ದಾಲ್‌ ಸರೋವರದ ಸೊಬಗಿಗೆ ಮನಸೋಲದವರುಂಟೇ?

ಜಮ್ಮು ಮತ್ತು ಕಾಶ್ಮೀರದ ಶ್ರೀನಗರದಲ್ಲಿರುವ ಪ್ರಸಿದ್ಧ ದಾಲ್ ಸರೋವರ ಪ್ರವಾಸಿಗರನ್ನು ಆಕರ್ಷಿಸುತ್ತಿದೆ. ಆಹ್ಲಾದಕರ ವಾತಾವರಣ ಹಾಗೂ ಕಣ್ಮನ ಸೆಳೆಯುವ ಸೂರ್ಯಾಸ್ತದ ನಡುವೆ ಪ್ರವಾಸಿಗರು ಶಿಕಾರಾ ದೋಣಿಗಳಲ್ಲಿ ವಿಹರಿಸಿ ಪ್ರಕೃತಿಯ ಸೌಂದರ್ಯವನ್ನು ಆಸ್ವಾದಿಸುತ್ತಿದ್ದಾರೆ. ಸರೋವರದ ನೀರಿನಲ್ಲಿ ಪ್ರತಿಬಿಂಬಿಸುವ ಸೂರ್ಯಾಸ್ತದ ದೃಶ್ಯಗಳು ಪ್ರವಾಸಿಗರಿಗೆ ವಿಶೇಷ ಅನುಭವ ನೀಡುತ್ತಿವೆ. ಕಾಶ್ಮೀರದ ನೈಸರ್ಗಿಕ ಸೌಂದರ್ಯ, ತಂಪಾದ ವಾತಾವರಣ ಮತ್ತು ದಾಲ್ ಸರೋವರದ ವಿಶಿಷ್ಟ ಆಕರ್ಷಣೆ ಪ್ರವಾಸಿಗರ ಮನಸೂರೆಗೊಳ್ಳುತ್ತಿದೆ. ಶಿಕಾರಾ ವಿಹಾರದ ಮೂಲಕ ಕಾಶ್ಮೀರದ ಸೊಬಗನ್ನು ಸವಿಯುತ್ತಿರುವ ಪ್ರವಾಸಿಗರ ದೃಶ್ಯಗಳು ಇಲ್ಲಿವೆ