2 ವರ್ಷ ಅಲೆದಾಡಿಸಿದ ಅಧಿಕಾರಿಗಳಿಗೆ ಬೆವರಿಳಿಸಿದ ರೈತ! ಮಧುಗಿರಿಯ ಈ 'ಗಾಂಧಿಗಿರಿ' ಸ್ಟೋರಿ ನೀವೇ ನೋಡಿ

ಕಚೇರಿಗಳಿಗೆ ಅಲೆದು ಸಾಕಾದಾಗ, ಲಂಚ ಕೇಳುವ ಅಧಿಕಾರಿಗಳಿಗೆ ಪಾಠ ಕಲಿಸುವುದು ಹೇಗೆ? ಮಧುಗಿರಿ ತಾಲೂಕಿನ ದೊಡ್ಡರಿ ಹೋಬಳಿಯ ಜಕ್ಕೇನಹಳ್ಳಿ ಗ್ರಾಮದ ರೈತ ಪ್ರಸನ್ನಕುಮಾರ್ ಅವರು ತೋರಿಸಿಕೊಟ್ಟಿರುವ ಈ 'ಗಾಂಧಿಗಿರಿ' ಮಾರ್ಗ ಈಗ ರಾಜ್ಯಾದ್ಯಂತ ಚರ್ಚೆಗೆ ಕಾರಣವಾಗಿದೆ. ತನ್ನ ಜಮೀನಿಗೆ ರಸ್ತೆ ಮಾಡಿಕೊಡುವಂತೆ ಅರ್ಜಿ ನೀಡಿ ಬರೋಬ್ಬರಿ ಎರಡು ವರ್ಷಗಳ ಕಾಲ ಕಚೇರಿ ಮೆಟ್ಟಿಲೇರಿದ್ದ ಪ್ರಸನ್ನಕುಮಾರ್ ಅವರಿಗೆ ಅಧಿಕಾರಿಗಳು ಲಂಚಕ್ಕಾಗಿ ಸತಾಯಿಸುತ್ತಿದ್ದರು. ಇದರಿಂದ ಬೇಸತ್ತ ರೈತ, ತಾವು ಬೆಳೆದ ಮೂಲಂಗಿಯನ್ನೇ ತಹಶಿಲ್ದಾರ್ ಕಚೇರಿ ಮುಂದೆ ರಾಶಿ ಹಾಕಿ, "ಇದನ್ನೇ ಲಂಚ ಎಂದು ಭಾವಿಸಿ ನನ್ನ ಕೆಲಸ ಮಾಡಿಕೊಡಿ" ಎಂದು ಕೂಗಿದ್ದಾರೆ. ಈ ವಿಶಿಷ್ಟ ಪ್ರತಿಭಟನೆಯಿಂದ ಮುಜುಗರಕ್ಕೊಳಗಾದ ಅಧಿಕಾರಿಗಳು ಕೂಡಲೇ ಕೆಲಸ ಮಾಡಿಕೊಟ್ಟಿದ್ದಾರೆ.