ಯಡಿಯೂರಪ್ಪ ವಿರುದ್ಧದ ಪೋಕ್ಸೋ ಪ್ರಕರಣ:ಹಾನಿಗೊಳಗಾದ ಫೋನ್‌ನಿಂದ ಮೆಮೊರಿ ಚಿಪ್ ವಶಪಡಿಸಿಕೊಂಡ ಸಿಐಡಿ

ಬಿಜೆಪಿಯ ಹಿರಿಯ ನಾಯಕ ಮತ್ತು ಮಾಜಿ ಮುಖ್ಯಮಂತ್ರಿ ಬಿ ಎಸ್ ಯಡಿಯೂರಪ್ಪ ವಿರುದ್ಧ ದಾಖಲಾದ ಅಪ್ರಾಪ್ತ ಬಾಲಕಿಯ ಮೇಲೆ ಲೈಂಗಿಕ ದೌರ್ಜನ್ಯ ಪ್ರಕರಣದಲ್ಲಿ ಕರ್ನಾಟಕ ಪೊಲೀಸರು ಸಂಗ್ರಹಿಸಿರುವ ಪ್ರಮುಖ ಸಾಕ್ಷ್ಯಗಳಲ್ಲಿ ಗುಜರಾತ್‌ನಲ್ಲಿ ವಿಧಿವಿಜ್ಞಾನ ತಜ್ಞರು ಹಾನಿಗೊಳಗಾದ ಮೊಬೈಲ್ ಫೋನ್‌ನಿಂದ ಮೆಮೊರಿ ಚಿಪ್‌ ವಶಪಡಿಸಿಕೊಂಡಿದ್ದಾರೆ. ಇದು ಈ ಪ್ರಕರಣಕ್ಕೆ ಬಲವಾದ ಸಾಕ್ಷ್ಯವಾಗಿದೆ.

ಫೆಬ್ರವರಿ 2, 2024 ರಂದು ತಮ್ಮ ಮೇಲೆ ಬಿಎಸ್‌ವೈ ಯಡಿಯೂರಪ್ಪ ಅವರು ತಮ್ಮ ನಿವಾಸದಲ್ಲಿ ಮುಖಾಮುಖಿ ಮಾತನಾಡುತ್ತಿದ್ದ ಘಟನೆಯನ್ನು ಸಂತ್ರಸ್ತೆಯ ತಾಯಿ ರೆಕಾರ್ಡ್‌ ಮಾಡಿದ್ದರು. ಈ ಪೋನ್‌ ನಾಶವಾಗಿತ್ತು ಎಂದು ಭಾವಿಸಲಾಗಿತ್ತು. ಆದರೆ ಆದರೆ "ಪೂರ್ಣ ಮೂಲ ವೀಡಿಯೊ" ಹೊಂದಿರುವ ಅದರ ಮೆಮೊರಿ ಚಿಪ್ ಅನ್ನು ತಜ್ಞರು ತನಿಖೆಯ ಸಮಯದಲ್ಲಿ ಪತ್ತೆ ಮಾಡಿದ್ದಾರೆ ಎಂದು ಮೂಲಗಳು ತಿಳಿಸಿವೆ.

ಯಡಿಯೂರಪ್ಪನವರ ಧ್ವನಿ ಮತ್ತು ಸಂತ್ರಸ್ತೆಯ ತಾಯಿಯೊಂದಿಗೆ ಅವರ ಮಾತುಕತೆ ಸಮಯದಲ್ಲಿ ವೀಡಿಯೊದಲ್ಲಿ ಕೇಳಿಬಂದ ಧ್ವನಿಯ ನಡುವೆ ಧ್ವನಿ ಮಾದರಿ ಹೊಂದಾಣಿಕೆಯನ್ನು ಸಿಐಡಿ ಪತ್ತೆ ಮಾಡಿದೆ. ಹಾಳಾದ ಫೋನ್‌ನ ಮೆಮೊರಿ ಚಿಪ್ ಮೂಲಕ ಸಂಪೂರ್ಣ ವೀಡಿಯೊವನ್ನು (ಘಟನೆಯ ದಿನದಂದು ದಾಖಲಿಸಲಾಗಿದೆ) ಮರುಪಡೆಯಲು ಮತ್ತೊಂದು ಸಾಧನಕ್ಕೆ ಕಾಪಿ ಮಾಡಲಾಗಿದೆ. ಇದು ಪ್ರಕರಣದ ಪ್ರಮುಖ ತಾಂತ್ರಿಕ ಪುರಾವೆಗಳಲ್ಲಿ ಒಂದಾಗಿದೆ ಎಂದು ಸಿಐಡಿ ಮೂಲಗಳು ತಿಳಿಸಿವೆ.

