![ದರ್ಶನ್ ಜೈಲಿನಲ್ಲಿರುವಾಗ ʻಶಾಸ್ತ್ರಿʼ ಸಿನಿಮಾ ರೀ- ರಿಲೀಸ್ ದರ್ಶನ್ ಜೈಲಿನಲ್ಲಿರುವಾಗ ʻಶಾಸ್ತ್ರಿʼ ಸಿನಿಮಾ ರೀ- ರಿಲೀಸ್](https://karnataka.thefederal.com/h-upload/2024/07/09/459405-p20545543ih9aa.webp)
ದರ್ಶನ್ ಜೈಲಿನಲ್ಲಿರುವಾಗ ʻಶಾಸ್ತ್ರಿʼ ಸಿನಿಮಾ ರೀ- ರಿಲೀಸ್
ಈ ನಡುವೆ ದರ್ಶನ್ ನಟನೆಯ 2005 ರ ಹಿಟ್ ಸಿನಿಮಾ ʻಶಾಸ್ತ್ರಿʼ ಸಿನಿಮಾ ರೀ- ರಿಲೀಸ್ ಗೆ ಘೋಷಣೆಯಾಗಿದೆ. ವಿತರಕ ಶಂಕರ್ ಅವರು ದರ್ಶನ್ ನಟನೆಯ 2005 ರ ಹಿಟ್ ಸಿನಿಮಾ ಶಾಸ್ತ್ರಿ ರೀ- ರಿಲೀಸ್ ಘೋಷಿಸಿದ್ದಾರೆ.
ಕ್ಷುಲ್ಲಕ ಕಾರಣಕ್ಕೆ ರೇಣುಕಾಸ್ವಾಮಿ ಕೊಲೆ ಪ್ರಕರಣಕ್ಕೆ ಸಂಬಂಧಿಸಿ ನಟ ಚಾಲೆಂಜಿಗ್ ಸ್ಟಾರ್ ದರ್ಶನ್ ಜೈಲಿನ ಕಂಬಿ ಎಣಿಸುತ್ತಿದ್ದಾರೆ. ಇದರಿಂದ ದರ್ಶನ್ ಅಭಿಮಾನಿಗಳು ಕುಗ್ಗಿ ಹೋಗಿದ್ದಾರೆ. ಈ ನಡುವೆ ದರ್ಶನ್ ನಟನೆಯ 2005 ರ ಹಿಟ್ ʻಶಾಸ್ತ್ರಿʼ ಸಿನಿಮಾ ರೀ- ರಿಲೀಸ್ ಗೆ ಘೋಷಣೆಯಾಗಿದೆ.
ವಿತರಕ ಶಂಕರ್ ಅವರು ದರ್ಶನ್ ನಟನೆಯ 2005 ರ ಹಿಟ್ ಶಾಸ್ತ್ರಿ ಸಿನಿಮಾ ರೀ- ರಿಲೀಸ್ ಘೋಷಿಸಿದ್ದಾರೆ.
ಪಿ. ಎನ್ ಸತ್ಯ ಕಥೆ, ಚಿತ್ರಕಥೆ ಬರೆದು ನಿರ್ದೇಶನ ಮಾಡಿದ್ದ ರೌಡಿಸಂ ಸಿನಿಮಾ ಇದು. ದರ್ಶನ್ ಜೋಡಿಯಾಗಿ ಮಾನ್ಯ ನಟಿಸಿದ್ದರು. ಆಪ್ತ ಅಣಜಿ ನಾಗರಾಜ್ ಚಿತ್ರಕ್ಕೆ ಬಂಡವಾಳ ಹೂಡಿದ್ದರು. ಸಾಧು ಕೋಕಿಲ ಸಂಗೀತ ಸಂಯೋಜನೆ ಮಾಡಿದ್ದು, 2005ರಲ್ಲಿ ಈ ಸಿನಿಮಾ ತೆರೆಕಂಡಿತ್ತು.
ವೈದ್ಯಕೀಯ ವಿದ್ಯಾರ್ಥಿ ನಂತರ ಹೇಗೆ ಗ್ಯಾಂಗ್ ಸ್ಟರ್ ಆಗುತ್ತಾನೆ ಎಂಬುದು ಚಿತ್ರದ ಕಥೆಯಾಗಿದೆ.
ಇನ್ನು ಸಿನಿಮಾ ರೀ-ರಿಲೀಸ್ ಬಗ್ಗೆ ಮಾಧ್ಯಮಗಳೊಂದಿಗೆ ಮಾತನಾಡಿದ ವಿತರಕರು, ದರ್ಶನ್ ಅವರ ಸದ್ಯದ ಪರಿಸ್ಥಿತಿಗೂ ಸಿನಿಮಾ ರಿ ರಿಲೀಸ್ ಮಾಡುತ್ತಿರುವುದಕ್ಕೂ ಯಾವುದೇ ಸಂಬಂಧವಿಲ್ಲ ಎಂದು ಸ್ಪಷ್ಟಪಡಿಸಿದ್ದಾರೆ. ಇದು ಸಡನ್ ಪ್ಲ್ಯಾನ್ ಅಲ್ಲ. ‘ಈ ವಾರ ಕನ್ನಡದ ಬೇರೆ ಯಾವ ಸಿನಿಮಾ ಕೂಡ ಬಿಡುಗಡೆ ಆಗುತ್ತಿಲ್ಲ.
ಹಾಗಾಗಿ ಚಿತ್ರಮಂದಿರದ ಮಾಲೀಕರು ರೀ-ರಿಲೀಸ್ ಮಾಡಿ ಅಂತ ಮನವಿ ಮಾಡಿಕೊಂಡಿದ್ದಾರೆ. ರಾಜ್ಯಾದ್ಯಂತ 25ರಿಂದ 50 ಚಿತ್ರಮಂದಿರಗಳಲ್ಲಿ ‘ಶಾಸ್ತ್ರಿ’ ಸಿನಿಮಾ ಬಿಡುಗಡೆ ಮಾಡುತ್ತೇವೆ. ಗಲಭೆ ಆಗಬಹುದು ಅಂತ ಕೆಲವು ಚಿತ್ರಮಂದಿರದ ಮಾಲಿಕರು ಯೋಚನೆ ಮಾಡುತ್ತಿದ್ದಾರೆ. ದರ್ಶನ್ ಜೈಲಿಗೆ ಹೋಗಿದ್ದಕ್ಕೂ ‘ಶಾಸ್ತ್ರಿ’ ಮರು ಬಿಡುಗಡೆ ಮಾಡುತ್ತಿರುವುದಕ್ಕೂ ಯಾವುದೇ ಸಂಬಂಧ ಇಲ್ಲ. 6 ತಿಂಗಳ ಹಿಂದೆಯೇ ಇದಕ್ಕೆ ತಯಾರಿ ಮಾಡಿಕೊಂಡಿದ್ದೆವು’ ಎಂದು ವಿ.ಎಂ. ಶಂಕರ್ ಅವರು ಹೇಳಿದ್ದಾರೆ.