ಸ್ಪೀಕರ್ ಆಯ್ಕೆ: ಮಿತ್ರಪಕ್ಷಗಳೊಂದಿಗೆ ಬಿಜೆಪಿ ಸಭೆ

ಆಂಧ್ರಪ್ರದೇಶ ಅಥವಾ ಒಡಿಶಾದ ಬಿಜೆಪಿಯ ನಾಯಕರೊಬ್ಬರಿಗೆ ಲೋಕಸಭೆ ಸ್ಪೀಕರ್‌ ಹುದ್ದೆ ಸಿಗುವ ಲಕ್ಷಣವಿದ್ದು, ಆಯ್ಕೆಗೆ ಸಂಬಂಧಿಸಿದಂತೆ ಮಿತ್ರಪಕ್ಷಗಳೊಂದಿಗೆ ಬಿಜೆಪಿ ಸಭೆ ನಡೆಸಲಿದೆ.

ರಕ್ಷಣಾ ಸಚಿವ ರಾಜನಾಥ್ ಸಿಂಗ್ ಅವರ ಮನೆಯಲ್ಲಿ ಮೋದಿ ಸಂಪುಟದ ಸಚಿವರು ಮತ್ತು ಎನ್‌ಡಿಎ ಮಿತ್ರಪಕ್ಷಗಳ ಸಭೆ ನಡೆಯಲಿದೆ.

ಬಿಜೆಪಿಯ ಅಭ್ಯರ್ಥಿಯ ಆಯ್ಕೆ ಸಾಧ್ಯತೆ: ಬಿಜೆಪಿ ಲೋಕಸಭೆಯಲ್ಲಿ 240 ಸದಸ್ಯರನ್ನು ಹೊಂದಿದ್ದು, ಸ್ಪೀಕರ್ ಹುದ್ದೆಯನ್ನು ಹೊಂದಲು ಮಿತ್ರ ಪಕ್ಷಗಳ ಬೆಂಬಲ ಅಗತ್ಯವಿದೆ. ಸಂಸದರ ಸರಳ ಬಹುಮತದಿಂದ ಸ್ಪೀಕರ್ ಆಯ್ಕೆಯಾಗುತ್ತಾರೆ. ಟಿಡಿಪಿ ನಾಯಕ ಎನ್. ಚಂದ್ರಬಾಬು ನಾಯ್ಡು ಅವರು ಸ್ಪೀಕರ್‌ ಹುದ್ದೆ ಮೇಲೆ ಕಣ್ಣಿಟ್ಟಿದ್ದಾರೆ. ಮಾಧ್ಯಮ ವರದಿಗಳ ಪ್ರಕಾರ, ಬಿಜೆಪಿಯ ಅಭ್ಯರ್ಥಿಗೆ ಹುದ್ದೆ ಸಿಗುವ ಸಾಧ್ಯತೆಯಿದೆ.

ಆಂಧ್ರಪ್ರದೇಶದ ಬಿಜೆಪಿ ನಾಯಕಿ ಡಿ. ಪುರಂದೇಶ್ವರಿ ಅಥವಾ ಒಡಿಶಾದ ಭ‌ರ್ತೃಹರಿ ಮಹತಾಬ್ ಅವರನ್ನು ಹೆಸರಿಸಲು ಬಿಜೆಪಿ ಬಯಸಿದೆ ಎಂಬ ಸೂಚನೆಗಳಿವೆ. ಮಹತಾಬ್ ಬಿಜು ಜನತಾ ದಳ(ಬಿಜೆಡಿ)ದ ಮಾಜಿ ಸದಸ್ಯ; ಈಗ ಬಿಜೆಪಿಯಲ್ಲಿದ್ದಾರೆ. ಪುರಂದೇಶ್ವರಿ ಅವರು ಆಂಧ್ರಪ್ರದೇಶದಲ್ಲಿ ಬಿಜೆಪಿಯ ನೇತೃತ್ವ ವಹಿಸಿದ್ದರು ಮತ್ತು ಚಂದ್ರಬಾಬು ನಾಯ್ಡು ಅವರ ಸೊಸೆ.

ಜೂನ್ 26 ರಂದು ಪ್ರಧಾನಿ ನರೇಂದ್ರ ಮೋದಿ ಅವರು ಲೋಕಸಭೆ ಸ್ಪೀಕರ್ ಬಗ್ಗೆ ಪ್ರಸ್ತಾವನೆ ಮಂಡಿಸಲಿದ್ದಾರೆ.