Karnataka Assembly live:ವಿಧಾನಸಭೆ ಕಲಾಪ ನಾಳೆಗೆ ಮುಂದೂಡಿಕೆ

ರಾಜ್ಯಪಾಲರು ಕೇಂದ್ರದ ಕೈಗೊಂಬೆಯಾಗಿ ಕರ್ತವ್ಯ: ಸಿಎಂ ಆರೋಪ

ಸದನದ ಭಾಷಣ ಓದದೇ ರಾಜ್ಯಪಾಲರು ಕೇವಲ ಒಂದು ಸಾಲು ತಾವೇ ಸಿದ್ಧಪಡಿಸಿದ ಭಾಷಣ ಓದಿ ಸಂವಿಧಾನ ವಿರೋಧ ನಡೆ ಅನುಸರಿಸಿದ್ದಾರೆ. ಕೇಂದ್ರ ಸರ್ಕಾರದ ಕೈಗೊಂಬೆಯಾಗಿ ಕರ್ತವ್ಯ ನಿರ್ವಹಿಸುತ್ತಿದ್ದು, ರಾಜ್ಯದ ಜನತೆಗೆ, ಜನಪ್ರತಿನಿಧಿಗಳಿಗೆ ಅವಮಾನ ಮಾಡಿದ್ದಾರೆ ಎಂದರು.  

ರಾಜ್ಯಪಾಲರಿಂದ ಕೇವಲ ಒಂದು ಸಾಲು ಭಾಷಣ: ಸಿಎಂ ಸಿದ್ದರಾಮಯ್ಯ

ರಾಜ್ಯಪಾಲರು ಸಚಿವ ಸಂಪುಟ ಸಿದ್ದಪಡಿಸಿದ ಭಾಷಣ ಓದದೇ ಕೇವಲ ಅವರೇ ಸಿದ್ಧಪಡಿಸಕೊಂಡು ಬಂಇದ್ದ ಕೇವಲ ಒಂದು ಸಾಲು ಭಾಷಣ ಮಾಡಿ ತೆರಳಿದ್ದು ಸಂವಿಧಾನಕ್ಕೆ ವಿರೋಧವಾಗಿದೆ ಎಂದರು. 

ರಾಜ್ಯಪಾಲರು ಭಾಷಣ ಮಾಡುವುದು ಕಡ್ಡಾಯ: ಸಿಎಂ

ಜಂಟಿ ಅಧಿವೇಶನ ಉದ್ದೇಶಿಸಿ ಸರ್ಕಾರ ಸಿದ್ದಪಡಿಸಿದ ಭಾಷಣ ಓದುವುದು ರಾಜ್ಯಪಾಲರ ಕರ್ತವ್ಯ. ಆದರೆ ರಾಜ್ಯಪಾಲರು ಕೇವಲ ಸದನಕ್ಕೆ ಆಗಮಿಸಿ ವಾಪಸ್‌ ತೆರಳಿದ್ದಾರೆ ಎಂದು ತಿಳಿಸಿದರು. 

ಸದನದಿಂದ ಹೊರನಡೆದ ರಾಜ್ಯಪಾಲರು

ಭಾಷಣ ಮಾಡದೆ ವಾಪಸ್‌ ತೆರಳಿದ ರಾಜ್ಯಪಾಲರು

ಜಂಟಿ ಅಧಿವೇಶನದ ಸಭೆಯನ್ನು ಉದ್ದೇಶಿಸಿ ಭಾಷಣ ಮಾಡಬೇಕಿದ್ದ ರಾಜ್ಯಪಾಲರು ಸರ್ಕಾರದ ಭಾಷಣ ಓದದೆ ವಾಪಸ್‌ ಆಗಿದ್ದಾರೆ. ಸಿಎಂ ಸಿದ್ದರಾಮಯ್ಯ ಹಾಗೂ ಕಾನೂನು ಸಚಿವ ಎಚ್‌.ಕೆ. ಪಾಟೀಲ್‌ ಮನವೊಲಿಸಲು ಪ್ರಯತ್ನಸಿದರೂ ಯಾವುದೇ ಪ್ರಯೋಜನವಾಗಿಲ್ಲ.

ವಿಧಾನಸೌಧಕ್ಕೆ ಆಗಮಿಸಿದ ರಾಜ್ಯಪಾಲರು

ಜಂಟಿ ಅಧಿವೇಶನಕ್ಕೆ ರಾಜ್ಯಪಾಲರನ್ನು ಸ್ವಾಗತಿಸಿದ ಸಿಎಂ ಸಿದ್ದರಾಮಯ್ಯ, ಸ್ಪೀಕರ್‌ ಯು.ಟಿ. ಖಾದರ್‌ ಹಾಗೂ ವಿಧಾನಪರಿಷತ್‌ ಸಭಾಪತಿ ಬಸವರಾಜು ಹೊರಟ್ಟಿ.

