ಬಾಂಗ್ಲಾದಲ್ಲಿ ಇಸ್ಕಾನ್ ಸಂತ ಕೃಷ್ಣದಾಸ್​ ಪರ ವಾದ ಮಾಡಲು ವಕೀಲರೇ ಇಲ್ಲ!

ಬಾಂಗ್ಲಾದೇಶದಲ್ಲಿ ಇಸ್ಕಾನ್ ಸಂತ ಕೃಷ್ಣದಾಸ್ ಅವರ ವಕೀಲರ ಮೇಲೆ ಮಾರಕ ದಾಳಿ ನಡೆದ ಬಳಿಕ ಅವರ ಪರವಾಗಿ ಕೋರ್ಟ್​ನಲ್ಲಿ ವಾದ ಮಾಡಲು ವಕೀಲರೇ ಇಲ್ಲದಂತಾಗಿದೆ. ಹೀಗಾಗಿ ತಮ್ಮ ಸಂಸ್ಥೆಯ ಸದಸ್ಯರ ಪರವಾಗಿ ವಾದ ಮಾಡುವ ವಕೀಲರಿಗೆ ಭದ್ರತೆ ನೀಡಲು ಕೋಲ್ಕತ್ತಾದ ಇಂಟರ್ ಇಸ್ಕಾನ್ ಬಾಂಗ್ಲಾದೇಶ ಸರ್ಕಾರಕ್ಕೆ ಮನವಿ ಮಾಡಿದೆ.

ಇಸ್ಕಾನ್ ಕೋಲ್ಕತಾ ವಕ್ತಾರ ರಾಧಾರಾಮ್ ದಾಸ್ ಸೋಮವಾರ (ಡಿಸೆಂಬರ್ 2) ಕಳವಳ ವ್ಯಕ್ತಪಡಿಸಿದ್ದು,. ಚಿನ್ಮಯ್ ಕೃಷ್ಣ ದಾಸ್ ಅವರ ಪರವಾಗಿ ಕೋರ್ಟ್​ನಲ್ಲಿ ವಾದ ಮಾಡುತ್ತಿದ್ದ ರಾಮನ್ ರಾಯ್ ಅವರ ಮೇಲೆ ಬಾಂಗ್ಲಾದೇಶದ ಅವರ ಮನೆ ಮೇಲೆ ದಾಳಿ ಮಾಡಿದ ಇಸ್ಲಾಮಿಕ್ ಗುಂಪುಗಳು ಅವರ ಮೇಲೆ ಹಲ್ಲೆ ನಡೆಸಿವೆ ಎಂದು ಹೇಳಿದ್ದಾರೆ.

ರಾಯ್ ಮೇಲಿನ ದಾಳಿಯ ನಂತರ ಭದ್ರತಾ ಕಾರಣಗಳನ್ನು ಉಲ್ಲೇಖಿಸಿ ಚಿನ್ಮಯ್ ಕೃಷ್ಣ ದಾಸ್ ಅವರನ್ನು ಪ್ರತಿನಿಧಿಸಲು ಯಾವುದೇ ಹೊಸ ವಕೀಲರು ಮುಂದೆ ಬರುತ್ತಿಲ್ಲ ಎಂದು ದಾಸ್ ಹೇಳಿದ್ದಾರೆ.

