ಸಿಕ್ಕಿಂನಲ್ಲಿ ಸಿಲುಕಿರುವ 1,200 ಪ್ರವಾಸಿಗರು! ಸ್ಥಳಾಂತರಕ್ಕೆ ಪ್ರಯತ್ನ
ಸಿಕ್ಕಿಂ ಮಂಗನ್‌ ಜಿಲ್ಲೆಯಲ್ಲಿ ಸಿಲುಕಿರುವ 1,200 ಕ್ಕೂ ಹೆಚ್ಚು ಪ್ರವಾಸಿಗರನ್ನ ಹವಾಮಾನ ಪರಿಸ್ಥಿತಿಗಳು ಅನುಕೂಲಕರವಾಗಿದ್ದರೆ, ಅವರನ್ನು ವಾಯು ಅಥವಾ ರಸ್ತೆಯ ಮೂಲಕ ಸ್ಥಳಾಂತರಿಸುವ ಕಾರ್ಯ ಸೋಮವಾರ (ಜೂನ್ 17) ಪ್ರಾರಂಭ ಮಾಡಬಹುದು.
ಸಿಕ್ಕಿಂ ಮಂಗನ್‌ ಜಿಲ್ಲೆಯಲ್ಲಿ ಸಿಲುಕಿರುವ 1,200 ಕ್ಕೂ ಹೆಚ್ಚು ಪ್ರವಾಸಿಗರನ್ನ ಹವಾಮಾನ ಪರಿಸ್ಥಿತಿಗಳು ಅನುಕೂಲಕರವಾಗಿದ್ದರೆ, ಅವರನ್ನು ವಾಯು ಅಥವಾ ರಸ್ತೆಯ ಮೂಲಕ ಸ್ಥಳಾಂತರಿಸುವ ಕಾರ್ಯ ಸೋಮವಾರ (ಜೂನ್ 17) ಪ್ರಾರಂಭ ಮಾಡಬಹುದು ಎಂದು ಚುಂಗ್ತಾಂಗ್‌ನ ಉಪವಿಭಾಗೀಯ ಮ್ಯಾಜಿಸ್ಟ್ರೇಟ್ (ಎಸ್‌ಡಿಎಂ) ಕಿರಣ್ ಥಾಟಲ್ ತಿಳಿಸಿದ್ದಾರೆ.
ಪ್ರವಾಸಿಗರಿಗೆ ಸರ್ಕಾರದ ನೆರವು
ಜಿಲ್ಲಾಡಳಿತವು ಸಿಕ್ಕಿಬಿದ್ದ ಪ್ರವಾಸಿಗರಿಗೆ ಲಾಚುಂಗ್ ಪಟ್ಟಣದ ವಿವಿಧ ಹೋಟೆಲ್‌ಗಳಲ್ಲಿ ವಸತಿ ಕಲ್ಪಿಸಿದೆ. ಅಲ್ಲಿ ಅವರಿಗೆ ಅತ್ಯಲ್ಪ ದರದಲ್ಲಿ ಆಹಾರವನ್ನು ನೀಡಲಾಗುತ್ತಿದೆ. ಯಾವುದೇ ಅನಾನುಕೂಲತೆ ಕಂಡುಬಂದಲ್ಲಿ, ಲಾಚುಂಗ್ ಪೊಲೀಸ್ ಠಾಣೆಗೆ ವರದಿ ಮಾಡಲು ಪ್ರವಾಸಿಗರಿಗೆ ಸೂಚಿಸಲಾಗಿದೆ ಎಂದು ಅವರು ಹೇಳಿದರು.
