ಬಾಲಯ್ಯ ನಟನೆಯ 'ಅಖಂಡ 2' ಚಿತ್ರಕ್ಕೆ ಭರ್ಜರಿ ರೆಸ್ಪಾನ್ಸ್
ತೆಲುಗಿನ ನಂದಮೂರಿ ಬಾಲಕೃಷ್ಣ ನಟನೆಯ ಒಂದೇ ದಿನದಲ್ಲಿ ಅಂದಾಜು 29.5ಕೋಟಿ ರೂ. ಗಳಿಸಿದೆ. ಆ ಮೂಲಕ ಬಾಲಯ್ಯ ಸ್ಟಾರ್ಡಂ ಮತ್ತಷ್ಟು ಹೆಚ್ಚು ಮಾಡಿದೆ.
ದಕ್ಷಿಣ ಭಾರತದ ಸೂಪರ್ಸ್ಟಾರ್ ನಂದಮೂರಿ ಬಾಲಕೃಷ್ಣ ಅವರ ಬಹುನಿರೀಕ್ಷಿತ ಚಿತ್ರ 'ಅಖಂಡ 2' ಬಾಕ್ಸ್ ಆಫೀಸ್ನಲ್ಲಿ ಅಬ್ಬರದ ಪ್ರವೇಶ ಮಾಡಿದೆ. ಇದು ತೆಲುಗು ಸಿನಿಮಾರಂಗದಲ್ಲಿ ನಟನ ಸ್ಟಾರ್ ಪವರ್ಗೆ ಮತ್ತೊಮ್ಮೆ ಸಾಕ್ಷಿಯಾಗಿದೆ. ಡಿಸೆಂಬರ್ 5 ರಂದು ಬಿಡುಗಡೆಯಾಗಬೇಕಿದ್ದ ಈ ಸಿನಿಮಾ ಹಣಕಾಸಿನ ಸಮಸ್ಯೆಗಳಿಂದ ಕೊನೆಯ ಕ್ಷಣದಲ್ಲಿ ಮುಂದೂಡಲ್ಪಟ್ಟು ಡಿಸೆಂಬರ್ 12ರಂದು ತೆರೆಗೆ ಬಂದಿದೆ. ಮಿಶ್ರ ವಿಮರ್ಶೆಗಳ ನಡುವೆಯೂ ಈ ಪೌರಾಣಿಕ ಆಕ್ಷನ್ ಎಂಟರ್ಟೈನರ್ ಚಿತ್ರವು ಮೊದಲ ದಿನವೇ ಭಾರೀ ಜನಸಮೂಹವನ್ನು ಸೆಳೆಯುವಲ್ಲಿ ಯಶಸ್ವಿಯಾಗಿದೆ.
ದಿನ 1 ರ ಬಾಕ್ಸ್ ಆಫೀಸ್ ಕಲೆಕ್ಷನ್ ಎಷ್ಟು?
ಚಿತ್ರ ಬಿಡುಗಡೆಗೂ ಮುನ್ನವೇ ಭಾರತ ಮತ್ತು ವಿದೇಶಗಳಲ್ಲಿ ಪ್ರೀಮಿಯರ್ ಶೋಗಳು ಹೌಸ್ಫುಲ್ ಆಗಿ ಭಾರಿ ಸದ್ದು ಮಾಡಿತ್ತು. ಈ ಆರಂಭಿಕ ಸದ್ದು ಸಿನಿಮಾ ಬಿಡುಗಡೆಯಾದ ನಂತರ ಭರ್ಜರಿ ಪ್ರೇಕ್ಷಕರನ್ನು ಸೆಳೆದಿದೆ. ಬೋಯಪಾಟಿ ಶ್ರೀನು ನಿರ್ದೇಶನದ 'ಅಖಂಡ 2' ತೆಲುಗು, ತಮಿಳು, ಹಿಂದಿ, ಕನ್ನಡ ಮತ್ತು ಮಲಯಾಳಂ ಸೇರಿ ಐದು ಭಾಷೆಗಳಲ್ಲಿ ಬಿಡುಗಡೆಯಾಗಿದೆ.
ಸ್ಯಾಕ್ನಿಲ್ಕ್ ಸಂಸ್ಥೆಯ ಆರಂಭಿಕ ಅಂದಾಜಿನ ಪ್ರಕಾರ, ಈ ಚಿತ್ರವು ಮೊದಲ ದಿನ ಸುಮಾರು 30 ಕೋಟಿ ರೂ. ಗಳಿಸಿದೆ. ಇದು ಬಾಲಕೃಷ್ಣ ಅವರ ವೃತ್ತಿಜೀವನದಲ್ಲಿ ಅತಿ ದೊಡ್ಡ ಆರಂಭಿಕ ಗಳಿಕೆಯಾಗಿದ್ದು, ಅವರ ಹಿಂದಿನ ಚಿತ್ರ 'ಡಾಕು ಮಹಾರಾಜ್' ನ ಮೊದಲ ದಿನದ 25 ಕೋಟಿ ರೂ. ಗಳಿಕೆಯನ್ನು ಹಿಂದಿಕ್ಕಿದೆ.
