಎನ್. ಅನುಚೇತ್ ಅವರನ್ನು ವರ್ಗಾಯಿಸಲಾಗಿದೆ.

ಪ್ರಾದೇಶಿಕವಾಗಿಯೂ ಹಲವು ಬದಲಾವಣೆಗಳಾಗಿವೆ. ಬಳ್ಳಾರಿ ವಲಯದ ಡಿಐಜಿಯಾಗಿ ವರ್ತಿಕಾ ಕಟೀಯಾರ್, ಗುಪ್ತಚರ ಇಲಾಖೆಯ ಎಸ್‌ಪಿಯಾಗಿ ಶಾಂತರಾಜು, ರಾಜ್ಯ ಅಪರಾಧ ದಾಖಲೆ ವಿಭಾಗದ ಎಸ್‌ಪಿಯಾಗಿ ಸಿರಿಗೌರಿ ನಿಯುಕ್ತರಾಗಿದ್ದಾರೆ. ಇಂಟಲಿಜೆನ್ಸ್ ಡಿಸಿಪಿಯಾಗಿ ಸುಮನ್.ಡಿ ಪೆನ್ನೆಕರ್, ದಕ್ಷಿಣ ವಿಭಾಗ ಸಂಚಾರ ಡಿಸಿಪಿಯಾಗಿ ಸಿಮಿ ಮರೀಯ ಜಾರ್ಜ್‌ ಬಂದಿದ್ದಾರೆ. ಕೆಎಸ್‌ಆರ್‌ಪಿ ಫಸ್ಟ್ ಬೆಟಾಲಿಯನ್ ಕಮಾಂಡೆಂಟ್ ಆಗಿ ವೈ. ಅಮರನಾಥ್, ಹಾವೇರಿ ಎಸ್‌ಪಿಯಾಗಿ ಯಶೋಧ ವಟ್ಟಗೋಡಿ, ಧಾರವಾಡ ಎಸ್‌ಪಿಯಾಗಿ ಗುಂಜನ್ ಅರ್ಯಾ ವರ್ಗಾವಣೆಗೊಂಡಿದ್ದಾರೆ.

ಎಫ್‌ಎಸ್‌ಎಲ್ ಬೆಂಗಳೂರಿನ ಜಂಟಿ ನಿರ್ದೇಶಕರಾಗಿ ಎಂ. ಗೋಪಾಲ್, ಬಾಗಲಕೋಟೆ ಎಸ್‌ಪಿಯಾಗಿ ಸಿದ್ಧಾರ್ಥ ಗೋಯಲ್, ಗದಗ ಎಸ್‌ಪಿಯಾಗಿ ರೋಹನ್ ಜಗದೀಶ್, ಕೆಜಿಎಫ್ ಎಸ್‌ಪಿಯಾಗಿ ಶಿವಾಂಶು ರಜಪೂತ ನೇಮಕವಾಗಿದ್ದಾರೆ. ಮಂಗಳೂರು ನಗರದ ಕಾನೂನು ಸುವ್ಯವಸ್ಥೆ ಡಿಸಿಪಿಯಾಗಿ ಜಿತೇಂದ್ರ ಕುಮಾರ್, ಉತ್ತರ ಕನ್ನಡ ಎಸ್‌ಪಿಯಾಗಿ ಎಂ.ಎನ್. ದೀಪನ್, ವಿಜಯನಗರ ಎಸ್‌ಪಿಯಾಗಿ ಎಸ್. ಜಾನವಿ ಅಧಿಕಾರ ವಹಿಸಿಕೊಳ್ಳಲಿದ್ದಾರೆ. ಕೊನೆಯದಾಗಿ, ಈಶಾನ್ಯ ಕಲಬುರಗಿಯ ಐಜಿಪಿಯಾಗಿ ಚಂದ್ರಗುಪ್ತ ಮತ್ತು ಬೆಂಗಳೂರು ಪೊಲೀಸ್ ಹೆಡ್‌ಕ್ವಾರ್ಟರ್ಸ್‌ನ ಡಿಐಜಿಯಾಗಿ ಇಡಾ ಮಾರ್ಟಿನ್ ಮಾರ್ಬಾನಿಯಾಂಗ್ ಅವರನ್ನು ವರ್ಗಾಯಿಸಲಾಗಿದೆ.

ಈ ಬೃಹತ್ ವರ್ಗಾವಣೆಯು ರಾಜ್ಯದಲ್ಲಿ ಕಾನೂನು ಸುವ್ಯವಸ್ಥೆಯನ್ನು ಇನ್ನಷ್ಟು ಬಲಪಡಿಸುವ ಸರ್ಕಾರದ ಆಶಯವಿದೆ ಎನ್ನಲಾಗಿದೆ. ಪ್ರತಿಪಕ್ಷಗಳು ಮತ್ತು ಸಾರ್ವಜನಿಕ ವಲಯದಿಂದ ವ್ಯಕ್ತವಾಗಿದ್ದ ಟೀಕೆಗಳನ್ನು ಸರ್ಕಾರ ಗಂಭೀರವಾಗಿ ಪರಿಗಣಿಸಿದೆ. ಜೈಲುಗಳಲ್ಲಿನ ಅಕ್ರಮಗಳು, ಅಪರಾಧ ನಿಯಂತ್ರಣದಲ್ಲಿನ ಸವಾಲುಗಳು ಮತ್ತು ರಾಜಧಾನಿಯಲ್ಲಿನ ಸಂಚಾರ ದಟ್ಟಣೆಯ ಪರಿಣಾಮಕಾರಿ ನಿರ್ವಹಣೆಯತ್ತ ಸರ್ಕಾರ ಗಮನ ಸೆಳೆದಿದೆ ಎನ್ನಲಾಗಿದೆ.