ಪದ್ಮಭೂಷಣ ಪ್ರಶಸ್ತಿ: ಭೈರಪ್ಪ ಹಿಂದುತ್ವ ಬದ್ಧತೆಗೆ ಮೋದಿ ಕೊಟ್ಟ ಕೊಡುಗೆಯೇ?

ಕೇಂದ್ರದಲ್ಲಿ ಬಿಜೆಪಿ ಅಧಿಕಾರಕ್ಕೆ ಬಂದಾಗಿನಿಂದ ಲೇಖಕ ಡಾ.ಎಸ್.ಎಲ್. ಭೈರಪ್ಪ ಅವರಿಗೆ ಪ್ರತಿಷ್ಠಿತ ಜ್ಞಾನಪೀಠ ಪ್ರಶಸ್ತಿ ನೀಡಬಹುದು ಎಂದು ಅವರ ಅಭಿಮಾನಿಗಳು ಕನಸು ಕಾಣುತ್ತಿದ್ದಾರೆ. ಸಾಹಿತ್ಯ ಮತ್ತು ಸಂಶೋಧನಾ ಸಂಸ್ಥೆ ನೀಡುವ ಈ ಪ್ರಶಸ್ತಿಯ ಆಯ್ಕೆ ಪ್ರಕ್ರಿಯೆಯ ಬಗ್ಗೆ ಬಹುಶಃ ಭೈರಪ್ಪ ಅವರ ಅಭಿಮಾನಿಗಳಿಗೆ ತಿಳಿದಿಲ್ಲ. ಬರಹಗಾರನ ರಾಜಕೀಯ ಮತ್ತು ಸೈದ್ಧಾಂತಿಕ ಬದ್ಧತೆಗಿಂತ ಈ ಪ್ರಶಸ್ತಿಯ ಮೌಲ್ಯ ದೊಡ್ಡದು ಎನ್ನುವುದು ಆ ಅಭಿಮಾನಿಗಳಿಗೆ ತಿಳಿದಿಲ್ಲ.

ಸ್ವಾಭಾವಿಕವಾಗಿ, ಪ್ರತಿ ವರ್ಷವೂ ಭೈರಪ್ಪ ಅವರ ಅನುಯಾಯಿಗಳು ಮತ್ತು ಅಭಿಮಾನಿಗಳು ನಿರಾಶೆಗೊಳ್ಳುತ್ತಿದ್ದಾರೆ. ಏಕೆಂದರೆ ಪ್ರಶಸ್ತಿಯ ಆಯ್ಕೆ ಪ್ರಕ್ರಿಯೆಯು ಯಾವುದೇ ಪ್ರಭಾವದಿಂದ ನಡೆಯುವುದಿಲ್ಲ, ಅದು ಸ್ವತಂತ್ರವಾಗಿರುತ್ತದೆ ಮತ್ತು ಪಾರದರ್ಶಕವಾಗಿರುತ್ತದೆ.

ಭೈರಪ್ಪ ಅವರಿಗೆ ಜ್ಞಾನಪೀಠ ಪ್ರಶಸ್ತಿಯನ್ನು ನೀಡಬೇಕು ಎಂದು 2019 ರಲ್ಲಿ ಕರ್ನಾಟಕದ ಮುಖ್ಯಮಂತ್ರಿ ಬಿ ಎಸ್ ಯಡಿಯೂರಪ್ಪ ಅವರು ಮೈಸೂರಿನ ಸಾರ್ವಜನಿಕ ಸಮಾರಂಭದಲ್ಲಿ ತಮ್ಮ ಬಯಕೆಯನ್ನು ವ್ಯಕ್ತಪಡಿಸಿದ್ದರು.

ಭೈರಪ್ಪನವರಿಗೆ ಜ್ಞಾನಪೀಠ ಸಿಗದಿದ್ದಕ್ಕಾಗಿ ನಿರಾಶೆಗೊಂಡಿದ್ದ ಅವರ ಅನುಯಾಯಿಗಳು ಮತ್ತು ಅಭಿಮಾನಿಗಳಿಗೆ 2023 ರ ಜನವರಿಯಲ್ಲಿ ಸ್ವಲ್ಪ ಸಮಾಧಾನ ಸಿಕ್ಕಂತಿದೆ. ಏಕೆಂದರೆ ಅಷ್ಟೋತ್ತಮ ಕಾದಂಬರಿಕಾರ ಭೈರಪ್ಪ ಅವರು ಸಾಹಿತ್ಯ ಕ್ಷೇತ್ರಕ್ಕೆ ನೀಡಿದ ಕೊಡುಗೆಗಾಗಿ ಪ್ರತಿಷ್ಠಿತ ಪದ್ಮಭೂಷಣ ಪ್ರಶಸ್ತಿಗೆ ಆಯ್ಕೆಯಾಗಿದ್ದಾರೆ.