ಸಂತ್ರಸ್ತೆಯ ತಾಯಿ ಮಾರ್ಚ್ 14, 2024 ರಂದು ನೀಡಿದ ಪೊಲೀಸ್ ದೂರಿನ ಪ್ರಕಾರ, ತನ್ನ ಮಗಳ ಮೇಲೆ ಸಂಬಂಧಿಯೊಬ್ಬರು ಲೈಂಗಿಕ ದೌರ್ಜನ್ಯ ಎಸಗಿದ ಪ್ರಕರಣದಲ್ಲಿ ನ್ಯಾಯ ಕೇಳಲು ಫೆಬ್ರವರಿ 2, 2024 ರಂದು ಯಡಿಯೂರಪ್ಪನವರ ಮನೆಗೆ ತಮ್ಮ ಮಗಳೊಂದಿಗೆ ಭೇಟಿ ನೀಡಿದ್ದರು. ಈ ವೇಳೆ ಆಕೆಯ ಮಗಳಿಗೆ ಯಡಿಯೂರಪ್ಪ ಲೈಂಗಿಕ ದೌರ್ಜನ್ಯ ನಡೆಸಿ, ತಮ್ಮ ಜೇಬಿನಿಂದ ಸಂತ್ರಸ್ತೆಯ ಕೈಗೆ ಸ್ವಲ್ಪ ಹಣವನ್ನು ಹಾಕಿ ನಿರ್ಗಮಿಸಿದರು. ನಂತರ ಅವರು ಸಂತ್ರಸ್ತೆಯ ತಾಯಿಗೆ ಪ್ರಕರಣದಲ್ಲಿ ಸಹಾಯ ಮಾಡಲು ಸಾಧ್ಯವಿಲ್ಲ ಎಂದು ಹೇಳಿದ್ದಾರೆ. ಅಲ್ಲೂ ಕೂಡ ಅವರ ಜೇಬಿನಿಂದ ಸ್ವಲ್ಪ ಹಣವನ್ನು ನೀಡಿ ಅವರನ್ನು ಕಳುಹಿಸಿದರು ಎಂದು ಆರೋಪಪಟ್ಟಿಯಲ್ಲಿ ತಿಳಿಸಲಾಗಿದೆ.

ಫೆಬ್ರವರಿ 20 ರಂದು ನಡೆದ ಘಟನೆಯ ಕುರಿತು ಯಡಿಯೂರಪ್ಪ ಅವರೊಂದಿಗಿಗೆ ನಡೆದ ಈ ಘಟನಾವಳಿಯ ವೀಡಿಯೊವನ್ನು ಅವರು ಸಾಮಾಜಿಕ ಮಾಧ್ಯಮದಲ್ಲಿ ಅಪ್‌ಲೋಡ್ ಮಾಡಿದ್ದರು. ಇದಾದ ಬಳಿಕ ಮಾಜಿ ಸಿಎಂ ತಮ್ಮ ಸಹಚರರಲ್ಲಿ ಈ ತಾಯಿ ಮತ್ತು ಮಗಳಿಗೆ ಕರೆ ಮಾಡಿ ರೆಕಾರ್ಡಿಂಗ್‌ಗಳನ್ನು ಡಿಲೀಟ್‌ ಮಾಡಲು ಹೇಳಿದ್ದು, ಸಂತ್ರಸ್ತೆಯ ತಾಯಿ ಬಾಯಿ ಮುಚ್ಚಿಸಲು 2 ಲಕ್ಷ ರೂಪಾಯಿ ನೀಡುವಂತೆ ಯಡಿಯೂರಪ್ಪ ತಮ್ಮ ಸಹಚರರಿಗೆ ಹೇಳಿದ್ದರು ಎಂದು ಆರೋಪಿಸಲಾಗಿದೆ. ಯಡಿಯೂರಪ್ಪ ಅವರ ನಿರ್ದೇಶನದ ಮೇರೆಗೆ ರುದ್ರೇಶ್ ಸಂತ್ರಸ್ತೆಗೆ 2 ಲಕ್ಷ ರೂಪಾಯಿ ನಗದು ನೀಡಿದ್ದರು ಎನ್ನಲಾಗಿದೆ.