ವಿಧಾನಸೌಧದತ್ತ ಹೊರಟ ರಾಜ್ಯಪಾಲರು

ಸದನದಲ್ಲಿ ಭಾಗವಹಿಸಲು ಲೋಕಭವನದಿಂದ ವಿಧಾನಸೌಧದ ಕಡೆ ಹೊರಟ ರಾಜ್ಯಪಾಲರು.  

ಸರ್ಕಾರ ನೀಡಿದ್ದ ಭಾಷಣದ ಬದಲು ರಾಜ್ಯಪಾಲರಿಂದ ಪ್ರತ್ಯೇಕ ಭಾಷಣ

ಸರ್ಕಾರ ಸಿದ್ಧಪಡಿಸಿರುವ ಭಾಷಣದ ಕೆಲವು ಸಾಲುಗಳನ್ನು ಕೈಬಿಡುವಂತೆ ರಾಜ್ಯಪಾಲರು ಸೂಚನೆ ನೀಡಿದ್ದರು. ಆದರೆ ಈ ಸಲಹೆಗೆ ಸರ್ಕಾರ ಆಕ್ಷೇಪ ವ್ಯಕ್ತಪಡಿಸಿತ್ತು. ಇದೀಗ ರಾಜ್ಯಪಾಲರೇ ತಾವೇ ಪ್ರತ್ಯೇಕ ಭಾಷಣ ಸಿದ್ಧಪಡಿಸಿದ್ದು, ಅದನ್ನೇ ಸದನದಲ್ಲಿ ಓದಲು ಮುಂದಾಗಿದ್ದಾರೆ. 

ರಾಜ್ಯಪಾಲ ತಾವರ್‌ ಚಂದ್‌ ಗೆಹ್ಲೋಟ್‌ ಸ್ವಾಗತಕ್ಕೆ ಸಜ್ಜಾದ ಸಿಎಂ ಮತ್ತು ಸ್ಪೀಕರ್

ಕರ್ನಾಟಕ ವಿಧಾನಮಂಡಲದ ಅತ್ಯಂತ ಕುತೂಹಲಕಾರಿ ಜಂಟಿ ಅಧಿವೇಶನಕ್ಕೆ ಕ್ಷಣಗಣನೆ ಆರಂಭವಾಗಿದ್ದು, ರಾಜ್ಯಪಾಲರ ಆಗಮನಕ್ಕಾಗಿ ವಿಧಾನಸೌಧದ ಪಶ್ಚಿಮ ದ್ವಾರದಲ್ಲಿ ಭರ್ಜರಿ ಸಿದ್ಧತೆ ಮಾಡಿಕೊಳ್ಳಲಾಗಿದೆ. ರಾಜ್ಯಪಾಲ ಥಾವರ್ ಚಂದ್ ಗೆಹ್ಲೋಟ್ ಅವರನ್ನು ಸ್ವಾಗತಿಸಲು ಮುಖ್ಯಮಂತ್ರಿ ಸಿದ್ದರಾಮಯ್ಯ, ವಿಧಾನಸಭಾ ಅಧ್ಯಕ್ಷ ಯು.ಟಿ. ಖಾದರ್ ಹಾಗೂ ವಿಧಾನ ಪರಿಷತ್ ಸಭಾಪತಿ ಬಸವರಾಜ ಹೊರಟ್ಟಿ ಅವರು ಈಗಾಗಲೇ ಆಗಮಿಸಿದ್ದಾರೆ.

ರಾಜ್ಯಪಾಲರ ಆಕ್ಷೇಪಕ್ಕೆ ಮಣಿದ ಸರ್ಕಾರ? ಭಾಷಣದ ಕೆಲವು ಅಂಶಗಳಿಗೆ ಕತ್ತರಿ!

ರಾಜ್ಯಪಾಲರ ಭಾಷಣದ ಕೆಲ ಅಂಶ ಸರ್ಕಾರ ಕೈ ಬಿಟ್ಟಿದೆ ಎಂದು ಮೂಲಗಳು ತಿಳಿಸಿವೆ. ವಿಬಿ ಜಿ ರಾಮ್ ಜಿ ಕಾಯ್ದೆ ಭ್ರಷ್ಟಾಚಾರಕ್ಕೆ ಆಸ್ಪದ ಮಾಡಿಕೊಡುತ್ತದೆ. ಗುತ್ತಿಗೆದಾರರಿಗೆ ಅನುಕೂಲ ಮಾಡಿಕೊಡಲಾಗುತ್ತದೆ ಎಂಬ ಅಂಶವನ್ನು ಭಾಷಣದಿಂದ ತೆಗೆದು ಹಾಕಲಾಗಿದ್ದು, ಕೈ ಬಿಟ್ಟಿರುವ ವಿಷಯಗಳನ್ನು ರಾಜ್ಯಪಾಲರ ಗಮನಕ್ಕೂ ಸರ್ಕಾರ ತಂದಿದೆ ಎನ್ನಲಾಗಿದೆ.