ಭೈರಪ್ಪನ ವಿಶೇಷತೆ

ಅವರ ಹೆಚ್ಚಿನ ಕಾದಂಬರಿಗಳು ಮರುಮುದ್ರಣ ಕಂಡಿವೆ. ಅವರ ಅತ್ಯಂತ ವಿವಾದಾತ್ಮಕ ಕಾದಂಬರಿಗಳಾದ ಆವರಣ ಮತ್ತು ಕವಲು ಬಿಡುಗಡೆಗೂ ಮುನ್ನವೇ ಮಾರಾಟವಾದವು. ಭೈರಪ್ಪನವರ ವಂಶವೃಕ್ಷ, ತಬ್ಬಲಿಯು ನೀನಾದೆ ಮಗನೆ ಮತ್ತು ಮತದಾನ ಕಾದಂಬರಿಗಳನ್ನು ಖ್ಯಾತ ಚಲನಚಿತ್ರ ನಿರ್ಮಾಪಕರಾದ ಗಿರೀಶ್ ಕಾರ್ನಾಡ್, ಟಿ. ಎನ್ ಸೀತಾರಾಮ್ ಮತ್ತು ಗಿರೀಶ್ ಕಾಸರವಳ್ಳಿ ಅವರು ಚಲನಚಿತ್ರಗಳಾಗಿ ಮಾಡಿದ್ದಾರೆ. ಅವರು ಮತ್ತು ಕಾರ್ನಾಡರು ಜಂಟಿಯಾಗಿ ವಂಶವೃಕ್ಷ ಕಾದಂಬರಿಯನ್ನು ನಿರ್ದೇಶಿಸಿದ್ದಾರೆ. ಆ ನಂತರದ ಹಂತದಲ್ಲಿ, ಕಾರ್ನಾಡ್ ಅವರು ನಿರ್ದೇಶಿಸಿದ್ದಕ್ಕಾಗಿ ಪಶ್ಚಾತ್ತಾಪಪಟ್ಟರು. ಅವರ ಹೆಗ್ಗುರುತಿನ ಕಾದಂಬರಿಗಳಾದ ಗೃಹಭಂಗ ಮತ್ತು ದಾತು ಮನರಂಜನಾ ವಾಹಿನಿಗಳಲ್ಲಿ ಧಾರಾವಾಹಿಯಾಗಿ ಪ್ರಸಾರಗೊಂಡಿವೆ.

'ಆವರಣ' ಭೈರಪ್ಪನವರ ಅತ್ಯಂತ ವಿವಾದಾತ್ಮಕ ಕೃತಿಯಾಗಿದೆ. ಅದು ಬಿಡುಗಡೆಗೆ ಮುಂಚೆಯೇ ಮಾರಾಟವಾಯಿತು ಮತ್ತು ಅದರ ಪ್ರಕಟಣೆಯ ಐದು ತಿಂಗಳೊಳಗೆ ಹತ್ತು ಮರುಮುದ್ರಣಗಳ ದಾಖಲೆಯನ್ನು ಕಂಡಿತು.

ಅಪಾಯಕಾರಿ ಸಾಹಿತ್ಯ ಕೃತಿ ಎಂದಿದ್ದ ಅನಂತಮೂರ್ತಿ

ಜ್ಞಾನಪೀಠ ಪುರಸ್ಕೃತ ಲೇಖಕರಾದ ಡಾ ಯು ಆರ್ ಅನಂತಮೂರ್ತಿ ಮತ್ತು ಗಿರೀಶ್ ಕಾರ್ನಾಡ್ ಅವರು ಹಿಂದೂ ಧರ್ಮದ ಬಗ್ಗೆ ಭೈರಪ್ಪನವರ ನಿಲುವನ್ನು ಟೀಕಿಸಿದ್ದರು.

ಅನಂತಮೂರ್ತಿಯವರು ಆವರಣವನ್ನು “ಅಪಾಯಕಾರಿ ಸಾಹಿತ್ಯ ಕೃತಿ” ಎಂದು ಕರೆಯುವ ಮಟ್ಟಕ್ಕೆ ಹೋಗಿದ್ದಾರೆ. ಅವರ ದಶಕದ ಸಾಹಿತ್ಯಿಕ ವೃತ್ತಿಜೀವನದ ಉದ್ದಕ್ಕೂ ಪ್ರಚೋದನಕಾರಿ ಬರಹಗಳನ್ನೇ ಬರೆದಿದ್ದಾರೆ ಎಂದು ಅವರ ವಿಮರ್ಶಕರು ಸಹ ಒಪ್ಪಿಕೊಳ್ಳುತ್ತಾರೆ. ಆವರಣವು ಸ್ವಾತಂತ್ರೋತ್ತರ ಭಾರತದಲ್ಲಿ ಆಚರಣೆಯಲ್ಲಿರುವ "ಸೆಕ್ಯುಲರಿಸಂ"ನ ಅನಾವರಣವಾಗಿದೆ ಎಂದು ವಿಮರ್ಶಕರು ಟೀಕಿಸಿದ್ದಾರೆ.