ಈ ಪ್ರಕರಣಕ್ಕೆ ಸಂಬಂಧಿಸಿದಂತೆ 81ರ ಹರೆಯದ ಬಿಎಸ್ ಯಡಿಯೂರಪ್ಪ ವಿರುದ್ಧ ಮಕ್ಕಳ ಲೈಂಗಿಕ ಅಪರಾಧಗಳಿಂದ ರಕ್ಷಣೆ (ಪೋಕ್ಸೊ) ಕಾಯ್ದೆಯ ಸೆಕ್ಷನ್ 8 (ಲೈಂಗಿಕ ದೌರ್ಜನ್ಯಕ್ಕೆ ಶಿಕ್ಷೆ) ಮತ್ತು ಸೆಕ್ಷನ್ 354 ಎ (ಲೈಂಗಿಕ ಕಿರುಕುಳ), 204 ಮತ್ತು ಭಾರತೀಯ ದಂಡ ಸಂಹಿತೆಯ (IPC) 214 (ಸ್ಕ್ರೀನಿಂಗ್ ಅಪರಾಧಿಯ ಪರಿಗಣನೆಯಲ್ಲಿ ಆಸ್ತಿಯ ಉಡುಗೊರೆ ಅಥವಾ ಮರುಸ್ಥಾಪನೆ) ಅಡಿಯಲ್ಲಿ ಆರೋಪ ಹೊರಿಸಲಾಗಿದೆ. ಯಡಿಯೂರಪ್ಪನವರ ಸಹಾಯಕರಾದ ಇತರ ಮೂವರು ಸಹ ಆರೋಪಿಗಳಾದ ಅರುಣ್ ವೈ ಎಂ, ರುದ್ರೇಶ್ ಎಂ ಮತ್ತು ಜಿ ಮರಿಸ್ವಾಮಿ ವಿರುದ್ಧ ಐಪಿಸಿ ಸೆಕ್ಷನ್ 204 ಮತ್ತು 214 ರ ಅಡಿಯಲ್ಲಿ ಫಾಸ್ಟ್ ಟ್ರ್ಯಾಕ್ ಕೋರ್ಟ್ 1 ರಲ್ಲಿ ಪೋಕ್ಸೋ ಕಾಯ್ದೆ ಪ್ರಕರಣಗಳಿಗೆ ಸಂಬಂಧಿಸಿದಂತೆ ಆರೋಪಪಟ್ಟಿ ಸಲ್ಲಿಸಲಾಗಿದೆ.

ಪ್ರಮುಖ ಸಾಕ್ಷ್ಯಗಳಲ್ಲಿ ಒಂದಾಗಿದೆ ಮೆಮೋರಿ ಚಿಪ್‌

ಈ ಮೆಮೋರಿ ಚಿಪ್‌ ಆರೋಪಪಟ್ಟಿಯಲ್ಲಿ ದಾಖಲಾದ ಪ್ರಮುಖ ಸಾಕ್ಷ್ಯಗಳಲ್ಲಿ ಒಂದಾಗಿದೆ. ಆರೋಪಪಟ್ಟಿಯು 730 ಪುಟಗಳನ್ನು ಹೊಂದಿದ್ದು, 76 ಸಾಕ್ಷಿಗಳ ಹೇಳಿಕೆಗಳನ್ನು ಹೊಂದಿದೆ. ಎಫ್‌ಐಆರ್ ದಾಖಲಾದ 60 ದಿನಗಳಲ್ಲಿ ಸಲ್ಲಿಸಬೇಕಾದ ಆರೋಪಪಟ್ಟಿ ಸಲ್ಲಿಕೆ ವಿಳಂಬಕ್ಕೆ ಸಿಐಡಿ ಉಲ್ಲೇಖಿಸಿರುವ ಕಾರಣಗಳಲ್ಲಿ ಈ ಫೋನ್‌ನ ಮೆಮೊರಿ ಚಿಪ್ ಅನ್ನು ಮರುಪಡೆಯಲು ಸಮಯ ತೆಗೆದುಕೊಳ್ಳಲಾಗಿದೆ ಎಂಬ ಕಾರಣವನ್ನು ನೀಡಿದೆ.