"ಕೃಷ್ಣ ದಾಸ್​ ಪ್ರಕರಣದ ಹೋರಾಡಲು ಇಲ್ಲಿಯವರೆಗೆ ಯಾವುದೇ ಹೊಸ ವಕೀಲರು ಬಂದಿಲ್ಲ. ಈ ಪ್ರಕರಣದ ವಿರುದ್ಧ ಹೋರಾಡಲು ಬಯಸುವವರು ರಾಮೆನ್ ರಾಯ್ ಅವರಂತೆಯೇ ಪರಿಣಾಮಗಳನ್ನು ಎದುರಿಸಬೇಕಾಗಬಹುದು ಎಂದು ಅವರೆಲ್ಲರೂ ಹೆದರುತ್ತಾರೆ. ಪ್ರಕರಣದ ವಿರುದ್ಧ ಹೋರಾಡಲು ಸಿದ್ಧರಿರುವ ವಕೀಲರಿಗೆ ಸಾಕಷ್ಟು ಸುರಕ್ಷತೆ ಮತ್ತು ಭದ್ರತೆ ಒದಗಿಸುವಂತೆ ನಾವು ಬಾಂಗ್ಲಾದೇಶ ಸರ್ಕಾರವನ್ನು ವಿನಂತಿಸುತ್ತೇವೆ" ಎಂದು ಅವರು ಹೇಳಿದ್ದಾರೆ.

"ಉದ್ದೇಶಿತ ದಾಳಿಗಳನ್ನು ಕಠಿಣವಾಗಿ ಎದುರಿಸಬೇಕು. ಪರಿಸ್ಥಿತಿ ತೀವ್ರ ಆತಂಕಕಾರಿಯಾಗಿದೆ ಮತ್ತು ಬಾಂಗ್ಲಾದೇಶದಲ್ಲಿ ಅಲ್ಪಸಂಖ್ಯಾತರಿಗೆ ನ್ಯಾಯ ಬೆಂಬಲಿಸುವವರು ಎದುರಿಸುತ್ತಿರುವ ಪ್ರತಿಕೂಲ ವಾತಾವರಣ ಎತ್ತಿ ತೋರಿಸುತ್ತದೆ" ಎಂದು ಅವರು ಹೇಳಿದರು.

ರಾಧಾರಾಮ್ ದಾಸ್ ಅವರ ಪ್ರಕಾರ, ಚಿನ್ಮಯ್ ಕೃಷ್ಣ ದಾಸ್ ಅವರ ಪರ ವಕೀಲಿಕೆ ಮಾಡಿರುವುದಕ್ಕೆ ಅಲ್ಲಿನ ಇಸ್ಲಾಮಿಕ್ ಗುಂಪುಗಳು ಅವರ ಮೇಲೆ ದಾಳಿ ಮಾಡಿವೆ ಎಂದು ಹೇಳಿದರು.

ವಕೀಲನಿಗೆ ಗಂಭೀರ ಗಾಯ: ಇಸ್ಕಾನ್

ದಾಳಿಯಲ್ಲಿ ರಾಯ್ ಗಂಭೀರವಾಗಿ ಗಾಯಗೊಂಡಿದ್ದು, ಅವರು ಪ್ರಸ್ತುತ ಐಸಿಯುನಲ್ಲಿದ್ದಾರೆ, ಅವರು ಜೀವನ್ಮರಣದ ನಡುವೆ ಹೋರಾಡುತ್ತಿದ್ದಾರೆ ಎಂದು ಇಸ್ಕಾನ್ ಕೋಲ್ಕತಾ ವಕ್ತಾರರು ಹೇಳಿದ್ದಾರೆ.

"ದಯವಿಟ್ಟು ವಕೀಲ ರಾಮನ್ ರಾಯ್​ಗಾಗಿ ಪ್ರಾರ್ಥಿಸಿ. ಚಿನ್ಮಯ್ ಕೃಷ್ಣ ದಾಸ್ ಅವರನ್ನು ನ್ಯಾಯಾಲಯದಲ್ಲಿ ಸಮರ್ಥಿಸಿದ್ದು ಅವರ ಏಕೈಕ ತಪ್ಪು. ಅವರ ಮನೆಯನ್ನು ಲೂಟಿ ಮಾಡಲಾಗಿದೆ. ಕ್ರೂರವಾಗಿ ಹಲ್ಲೆ ನಡೆಸಲಾಗಿದೆ. ಅವರನ್ನು ಐಸಿಯುನಲ್ಲಿ ಬಿಟ್ಟು, ಜೀವನ್ಮರಣದ ನಡುವೆ ಹೋರಾಡುತ್ತಿದ್ದಾರೆ ಎಂದು ಬರೆಯಲಾಗಿದೆ.

