Donald Tump: ಕೆನಡಾ, ಮೆಕ್ಸಿಕೊ, ಚೀನಾ ಮೇಲೆ ಸುಂಕ ವಿಧಿಸಿದ ಆದೇಶಕ್ಕೆ ಟ್ರಂಪ್ ಸಹಿ

ಮೆಕ್ಸಿಕೊ, ಕೆನಡಾ ಮತ್ತು ಚೀನಾದಿಂದ ಆಮದಿನ ಮೇಲೆ ಕಠಿಣ ಸುಂಕ ವಿಧಿಸುವ ಆದೇಶಕ್ಕೆ ಅಮೆರಿಕ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ ಶನಿವಾರ ಸಹಿ ಹಾಕಿದ್ದಾರೆ. ಈ ಮೂಲಕ ಅವರು ಚುನಾವಣಾ ಪೂರ್ವ ಭರವಸೆಯನ್ನು ಈಡೇರಿಸಿದ್ದಾರೆ. ಈ ನಿರ್ಧಾರವು ಉತ್ತರ ಅಮೆರಿಕದಲ್ಲಿ ಹಣದುಬ್ಬರ ಹಾಗೂ ಉದ್ಯಮದ ಮೇಲೆ ಪರಿಣಾಮ ಬೀರುವ ಎಲ್ಲ ಸಾಧ್ಯತೆಗಳಿವೆ.

ಟ್ರಂಪ್ ಅವರ ಆದೇಶಕ್ಕೆ ಪ್ರತಿಯಾಗಿ ಆ ದೇಶಗಳು ಕೂಡ ಸುಂಕ ಹೆಚ್ಚಳ ಮಾಡಿದರೆ ಅಲ್ಲಿಯೂ ಅಮೆರಿಕದಲ್ಲಿಯೂ ಸಮಸ್ಯೆ ಉಂಟಾಗುವ ಎಲ್ಲ ಸಾಧ್ಯತೆಗಳು ಇವೆ.

ಈ ನಿರ್ಧಾರವು ಜಾಗತಿಕ ಆರ್ಥಿಕತೆಯ ಸಮತೋಲನ ಮತ್ತು ಹಣದುಬ್ಬರ ಎದುರಿಸುವ ಟ್ರಂಪ್ ಅವರ ಸ್ವಂತ ರಾಜಕೀಯ ಆಕಾಂಕ್ಷೆಗೆ ವಿರುದ್ಧವಾಗಿದೆ. ಆದಾಗ್ಯೂ ಟ್ರಂಪ್‌ ಈ ನಿರ್ಧಾರವನ್ನು ಸಮರ್ಥನೆ ಮಾಡಿಕೊಂಡಿದ್ದು "ಅಮೆರಿಕನ್ನರನ್ನು ರಕ್ಷಿಸುವುದು" ಅಗತ್ಯ ಎಂದು ಸಾಮಾಜಿಕ ಮಾಧ್ಯಮದಲ್ಲಿ ಪೋಸ್ಟ್ ಮಾಡಿದ್ದಾರೆ.

ಈ ಸುಂಕಗಳು ಅಮೆರಿಕದ ಎರಡು ಅತಿದೊಡ್ಡ ವ್ಯಾಪಾರ ಪಾಲುದಾರ ದೇಶವಾಗಿರುವ ಮೆಕ್ಸಿಕೊ ಮತ್ತು ಕೆನಡಾದಲ್ಲಿ ಆರ್ಥಿಕ ಬಿಕ್ಕಟ್ಟಿನ ಅಪಾಯವನ್ನುಂಟುಮಾಡಿದೆ. ಆ ಎರಡು ರಾಷ್ಟ್ರಗಳಿಂದ ಕಠಿಣ ಪ್ರತೀಕಾರದ ಸಾಧ್ಯತೆಯೊಂದಿಗೆ ದಶಕಗಳಷ್ಟು ಹಳೆಯ ವ್ಯಾಪಾರ ಸಂಬಂಧ ಬುಡಮೇಲು ಆಗಲಿದೆ. . ಸುಂಕಗಳು ಮುಂದುವರಿದರೆ ಹಣದುಬ್ಬರವು ಗಮನಾರ್ಹವಾಗಿ ಹೆಚ್ಚಬಹುದು. , ಟ್ರಂಪ್ ಭರವಸೆ ನೀಡಿದಂತೆ, ಅಗತ್ಯ ವಸ್ತುಗಳು, ಗ್ಯಾಸೋಲಿನ್, ಮನೆ, ವಾಹನಗಳು ಮತ್ತು ಇತರ ಸರಕುಗಳ ಬೆಲೆಗಳನ್ನು ಕಡಿಮೆ ಮಾಡಬಹುದು ಎಂಬ ಮತದಾರರ ಭರವಸೆ ಹುಸಿಯಾಲಿದೆ.