ಭೈರಪ್ಪನವರ ಎಲ್ಲ ಕೃತಿಗಳು ಹಿಂದುತ್ವದ ಪರವಾದ ನಿಲುವುಗಳಿಂದ ಗ್ರಹಣ ಹಿಡಿದಿವೆ. ಅವರ ಮೂಲಭೂತವಾದಿ ನಿಲುವುಗಳಿಂದಾಗಿ ಯಾವಾಗಲೂ ವಿವಾದಗಳ ಕೇಂದ್ರಬಿಂದುವಾಗಿರುತ್ತಾರೆ. ಭೈರಪ್ಪ ಅವರು ಜಾತಿ, ಧರ್ಮ ಮತ್ತು ಲಿಂಗದ ಬಗ್ಗೆ ತಮ್ಮ ಅಭಿಪ್ರಾಯಗಳ ಮೂಲಕ ವಿವಾದಾತ್ಮಕ ವ್ಯಕ್ತಿಯಾಗಿ ಪ್ರಚಾರ ಪಡೆದಿದ್ದಾರೆ.

ಟಿಪ್ಪು ಟೀಕಿಸಿ ಸಂಘಪರಿವಾರದ ದೇವದೂತರಾದ ಭೈರಪ್ಪ

ಗಿರೀಶ್ ಕಾರ್ನಾಡ್ ಮತ್ತು ಇತರ ಲೇಖಕರು ಟಿಪ್ಪು ಸುಲ್ತಾನರ ಧಾರ್ಮಿಕ ಸಹಿಷ್ಣುತೆಯ ಕುರಿತಾಗಿ ಚರ್ಚೆಯನ್ನು ಹುಟ್ಟುಹಾಕಿದರು. ಈ ಸಂದರ್ಭದಲ್ಲಿ ಭೈರಪ್ಪ ಅವರು ಟಿಪ್ಪುವನ್ನು ರಾಷ್ಟ್ರೀಯ ನಾಯಕನಿಗಿಂತ ಹೆಚ್ಚಾಗಿ ಧಾರ್ಮಿಕ ಮತಾಂಧ ಎಂದು ಬಣ್ಣಿಸಿದರು. ಆ ಮೂಲಕ ಭೈರಪ್ಪ ಅವರು ಸಂಘಪರಿವಾರದ ಕಣ್ಣಿಗೆ ದೇವದೂತರಾದರು.

ಭೈರಪ್ಪ ವಿವಾದಾತ್ಮಕ ನಿಲುವುಗಳು

ಭೈರಪ್ಪ ಅವರು ತಮ್ಮ ದಶಕದ ಸಾಹಿತ್ಯಿಕ ವೃತ್ತಿಜೀವನದುದ್ದಕ್ಕೂ ಜಾತಿ, ಧರ್ಮ ಮತ್ತು ಲಿಂಗದ ವಿಚಾರಗಳಲ್ಲಿ ತಮ್ಮ ಅಭಿಪ್ರಾಯಗಳ ಮೂಲಕ ವಿವಾದಾತ್ಮಕ ವ್ಯಕ್ತಿಯಾಗಿ ಪ್ರಸಿದ್ಧಿ ಪಡೆದಿದ್ದಾರೆ.

ಧಾರ್ಮಿಕ ಮತಾಂತರ, ಗೋಹತ್ಯೆ ವಿರುದ್ಧ ಅವರು ದನಿಯೆತ್ತಿದ್ದಾರೆ. ಸಂಸ್ಕೃತವನ್ನು 'ಎಲ್ಲಾ ಭಾರತೀಯ ಭಾಷೆಗಳ ತಾಯಿ' ಎಂದು ಹೊಗಳಿದರು. ಬಿಜೆಪಿ ಸರ್ಕಾರದ ಘರ್ ವಾಪ್ಸಿ ಕ್ರಮವನ್ನು ಸಮರ್ಥಿಸಿದರು. ಮುಟ್ಟಿನ ವಯಸ್ಸಿನಲ್ಲಿ ಹಿಂದೂ ದೇವಾಲಯಗಳಿಗೆ ಮಹಿಳೆಯರ ಪ್ರವೇಶವನ್ನು ಭೈರಪ್ಪ ವಿರೋಧಿಸಿದರು.