ಬಾಂಗ್ಲಾದೇಶ ಸಮ್ಮಿಲಿತಾ ಸನಾತನ ಜಾಗರಣ್ ಜೋಟೆಯ ವಕ್ತಾರರಾಗಿದ್ದ ಚಿನ್ಮಯ್ ಕೃಷ್ಣ ದಾಸ್ ಅವರನ್ನು ಕಳೆದ ವಾರ ಢಾಕಾದ ಹಜರತ್ ಶಹಜಲಾಲ್ ಅಂತರರಾಷ್ಟ್ರೀಯ ವಿಮಾನ ನಿಲ್ದಾಣದಲ್ಲಿ ಬಂಧಿಸಲಾಗಿತ್ತು. . ಅವರಿಗೆ ಕೋರ್ಟ್​ನಲ್ಲಿ ಜಾಮೀನು ನಿರಾಕರಿಸಲಾಗಿದೆ.

ಒಂದು ತಿಂಗಳ ನಂತರ ಮುಂದಿನ ಜಾಮೀನು ವಿಚಾರಣೆ

ಮಂಗಳವಾರ (ಡಿಸೆಂಬರ್ 3) ಚಟ್ಟೋಗ್ರಾಮ್​​ ನ್ಯಾಯಾಲಯದಲ್ಲಿ ಚಿನ್ಮಯ್ ಕೃಷ್ಣ ದಾಸ್ ಅವರ ಜಾಮೀನು ವಿಚಾರಣೆಯ ಸಮಯದಲ್ಲಿ, ಅವರ ಪರವಾಗಿ ಯಾವುದೇ ವಕೀಲರು ಹಾಜರಾಗಲಿಲ್ಲ. ನ್ಯಾಯಾಲಯವು ಜಾಮೀನು ವಿಚಾರಣೆಯ ಮುಂದಿನ ದಿನಾಂಕವನ್ನು ಜನವರಿ 2, 2025 ಕ್ಕೆ ನಿಗದಿಪಡಿಸಿದೆ.

ಬಾಂಗ್ಲಾದೇಶದ ಸನಾತನ ಜಾಗರಣ್ ಜೋತೆ ತನ್ನ ವಕ್ತಾರ ಚಿನ್ಮಯ್ ಕೃಷ್ಣ ದಾಸ್ ಅವರ ಜಾಮೀನು ವಿಚಾರಣೆಯಲ್ಲಿ ಭಾಗವಹಿಸುವುದನ್ನು ತಡೆಯಲು ಸುಮಾರು 70 ಹಿಂದೂ ವಕೀಲರ ವಿರುದ್ಧ ಸುಳ್ಳು ಮೊಕದ್ದಮೆ ಹೂಡಲಾಗಿದೆ ಎಂದು ಬಾಂಗ್ಲಾದೇಶದ ದೈನಿಕ ದಿ ಬಿಸಿನೆಸ್ ಸ್ಟ್ಯಾಂಡರ್ಡ್'' ವರದಿ ಮಾಡಿದೆ.

ಚಿನ್ಮಯ್ ದಾಸ್ ಪರ ವಾದಿಸುವ ವಕೀಲರ ಸಾಮರ್ಥ್ಯ ಹಾಳುಮಾಡಲು ಸ್ಫೋಟಕ ಕಾಯ್ದೆಯಡಿ ಚಟ್ಟೋಗ್ರಾಮ್ನ ಕೊಟ್ವಾಲಿ ಪೊಲೀಸ್ ಠಾಣೆಯಲ್ಲಿ ದಾಖಲಾದ ಪ್ರಕರಣದಲ್ಲಿ ವಕೀಲರ ವಿರುದ್ಧ ಮೊಕದ್ದಮೆ ಹೂಡಲಾಗಿದೆ ಎಂದು ಹೇಳಲಾಗಿದೆ.