ನಾಸಾದ ಪ್ರಕಾರ, ಖಗೋಳವಿಜ್ಞಾನಿಗಳು ಮಂಗಳವಾರ ರಾತ್ರಿ 11:05... ... Sunita Williams : ಫ್ಲೋರಿಡಾ ಕಡಲಲ್ಲಿ ಬಂದಿಳಿದ ಡ್ರಾಗನ್ ಕ್ಯಾಪ್ಸೂಲ್; ಸುನಿತಾ ವಿಲಿಯಮ್ಸ್​, ವಿಲ್ಮೋರ್​ ಸುರಕ್ಷಿತ

ನಾಸಾದ ಪ್ರಕಾರ, ಖಗೋಳವಿಜ್ಞಾನಿಗಳು ಮಂಗಳವಾರ ರಾತ್ರಿ 11:05 (ಅಮೆರಿಕದ ಸಮಯ) ಗಂಟೆಗೆ ಸ್ಪೇಸ್‌ಎಕ್ಸ್ ಕ್ರ್ಯೂ ಡ್ರಾಗನ್ ವಾಹನದಲ್ಲಿ ಪಯಣ ಶುರುಮಾಡಿದರು. ಮೊದಲ 40 ನಿಮಿಷಗಳಲ್ಲಿ, ಅವರು ತಮ್ಮ ಫ್ಲೈಟ್ ಸೂಟ್​ಗಳನ್ನು ಧರಿಸಿ, ಸೀಟುಗಳಲ್ಲಿ ಕುಳಿತು ಎಲ್ಲ ರೀತಿಯ ಪರಿಶೀಲನೆಗಳನ್ನು ನಡೆಸಿದರು. ಎರಡು ಗಂಟೆಯಲ್ಲಿ ಎಲ್ಲ ತಪಾಸಣೆಗಳು ಪೂರ್ಣಗೊಂಡು ಕ್ಯಾಪ್ಸೂಲ್​ ಬಾಹ್ಯಾಕಾಶ ನಿಲ್ದಾಣದಿಂದ ಹೊರಟಿತು. ನಾಸಾ ಈ ಎಲ್ಲ ಪ್ರಕ್ರಿಯೆಗಳ ನೇರ ಪ್ರಸಾರ ಮಾಡಿದೆ.

ಡ್ರಾಗನ್ ಕ್ಯಾಪ್ಸೂಲ್​ ಫ್ಲೋರಿಡಾದ ಅಮೆರಿಕದ ಸಮಯ ಸಂಜೆ 5;57ಕ್ಕೆ ಗಲ್ಫ್ ಕರಾವಳಿಯ ಬಳಿ ನೀರಿನಲ್ಲಿ ಇಳಿದಿದೆ. ನಾಸಾದ ತಂಡಳು ವಾಹನವನ್ನು ಸ್ವೀಕರಿಸಿ , ಖಗೋಳವಿಜ್ಞಾನಿಗಳನ್ನು ಹಡಗಿನ ಮೇಲಕ್ಕೇರಿಸುತ್ತಾರೆ. ಬಳಿಕ ಅವರನ್ನು ಹೂಸ್ಟನ್‌ಗೆ ಕರೆದೊಯ್ಯಲಾಗುತ್ತದೆ. ಅದು ಜಾನ್ಸನ್ ಬಾಹ್ಯಾಕಾಶ ಕೇಂದ್ರದ ನೆಲೆ. ಅಲ್ಲಿ ಬಾಹ್ಯಾಕಾಶ ಯಾನಿಗಳ ಪುನಶ್ಚೇತನ ಆರಂಭವಾಗಲಿದೆ.