ನಾಪತ್ತೆಯಾಗಿದ್ದ ಭಾರತೀಯ ಸಂಜಾತೆ, ಪಿಟ್ಸ್‌ಬರ್ಗ್‌ ವಿ.ವಿ. ವಿದ್ಯಾರ್ಥಿನಿ ಸುದೀಕ್ಷಾ ಕೋನಂಕಿ ಬಟ್ಟೆಗಳು ಬೀಚ್​ನಲ್ಲಿ ಪತ್ತೆ

ಡೊಮೆನಿಕಾ ರಿಪಬ್ಲಿಕ್​ನಲ್ಲಿ ಕಾಣೆಯಾಗಿರುವ ಭಾರತ ಮೂಲಕ 20 ವರ್ಷದ ವಿದ್ಯಾರ್ಥಿನಿ ಸುದೀಕ್ಷಾ ಕೋನಂಕಿ ಅವರಿಗೆ ಸೇರಿದೆ ಎನ್ನಲಾದ ಬಟ್ಟೆಗಳು ಸಿಕ್ಕಿವೆ ಎಂದು ತನಿಖಾಧಿಕಾರಿಗಳು ಹೇಳಿದ್ದಾರೆ. ಡೊಮಿನಿಕನ್ ರಿಪಬ್ಲಿಕ್ ಬೀಚ್​​ನ ಲಾಂಜ್ ಕುರ್ಚಿಯಲ್ಲಿ ಬಟ್ಟೆಗಳು ಇದ್ದವು ಎಂದು ಹೇಳಲಾಗಿದೆ. ಮಾರ್ಚ್ 6ರಂದು ಕೋನಂಕಿ ಕಣ್ಮರೆಯಾಗಿದ್ದರು ಎಂದು ನ್ಯೂಯಾರ್ಕ್ ಪೋಸ್ಟ್ ವರದಿ ಮಾಡಿದೆ.

ಇತ್ತೀಚೆಗೆ ಬಿಡುಗಡೆ ಮಾಡಿದ ಚಿತ್ರಗಳಲ್ಲಿ ಕುರ್ಚಿಯ ಮೇಲೆ ಇರಿಸಲಾದ ಬಿಳಿ ಬಲೆಯ ವೇಲ್​ಗಳು ಮತ್ತು ಅದರ ಪಕ್ಕದಲ್ಲಿ ಮರಳಿನಿಂದ ಮುಚ್ಚಿದ ಒಂದು ಜೋಡಿ ಚಪ್ಪಲಿಗಳು ಕಂಡುಬಂದಿವೆ.

ಕೊನಂಕಿ ಕೊನೆಯ ಬಾರಿಗೆ ಮಾರ್ಚ್ 6 ರ ಬೆಳಿಗ್ಗೆ 5: 50 ರ ಸುಮಾರಿಗೆ ಜೋಶ್ ರಿಬೆ ಎಂಬ ವ್ಯಕ್ತಿಯ ಜತೆ ಪುಂಟಾ ಕಾನಾದ ಬೀಚ್​ ರೆಸಾರ್ಟ್​ನಲ್ಲಿ ಕಾಣಿಸಿಕೊಂಡಿದ್ದರು. ಮುಂಜಾನೆ 4:15 ರ ಸುಮಾರಿಗೆ ರಿಬೆ ಕೈ ಹಿಡಿದು ನಡೆಯುತ್ತಿರುವುದನ್ನು ಕ್ಯಾಮೆರಾಗಳಲ್ಲಿ ಸೆರೆಯಾಗಿತ್ತು.

ಪಿಟ್ಸ್​​ಬರ್ಗ್​​ ವಿಶ್ವವಿದ್ಯಾಲಯದ ವಿದ್ಯಾರ್ಥಿನಿಯಾಗಿದ್ದ ಸುದೀಕ್ಷಾ, ಅವರು ಮಾರ್ಚ್ 3ರಿಂದ ಕೆರಿಬಿಯನ್​ಗೆ ರಜೆ ಕಳೆಯಲು ಹೋಗಿದ್ದರು. ಈ ವೇಳೆ ಅವರು ರಿಬೆ ಜತೆಗಿದ್ದರು. ಕೊನಂಕಿ ಸಮುದ್ರದಲ್ಲಿ ಮುಳುಗಿರಬಹುದು ಎಂದು ಅಧಿಕಾರಿಗಳು ಊಹಿಸಿದ್ದಾರೆ. ಇಲ್ಲಿಯೂ ಮೋಸ ಇರಬಹುದು ಎಂದು ಅಂದಾಜಿಸಿದ್ದಾರೆ. ಆದರೆ ಆಕೆಯ ಕುಟುಂಬವು ಅಪಹರಣವಾಗಿರಬಹುದು ಎಂದೇ ಹೇಳುತ್ತಿದೆ.