ಕರ್ನಾಟಕವೂ ಸೇರಿ ಏಳು ಹೈಕೋರ್ಟ್ ನ್ಯಾಯಮೂರ್ತಿಗಳ ವರ್ಗಾವಣೆ, ಕೊಲಿಜಿಯಂ ಆದೇಶ

ಕರ್ನಾಟಕದ ನಾಲ್ಕು ನ್ಯಾಯಮೂರ್ತಿಗಳು ಸೇರಿದಂತೆ ನಾನಾ ಹೈಕೋರ್ಟ್​​ಗಳ ಏಳು ನ್ಯಾಯಾಧೀಶರನ್ನು ಬೇರೆ ಬೇರೆ ಹೈಕೋರ್ಟ್​​ಗಳಿಗೆ ವರ್ಗಾವಣೆ ಮಾಡಿ ಸುಪ್ರಿಂ ಕೋರ್ಟ್​​ ಕೊಲಿಜಿಯಂ ಸೋಮವಾರ (ಏಪ್ರಿಲ್​ 21) ಆದೇಶ ಹೊರಡಿಸಿದೆ.

ಕರ್ನಾಟಕ ಹೈಕೋರ್ಟ್​ಬ ನ್ಯಾ. ಹೇಮಂತ್ ಚಂದನಗೌಡರ್ ಮದ್ರಾಸ್ ಹೈಕೋರ್ಟ್​​ಗೆ, ನ್ಯಾ. ಕೃಷ್ಣ ನಟರಾಜನ್ ಕೇರಳ ಹೈಕೋರ್ಟ್​​​ಗೆ, ನ್ಯಾ. ನೆರನಹಳ್ಳಿ ಶ್ರೀನಿವಾಸನ್ ಸಂಜಯ್ ಗೌಡ ಗುಜರಾತ್ ಹೈಕೋರ್ಟ್​​ಗೆ, ನ್ಯಾ. ದೀಕ್ಷಿತ್ ಕೃಷ್ಣ ಶ್ರೀಪಾದ್ ಒಡಿಶಾ ಹೈಕೋರ್ಟ್​​ಗೆ ವರ್ಗಾವಣೆಗೊಂಡಿದ್ದಾರೆ.

ಇನ್ನುಳಿದಂತೆ ತೆಲಂಗಾಣ ಹೈಕೋರ್ಟ್​​ನ ನ್ಯಾ. ಕಾಸೋಜು ಸುರಂದರ್ ಅವರನ್ನು ಮದ್ರಾಸ್ ಹೈಕೋರ್ಟ್​​ಗೆ ನ್ಯಾ. ಪೆರುಗು ಶ್ರೀ ಸುಧಾ ಹಾಗೂ ಆಂಧ್ರಪ್ರದೇಶದ ನ್ಯಾ. ಡಾ. ಕುಂಬಜದಲ ಮನ್ಮದ ರಾವ್ ಅವರನ್ನು ಕರ್ನಾಟಕ ಹೈಕೋರ್ಟ್​​ಗೆ ವರ್ಗಾವಣೆ ಮಾಡಿ ಕೊಲಿಜಿಯಂ ಆದೇಶಿಸಿದೆ.

ಏನಿದು ಕೊಲಿಜಿಯಂ:

ಕೊಲಿಜಿಯಂ ಎಂಬುದು ಸುಪ್ರಿಂ ಕೋರ್ಟ್ ನೇಮಿಸಿದಂತಹ ಹಿರಿಯ ನ್ಯಾಯಾಧೀಶರ ತಂಡವಾಗಿದ್ದು ಮುಖ್ಯ ನ್ಯಾಯಾಧೀಶರು ಸೇರಿದಂತೆ ಐವರು ನ್ಯಾಯಾಧೀಶರನ್ನು ಒಳಗೊಂಡಿದೆ. ಇದು ನ್ಯಾಯಾಧೀಶರ ನೇಮಕ, ವರ್ಗಾವಣೆ ಹಾಗೂ ಪದೋನ್ನತಿ ನೀಡುವ ಕೆಲಸ ನಿರ್ವಹಿಸುತ್ತದೆ.

ಪ್ರಸ್ತುತ ಕೊಲಿಜಿಯಂ ಸಮಿತಿಯಲ್ಲಿ ಸುಪ್ರಿ ಕೋರ್ಟ್​​ನ ಮುಖ್ಯ ನ್ಯಾಯಮೂರ್ತಿ ಸಂಜೀವ್ ಖನ್ನಾ, ಹಿರಿಯ ನ್ಯಾಯಮೂರ್ತಿಗಳಾದ ನ್ಯಾ. ಬಿ. ಆರ್. ಗವಾಯಿ, ನ್ಯಾ. ಸೂರ್ಯಕಾಂತ್, ನ್ಯಾ. ಎ. ಎಸ್. ಓಕಾ, ಹಾಗೂ ನ್ಯಾ. ವಿಕ್ರಮ್ ನಾಥ್ ಸಮಿತಿಯಲ್ಲಿರುವ ಇತರ ನ್ಯಾಯಾಧೀಶರಾಗಿದ್ದಾರೆ.