ಎಸ್‌ಡಿಎಂ ಚುಂಗ್‌ಥಾಂಗ್ ಬಿಡಿಒ ಪಿಪೋನ್ ಲಾಚುಂಗ್ ಮತ್ತು ಹೋಟೆಲ್ ಮಾಲೀಕರೊಂದಿಗೆ ತೆರವು ಪ್ರಕ್ರಿಯೆಯ ಕುರಿತು ಚರ್ಚಿಸಲು ಸಭೆಯನ್ನು ಕರೆದಿದೆ. ತೆರವು ಪ್ರಕ್ರಿಯೆ ಪ್ರಾರಂಭವಾಗುವವರೆಗೆ ಪ್ರವಾಸಿಗರನ್ನು ತಮ್ಮ ಕೊಠಡಿಗಳನ್ನು ಖಾಲಿ ಮಾಡುವಂತೆ ಕೇಳಬೇಡಿ ಎಂದು ಹೋಟೆಲ್ ಮಾಲೀಕರಿಗೆ ತಿಳಿಸಲಾಗಿದೆ ಎಂದು ಥಾಟಲ್ ಹೇಳಿದರು.
ಸಚಿವರು ಲಾಚುಂಗ್‌ಗೆ ಭೇಟಿ ನೀಡಿದರು
ರಸ್ತೆಗಳು ಮತ್ತು ಸೇತುವೆಗಳ ಖಾತೆ ಸಚಿವ ಎನ್‌ಬಿ ದಹಲ್ ಅವರು ಲಾಚುಂಗ್‌ಗೆ ಭೇಟಿ ನೀಡಿ ಪ್ರವಾಸಿಗರೊಂದಿಗೆ ಸಂವಾದ ನಡೆಸಿ ಅವರ ಕುಂದುಕೊರತೆಗಳನ್ನು ಆಲಿಸಿದರು. ಮತ್ತು ಸಾಧ್ಯವಾದಷ್ಟು ಬೇಗ ಸುರಕ್ಷಿತ ಪ್ರದೇಶಗಳಿಗೆ ಸ್ಥಳಾಂತರಿಸುವ ಭರವಸೆ ನೀಡಿದರು.
ಸಿಕ್ಕಿಂನಲ್ಲಿ ಕಳೆದ ಕೆಲವು ದಿನಗಳಿಂದ ಭಾರೀ ಮಳೆಯಿಂದಾಗಿ ಭೂಕುಸಿತದಿಂದಾಗಿ ಕನಿಷ್ಠ ಆರು ಜನರು ಸಾವನ್ನಪ್ಪಿದ್ದಾರೆ. ನೈಸರ್ಗಿಕ ವಿಕೋಪವು ಆಸ್ತಿಗಳನ್ನು ಹಾನಿಗೊಳಿಸಿದೆ ಮತ್ತು ಹಲವಾರು ಪ್ರದೇಶಗಳಲ್ಲಿ ವಿದ್ಯುತ್ ಮತ್ತು ಆಹಾರ ಸರಬರಾಜು ಮತ್ತು ಮೊಬೈಲ್ ನೆಟ್‌ವರ್ಕ್‌ಗಳನ್ನು ಅಡ್ಡಿಪಡಿಸಿದೆ ಎಂದು ಅಧಿಕಾರಿಗಳು ತಿಳಿಸಿದ್ದಾರೆ.
ಭೂಕುಸಿತದಿಂದಾಗಿ 15 ವಿದೇಶಿಗರು ಸೇರಿದಂತೆ 1,200 ಕ್ಕೂ ಹೆಚ್ಚು ಪ್ರವಾಸಿಗರು ಲಾಚುಂಗ್ ಪಟ್ಟಣದಲ್ಲಿ ಸಿಲುಕಿಕೊಂಡಿದ್ದಾರೆ. ಬಾರ್ಡರ್ ರೋಡ್ಸ್ ಆರ್ಗನೈಸೇಶನ್ ರಸ್ತೆಗಳನ್ನು ತೆರವುಗೊಳಿಸಲು ಮತ್ತು ಉತ್ತರ ಸಿಕ್ಕಿಂನೊಂದಿಗೆ ಸಂಪರ್ಕವನ್ನು ಪುನಃಸ್ಥಾಪಿಸಲು ಕೆಲಸ ಮಾಡುತ್ತಿದೆ.