1400 ಕೋಟಿ ರೂ. ಮೌಲ್ಯದ ಯೋಜನೆಗೆ ನಾಳೆ ಪ್ರಧಾನಿ ಮೋದಿ ಚಾಲನೆ
ಪ್ರಧಾನಿ ಮೋದಿ ಅವರು ನಾಳೆ ಕೋಲ್ ಇಂಡಿಯಾದ 1,393.69 ಕೋಟಿ ರೂಪಾಯಿ ಮೌಲ್ಯದ ಎರಡು ಫಸ್ಟ್‌ ಮೈಲ್‌ ಕನೆಕ್ಟಿವಿಟಿ ಯೋಜನೆಗಳನ್ನು ಉದ್ಘಾಟಿಸಲಿದ್ದಾರೆ.
ನವದೆಹಲಿ, ಫೆ 28: ಪ್ರಧಾನಮಂತ್ರಿ ನರೇಂದ್ರ ಮೋದಿ ಅವರು ಗುರುವಾರ ಕೋಲ್ ಇಂಡಿಯಾದ 1,393.69 ಕೋಟಿ ರೂಪಾಯಿ ಮೌಲ್ಯದ ಎರಡು ಫಸ್ಟ್‌ ಮೈಲ್‌ ಕನೆಕ್ಟಿವಿಟಿ (FMC) ಯೋಜನೆಗಳನ್ನು ಉದ್ಘಾಟಿಸಲಿದ್ದಾರೆ ಎಂದು ಅಧಿಕೃತ ಹೇಳಿಕೆ ತಿಳಿಸಿದೆ.
ಒಣ ಇಂಧನದ ಸಾಗಣೆಗಾಗಿ ರಸ್ತೆ ಸಂಚಾರದ ಮೇಲೆ ಸರ್ಕಾರಿ ಸ್ವಾಮ್ಯದ ಕಲ್ಲಿದ್ದಲು ಉತ್ಪಾದಕರ ಅವಲಂಬನೆಯನ್ನು ಈ ಯೋಜನೆಗಳು ಕಡಿಮೆ ಮಾಡುತ್ತದೆ ಎಂದು ನಿರೀಕ್ಷಿಸಲಾಗಿದೆ.
ಕೋಲ್ ಇಂಡಿಯಾ ಆರ್ಮ್ ನಾರ್ದರ್ ಕೋಲ್‌ಫೀಲ್ಡ್ ಲಿಮಿಟೆಡ್ (ಎನ್‌ಸಿಎಲ್) ಒಡೆತನದ ಮಧ್ಯಪ್ರದೇಶದಲ್ಲಿರುವ ಯೋಜನೆಗಳು ಕಲ್ಲಿದ್ದಲು ಪೂರೈಕೆ ಮತ್ತು ಗುಣಮಟ್ಟವನ್ನು ಪರಿಸರ ಸ್ನೇಹಿ ರೀತಿಯಲ್ಲಿ ಹೆಚ್ಚಿಸುತ್ತವೆ ಎಂದು ಕಲ್ಲಿದ್ದಲು ಸಚಿವಾಲಯ ಹೇಳಿಕೆಯಲ್ಲಿ ತಿಳಿಸಿದೆ.
ಪ್ರಧಾನಿ ನರೇಂದ್ರ ಮೋದಿ ಅವರು ಫೆಬ್ರವರಿ 29 ರಂದು ಎರಡು ಮಹತ್ವದ ಎಫ್‌ಎಂಸಿ ಯೋಜನೆಗಳನ್ನು ಉದ್ಘಾಟಿಸಲಿದ್ದಾರೆ. ಈ ಯೋಜನೆಗಳ ಮೌಲ್ಯ 1,393.69 ಕೋಟಿ ರೂಪಾಯಿ ಎಂದು ಸಚಿವಾಲಯ ತಿಳಿಸಿದೆ.
"ಜಯಂತ್ OCP CHP-SILO ಮತ್ತು ದುಧಿಚುವಾ OCP CHP-SILO ಅನಾವರಣಗೊಳ್ಳಲಿರುವ ಯೋಜನೆಗಳು. ಜಯಂತ್ OCP CHP-SILO ವರ್ಷಕ್ಕೆ 15 ಮಿಲಿಯನ್ ಟನ್ (MTPA) ಸಾಮರ್ಥ್ಯವನ್ನು ಹೊಂದಿದ್ದು, 723.50 ಕೋಟಿ ರೂಪಾಯಿ ಹೂಡಿಕೆಯೊಂದಿಗೆ ನಿರ್ಮಿಸಲಾಗಿದೆ. ದುಧಿಚುವಾ OCP CHP-SILO, ವಾರ್ಷಿಕ 10 ಮಿಲಿಯನ್ ಟನ್ (MTPA) ಸಾಮರ್ಥ್ಯವನ್ನು ಹೊಂದಿದ್ದು, 670.19 ಕೋಟಿ ರೂಪಾಯಿ ಹೂಡಿಕೆಯೊಂದಿಗೆ ನಿರ್ಮಿಸಲಾಗಿದೆ" ಎಂದು ಸಚಿವಾಲಯ ಹೇಳಿದೆ.
ಈ ಯೋಜನೆಗಳು ಕಲ್ಲಿದ್ದಲು ಸಾಗಣೆಯ ಸಮಯ ಮತ್ತು ಉತ್ಪಾದನಾ ವೆಚ್ಚವನ್ನು ಕಡಿಮೆ ಮಾಡುತ್ತದೆ. ಜೊತೆಗೆ ಸಂಚಾರ ದಟ್ಟಣೆ, ಅಪಘಾತಗಳು ಮತ್ತು ಪರಿಸರದ ಮೇಲೆ ಪ್ರಭಾವವನ್ನು ಕಡಿಮೆ ಮಾಡಲು ಸಹಾಯ ಮಾಡುತ್ತದೆ ಎಂದು ಅದು ಹೇಳಿದೆ.