ಅರ್ಧ ಸುಟ್ಟ ಫೋನ್‌ನಿಂದ ಮೆಮೊರಿ ಚಿಪ್ ಅನ್ನು ಮರುಪಡೆಯಲು ಕರ್ನಾಟಕದಲ್ಲಿ ಯಾವುದೇ ಸೌಲಭ್ಯ ಇರಲಿಲ್ಲ. ಮೆಮೊರಿ ಚಿಪ್ ಹಾಳಾಗುವ ಸಾಧ್ಯತೆಗಳಿದ್ದವು. ಗುಜರಾತ್ FSL (ವಿಧಿ ವಿಜ್ಞಾನ ಪ್ರಯೋಗಾಲಯ) ಮಾತ್ರ ಚಿಪ್ ಅನ್ನು ಮರುಪಡೆಯುವ ಸೌಲಭ್ಯವನ್ನು ಹೊಂದಿತ್ತು. ಈ ಚಿಪ್ ಮೇ 13 ರಂದು ತಮಗೆ ಲಭ್ಯವಾಗಿದೆ ಎಂದು ಸಿಐಡಿ ಜೂನ್ 14 ರಂದು ಕರ್ನಾಟಕ ಹೈಕೋರ್ಟ್‌ಗೆ ಪ್ರಕರಣವನ್ನು ರದ್ದುಗೊಳಿಸುವಂತೆ ಯಡಿಯೂರಪ್ಪ ಮಾಡಿದ ಮನವಿಯ ವಿಚಾರಣೆಯ ಸಂದರ್ಭದಲ್ಲಿ ಮಾಹಿತಿ ನೀಡಿತು.

ಘಟನೆ ನಡೆದ ಕೆಲ ದಿನಗಳ ನಂತರ ಮಾಜಿ ಸಿಎಂ ಆಪ್ತರ ಒತ್ತಾಯದ ಮೇರೆಗೆ ಸಂತ್ರಸ್ತೆಯ ತಾಯಿ ಯಡಿಯೂರಪ್ಪ ಅವರೊಂದಿಗಿನ ಘರ್ಷಣೆಯ ವಿಡಿಯೋವನ್ನು ತಮ್ಮ ಫೋನ್ ಹಾಗೂ ಸಾಮಾಜಿಕ ಜಾಲತಾಣದ ಖಾತೆಯಿಂದ ಡಿಲೀಟ್ ಮಾಡಿದ್ದರೆ, ಸಂತ್ರಸ್ತೆ ಬಳಸಿದ ಸಾಧನದಲ್ಲಿ ಮೂಲ ವಿಡಿಯೋ ಉಳಿದಿತ್ತು. ಇದು ರಹಸ್ಯವಾಗಿ ದಾಖಲಿಸಲಾಗಿತ್ತು. ಫೋನ್ ಕೆಲಸ ಮಾಡುವುದನ್ನು ನಿಲ್ಲಿಸಿದ್ದರಿಂದ ಮೆಮೋರಿ ಹಾನಿಯಾಗಿದೆ ಎಂದು ಭಾವಿಸಲಾಗಿತ್ತು ಆದರೆ ಮೆಮೊರಿ ಚಿಪ್ ಅನ್ನು ಮರುಪಡೆಯಲಾಗಿದೆ ಎನ್ನಲಾಗಿದೆ.

ಆಪಾದಿತ ಘಟನೆಯನ್ನು ಮುಚ್ಚಿಹಾಕಲು ಮಾಜಿ ಸಿಎಂ ಅವರ ಇತರ ಸಹಚರರ ಪ್ರಯತ್ನಗಳಿಗೆ ಸಾಕ್ಷಿಯಾಗಿದ್ದ ಯಡಿಯೂರಪ್ಪನವರ ಇಬ್ಬರು ಸಹಾಯಕರು ಮ್ಯಾಜಿಸ್ಟ್ರೇಟ್ ಮುಂದೆ ಕ್ರಿಮಿನಲ್ ಪ್ರೊಸೀಜರ್ ಕೋಡ್ (ಸಿಆರ್‌ಪಿಸಿ) ಸೆಕ್ಷನ್ 164 ರ ಅಡಿಯಲ್ಲಿ ತಪ್ಪೊಪ್ಪಿಗೆ ಹೇಳಿಕೆ ನೀಡಿದ್ದಾರೆ. ಸಂತ್ರಸ್ತೆ ಮತ್ತು ಆಕೆಯ ತಾಯಿಯ 164 ಹೇಳಿಕೆಗಳ ಜೊತೆಗೆ ಪ್ರಕರಣದ ಪ್ರಮುಖ ಸಾಕ್ಷ್ಯಗಳಲ್ಲಿ ಇದು ಕೂಡ ಸೇರಿದೆ ಎಂದು ಸಿಐಡಿ ಅಧಿಕಾರಿಗಳು ತಿಳಿಸಿದ್ದಾರೆ.