ಆರ್​ಆರ್​ಆರ್​, 'ಕೆಜಿಎಫ್-2 ಹಿಂದಿಕ್ಕಿ ಅತಿ ಹೆಚ್ಚು ಗಳಿಕೆಯಲ್ಲಿ 3ನೇ ಸ್ಥಾನ ಪಡೆದ 'ಪುಷ್ಪ 2-ದಿ ರೂಲ್'

ಮೈತ್ರಿ ಮೂವಿ ಮೇಕರ್ಸ್ ನಿರ್ಮಾಣದ , 'ಪುಷ್ಪ 2' ವಿಶ್ವಾದ್ಯಂತ ₹ 1,409 ಕೋಟಿ ಗಳಿಸಿದೆ. ಶೀಘ್ರದಲ್ಲೇ ₹ 1,500 ಕೋಟಿ ಕ್ಲಬ್​​ಗೆ ಪ್ರವೇಶಿಸುವ ನಿರೀಕ್ಷೆಯಿದೆ. ಅಲ್ಲು ಅರ್ಜುನ್ ಅವರ ಆಕ್ಷನ್ ಡ್ರಾಮಾ 'ಪುಷ್ಪ 2-ದಿ ರೂಲ್' ಎಸ್ಎಸ್ ರಾಜಮೌಳಿ ಅವರ 'ಆರ್​ಆರ್​ಆರ್​ ' ಮತ್ತು ಕನ್ನಡದ 'ಕೆಜಿಎಫ್ -2' ಅನ್ನು ಹಿಂದಿಕ್ಕಿ 3 ನೇ ಅತಿ ಹೆಚ್ಚು ಗಳಿಕೆಯ ಭಾರತೀಯ ಚಿತ್ರ ಎನಿಸಿಕೊಂಡಿದೆ. ಡಿಸೆಂಬರ್ 5ರಂದು ಬಿಡುಗಡೆಯಾದ ಕೇವಲ 11 ದಿನಗಳಲ್ಲಿ ಈ ಮೈಲಿಗಲ್ಲನ್ನು ತಲುಪಿದೆ.

'ಪುಷ್ಪ 2-ದಿ ರೂಲ್' ತೆಲುಗು ಚಿತ್ರ 'ಪುಷ್ಪ-ದಿ ರೈಸ್' ನ ಮುಂದುವರಿದ ಭಾಗವಾಗಿದ್ದು, ಇದು ರಕ್ತರಚಂದನ ಕಳ್ಳ ಪುಷ್ಪಾನ ಕತೆಯಾಗಿದೆ. ಸೀಕ್ವೆಲ್ ಭಾರತೀಯ ಚಲನಚಿತ್ರಕ್ಕೆ ಬಂಪರ್ ಓಪನಿಂಗ್ ಅನ್ನು ಹೊಂದಿತ್ತು. ಮೊದಲ ದಿನದಂದು ದೇಶೀಯವಾಗಿ ₹ 165 ಕೋಟಿ ನಿವ್ವಳ ಮತ್ತು ವಿಶ್ವಾದ್ಯಂತ ₹ 294 ಕೋಟಿ ಒಟ್ಟು ಗಳಿಸಿತ್ತು.

ಚಿತ್ರದ ನಿರ್ಮಾಣ ಸಂಸ್ಥೆ ಮೈತ್ರಿ ಮೂವಿ ಮೇಕರ್ಸ್ ಪ್ರಕಾರ, 'ಪುಷ್ಪ 2' ವಿಶ್ವಾದ್ಯಂತ ₹ 1,409 ಕೋಟಿ ಗಳಿಸಿದೆ ಮತ್ತು ಶೀಘ್ರದಲ್ಲೇ ₹ 1,500 ಕೋಟಿ ಕ್ಲಬ್​ಗೆ ಪ್ರವೇಶಿಸುವ ನಿರೀಕ್ಷೆಯಿದೆ.

'ಬಾಹುಬಲಿ 2-ದಿ ಕನ್​ಕ್ಲೂಷನ್​ ' ಮೀರುವ ಹಾದಿಯಲ್ಲಿ?

ಚಿತ್ರವು ಎಸ್.ಎಸ್.ರಾಜಮೌಳಿ ಅವರ 'ಬಾಹುಬಲಿ 2-ದಿ ಕನ್ ಕ್ಲೂಷನ್' ಅನ್ನು 1,790 ಕೋಟಿ ರೂ.ಗಳ ಗರಿಷ್ಠ ಸಂಗ್ರಹವನ್ನು ದಾಟಲು ಸಜ್ಜಾಗಿದೆ. ಅಲ್ಲಿಗೆ 'ಪುಷ್ಪ 2' ಎರಡನೇ ಅತಿ ಹೆಚ್ಚು ಗಳಿಕೆಯ ಭಾರತೀಯ ಚಿತ್ರವಾಗಲಿದೆ.

ಬಾಕ್ಸ್ ಆಫೀಸ್ ಕಲೆಕ್ಷನ್ ಟ್ರ್ಯಾಕ್ ಮಾಡುವ ಸಕ್ನಿಲ್ಕ್ ವೆಬ್​ಸೈಟ್​​ ಪ್ರಕಾರ, 'ಪುಷ್ಪಾ ಸೀಕ್ವೆಲ್ ಎಸ್ಎಸ್ ರಾಜಮೌಳಿ ಅವರ 'ಆರ್​ಆರ್​​ಆರ್​ ' (1,230 ಕೋಟಿ ರೂ.) ಮತ್ತು ಯಶ್ ಅಭಿನಯದ 'ಕೆಜಿಎಫ್ ಚಾಪ್ಟರ್ 2' (1,215 ಕೋಟಿ ರೂ.) ಗರಿಷ್ಠ ಸಂಗ್ರಹವನ್ನು ದಾಟಿದೆ.

ತೆಲುಗು ಆವೃತ್ತಿಯನ್ನು ಹಿಂದಿಕ್ಕಿದ ಹಿಂದಿ ಆವೃತ್ತಿ

'ಪುಷ್ಪಾ 2-ದಿ ರೂಲ್' ಹಿಂದಿ ಆವೃತ್ತಿಯು ಗಳಿಕೆಯಲ್ಲಿ ತೆಲುಗು ಮೀರಿಸುತ್ತಿದೆ ಎಂದು ವರದಿಗಳು ತಿಳಿಸಿವೆ. ಈ ಚಿತ್ರವು ತನ್ನ ಎರಡನೇ ಭಾನುವಾರ (11 ನೇ ದಿನ) ಹಿಂದಿ ಆವೃತ್ತಿಯಲ್ಲಿ ₹ 500 ಕೋಟಿ ಸಂಗ್ರಹ ಮಾಡಿದೆ. ಇದು 7 ನೇ ಮತ್ತು ವೇಗವಾಗಿ ಮಾಡಿದ ಚಿತ್ರವಾಗಿದೆ. ಈ ಹಿಂದೆ ಶಾರುಖ್ ಖಾನ್ ಅವರ 'ಜವಾನ್' 18 ದಿನಗಳಲ್ಲಿ 500 ಕೋಟಿ ರೂ.ಗಳ ಗಳಿಕೆಯನ್ನು ವೇಗವಾಗಿ ತಲುಪಿತ್ತು.