ಶಬರಿಮಲೆಯ ಅಯ್ಯಪ್ಪ ದೇಗುಲಕ್ಕೆ ಮಹಿಳೆಯರ ಪ್ರವೇಶಕ್ಕೆ ಸಂಬಂಧಿಸಿದಂತೆ ಭೈರಪ್ಪ ಅವರ ನಿಲುವಿಗೆ ಲೇಖಕರು ತೀವ್ರ ಆಕ್ಷೇಪ ವ್ಯಕ್ತಪಡಿಸಿದ್ದರು. ಲೇಖಕಿ, ಅನುವಾದಕಿ ಹಾಗೂ ಪತ್ರಕರ್ತೆ ಪ್ರೀತಿ ನಾಗರಾಜ್ ಅವರು ಭೈರಪ್ಪ ಅವರ ಹೇಳಿಕೆಗೆ ಸಾಮಾಜಿಕ ಜಾಲತಾಣಗಳಲ್ಲಿ ತಿರುಗೇಟು ನೀಡಿದ್ದರು. ''ಮುಟ್ಟಿನ ರಕ್ತವನ್ನು ಮಹಿಳೆಯರು ಗರ್ಭಕೋಶದಲ್ಲಿ ಸಂಗ್ರಹಿಸುತ್ತಾರೆ. ಆದರೆ, ಶಾಪಗ್ರಸ್ತ ದರಿದ್ರ ಪುರುಷರು ಅದನ್ನು ಯಾವಾಗಲೂ ತಮ್ಮ ತಲೆಯ ಮೇಲೆ ಇಟ್ಟುಕೊಂಡಿರುತ್ತಾರೆ'' ಎಂದು ಪ್ರೀತಿ ನಾಗರಾಜ್ ಕಟುವಾಗಿ ಟೀಕಿಸಿದ್ದರು.

ನೆಹರೂ ಅವರನ್ನು ಟೀಕಿಸುವ ಮೂಲಕ ಭೈರಪ್ಪ ಅವರು ಸಂಘಪರಿವಾರಕ್ಕೆ ಮಾತ್ರವಲ್ಲ, ಪ್ರಧಾನಿ ಮೋದಿಯವರಿಗೂ ‘ಡಾರ್ಲಿಂಗ್’ ಆಗಿದ್ದಾರೆ. ಆದ್ದರಿಂದಲೇ ಸಮಾಜದ ಒಂದು ವರ್ಗವು ಭೈರಪ್ಪ ಅವರನ್ನು ಪದ್ಮ ಪ್ರಶಸ್ತಿಗೆ ಆಯ್ಕೆ ಮಾಡುವುದನ್ನು, ‘ಹಿಂದುತ್ವ ಸಿದ್ಧಾಂತವನ್ನು ಪ್ರಚಾರ ಮಾಡುತ್ತಿರುವ ಲೇಖಕರಿಗೆ ಪ್ರಧಾನಿ ನೀಡಿದ ಬಹುಮಾನ’ ಎಂದು ನೋಡುತ್ತಿದ್ದಾರೆ.

ಬಿಜೆಪಿ ಮತ್ತು ಸಂಘಪರಿವಾರದಿಂದ ನಿಲುವನ್ನು ಸದಾ ಬೆಂಬಲಿಸುವ ಮತ್ತು ಅದಕ್ಕೆ ಬುದ್ಧಿಜೀವಿ ವಲಯದ ಮಾನ್ಯತೆಯ ಮೊಹರು ಒತ್ತುವ ಭೈರಪ್ಪ ಅವರನ್ನು, ಅವರ ಅಂತಹ ನಿಲುವು, ನಡೆಗಳ ಕಾರಣಕ್ಕೆ ಪೂರ್ತಿಯಾಗಿ ಕಡೆಗಣಿಸಲಾಗದು. ಏಕೆಂದರೆ ಕನ್ನಡ ಸಾಹಿತ್ಯ ಕ್ಷೇತ್ರದಲ್ಲಿ ಅವರು ಒಂದು ಶಕ್ತಿಯಾಗಿದ್ದಾರೆ ಮತ್ತು ಕರ್ನಾಟಕದ ಸಾಹಿತ್ಯಿಕ ಇತಿಹಾಸವನ್ನು ದಾಖಲಿಸುವಾಗ ಅವರ ಕೊಡುಗೆಯನ್ನು ಕಡೆಗಣಿಸಲಾಗುವುದಿಲ್ಲ. ವಾಸ್ತವವಾಗಿ ಹೆಸರಾಂತ ಚಲನಚಿತ್ರ ನಿರ್ಮಾಪಕ ಪಿ ಶೇಷಾದ್ರಿ ಅವರು ಕೇಂದ್ರ ಸಾಹಿತ್ಯ ಅಕಾಡೆಮಿಗಾಗಿ ಭೈರಪ್ಪ ಅವರ ಕುರಿತು ಸಾಕ್ಷ್ಯಚಿತ್ರವನ್ನು ಮಾಡಿದ್ದಾರೆ.