ಅತೀ ಹೆಚ್ಚು ಗಳಿಕೆ ತೆಲುಗು ಆವೃತ್ತಿಯಿಂದಲೇ ಬಂದಿದ್ದು, ಒಂದೇ ದಿನದಲ್ಲಿ ಅಂದಾಜು 29.5ಕೋಟಿ ರೂ. ಗಳಿಸಿದೆ. ಇನ್ನುಳಿದ ಆವೃತ್ತಿಗಳ ಕೊಡುಗೆ ತಕ್ಕಮಟ್ಟಿಗೆ ಇದೆ. ತಮಿಳು ಆವೃತ್ತಿಯು ಸುಮಾರು 35ಲಕ್ಷ ರೂ, ಕನ್ನಡ 4ಲಕ್ಷ ರೂ. ಹಿಂದಿ 1 ಲಕ್ಷ ರೂ. ಮತ್ತು ಮಲಯಾಳಂ1 ಲಕ್ಷ ರೂ.ಲಕ್ಷ ಗಳಿಸಿದೆ.
ಕಥೆ ಮತ್ತು ನಿರೂಪಣೆಯ ಬಗ್ಗೆ ವಿಮರ್ಶಕರು ಮತ್ತು ಪ್ರೇಕ್ಷಕರ ಒಂದು ವಿಭಾಗದಲ್ಲಿ ಮಿಶ್ರ ಅಭಿಪ್ರಾಯ ವ್ಯಕ್ತವಾಗಿದ್ದರೂ, ಮೊದಲ ದಿನದ ಗಳಿಕೆ ಈ ಪ್ರತಿಕ್ರಿಯೆಗಳು ಪ್ರೇಕ್ಷಕರ ಉತ್ಸಾಹವನ್ನು ಕುಗ್ಗಿಸಿಲ್ಲ. ಸಿನಿಮಾದಲ್ಲಿರುವ ಆಕ್ಷನ್ ದೃಶ್ಯಗಳು, ಬಾಲಕೃಷ್ಣ ಅವರ ಪರದೆಯ ಉಪಸ್ಥಿತಿ ಮತ್ತು ಚಿತ್ರದ ಪೌರಾಣಿಕ ಅಂಶಗಳು ಮೊದಲ ದಿನ ಜನರನ್ನು ಚಿತ್ರಮಂದಿರಗಳಿಗೆ ಸೆಳೆಯುವಲ್ಲಿ ಪ್ರಮುಖ ಪಾತ್ರವಹಿಸಿವೆ ಎಂದು ವ್ಯಾಪಾರ ವಿಶ್ಲೇಷಕರು ಅಭಿಪ್ರಾಯಪಟ್ಟಿದ್ದಾರೆ.
ಚಿತ್ರದ ವಿಶೇಷತೆಗಳು
'ಅಖಂಡ 2' ಚಿತ್ರದಲ್ಲಿ ಬಾಲಕೃಷ್ಣ ಅವರು ಅಖಂಡನ ಪಾತ್ರವನ್ನು ಪುನರಾವರ್ತಿಸಿದ್ದಾರೆ. ಈ ಸೀಕ್ವೆಲ್ನಲ್ಲಿ ಆದಿ ಪಿನಿಸೆಟ್ಟಿ ಅವರು ಹೊಸ ವಿಲನ್ ಆಗಿ ಕಾಣಿಸಿಕೊಂಡಿದ್ದಾರೆ, ಇವರು ಅಲೌಕಿಕ ಶಕ್ತಿಗಳನ್ನು ಹೊಂದಿರುವ ನಿಗೂಢ ವ್ಯಕ್ತಿಯಾಗಿ ನಟಿಸಿದ್ದಾರೆ. ಇವರ ನಡುವಿನ ಮುಖಾಮುಖಿಯೇ ಚಿತ್ರದ ಪ್ರಮುಖ ತಿರುಳು. ಸಂಯುಕ್ತಾ, ಹರ್ಷಾಲಿ ಮಲ್ಹೋತ್ರಾ ಮತ್ತು ಕಬೀರ್ ದುಹಾನ್ ಸಿಂಗ್ ಕೂಡ ಪ್ರಮುಖ ಪಾತ್ರಗಳಲ್ಲಿದ್ದಾರೆ.
ಇದರ ಜೊತೆಗೆ, ಚಿತ್ರದ ನಿರ್ಮಾಪಕರು ಈ ಸರಣಿ ಮುಂದುವರಿಯುವುದನ್ನು ಅಧಿಕೃತವಾಗಿ ಘೋಷಿಸಿದ್ದಾರೆ. ಚಿತ್ರದ ಕೊನೆಯಲ್ಲಿ ಮೂರನೇ ಭಾಗವಾದ 'ಜೈ ಅಖಂಡ'ದ ಸುಳಿವು ನೀಡಲಾಗಿದ್ದು, ಅಖಂಡನ ಪ್ರಯಾಣ ಶಂಭಲಾದತ್ತ ಸಾಗಿ, ದೇಶಕ್ಕೆ ಅಗತ್ಯ ಬಂದಾಗ ಅವನು ಮತ್ತೆ ಹಿಂದಿರುಗುವ ಕಥೆಯನ್ನು ಪ್ರಸ್ತಾಪಿಸಲಾಗಿದೆ. ಈ ವಾರಾಂತ್ಯದಲ್ಲಿ ಚಿತ್ರವು ಮತ್ತಷ್ಟು ಉತ್ತಮ ಪ್ರದರ್ಶನ ನೀಡುವ ನಿರೀಕ್ಷೆಯಿದೆ.