ಚೀನಾದಿಂದ ಆಮದಾಗುವ ಎಲ್ಲಾ ಆಮದಿನ ಮೇಲೆ ಶೇಕಡಾ 10 ರಷ್ಟು ಮತ್ತು ಮೆಕ್ಸಿಕೊ ಮತ್ತು ಕೆನಡಾದಿಂದ ಆಮದಿನ ಮೇಲೆ ಶೇಕಡಾ 25 ರಷ್ಟು ಸುಂಕ ವಿಧಿಸುವ ಹಿನ್ನೆಲೆಯಲ್ಲಿ ಟ್ರಂಪ್ ಆರ್ಥಿಕ ತುರ್ತು ಪರಿಸ್ಥಿತಿಯನ್ನು ಘೋಷಿಸಿದ್ದಾರೆ. ಆದರೆ ತೈಲ, ನೈಸರ್ಗಿಕ ಅನಿಲ ಮತ್ತು ವಿದ್ಯುತ್ ಸೇರಿದಂತೆ ಕೆನಡಾದಿಂದ ಆಮದು ಮಾಡಿಕೊಳ್ಳುವ ಸರಕುಗಳಿಗೆ ಶೇಕಡಾ 10 ರಷ್ಟು ತೆರಿಗೆ ವಿಧಿಸಲಾಗುತ್ತದೆ.

ಸುಂಕಗಳು ಮಂಗಳವಾರದಿಂದ ಜಾರಿಗೆ ಬರಲಿದ್ದು, ಉತ್ತರ ಅಮೆರಿಕಾದಲ್ಲಿ ಆರ್ಥಿಕ ಬೆಳವಣಿಗೆ ಹಾಳುಮಾಡುವ ಸಾಧ್ಯತೆಯಿದೆ. ಯುಎಸ್ ಕುಟುಂಬವು ತೆರಿಗೆಗಳಿಂದ 1,170 ಡಾಲರ್‌ ಆದಾಯ ಕಳೆದುಕೊಳ್ಳುತ್ತದೆ. ಕೆನಡಾ, ಮೆಕ್ಸಿಕೊ ಮತ್ತು ಚೀನಾ ಪ್ರತೀಕಾರ ತೀರಿಸಿಕೊಂಡರೆ ಪರಿಸ್ಥಿತಿ ಇನ್ನಷ್ಟು ಹದಗೆಡಬಹುದು ಎಂದು ವಿಶ್ಲೇಷಕರು ಹೇಳಿದ್ದಾರೆ.

ಯಾವುದೇ ವಿನಾಯಿತಿ ಇಲ್ಲ

ಟ್ರಂಪ್ ಸಹಿ ಮಾಡಿದ ಆದೇಶವು ವಿನಾಯಿತಿಗಳನ್ನು ನೀಡುವ ಯಾವುದೇ ಕಾರ್ಯವಿಧಾನ ಹೊಂದಿಲ್ಲ ಎಂದು ಅಧಿಕಾರಿಯೊಬ್ಬರು ಹೇಳಿದ್ದಾರೆ. ಇದು ಕೆನಡಾದ ಮರಮುಟ್ಟುಗಳನ್ನು ಅವಲಂಬಿಸಿರುವ ಮನೆ ಕಟ್ಟುವವರಿಗೆ ಮತ್ತು ರೈತರು, ವಾಹನ ತಯಾರಕರು ಮತ್ತು ಇತರ ಕೈಗಾರಿಕೆಗಳಿಗೆ ಸಂಭಾವ್ಯ ಹೊಡೆತವಾಗಿದೆ.